ISAIA 41:9 - OTSAO BAIBEL (BSI)

⁹ Kue hünzom haxtua-zangnam tokya apüipu; kue hünzom ochu tokya nyakle apüipu ilaxle hünzom ang thüipu, ‘Hünzom a ku dapabu changle.’ Kue hünzom chilaxle chiawüt, ikoxle zünle mix koppu.

ISAIA 41:9 ပူးပေါင်းရင်းမြစ်များ

1 SAMUEL 12:22

Jowanpae hünzom a chix khünaknu ang achang angkya tsaosaxdaoa, üntoxle mongzangwünle tsuakdaoa.

MÜNCHUAK-TSAI 94:14

Jowanpa chix khünakbu danle müntoxüi; opang chix kux changpuix, ibu chixe tsiakle müntox.

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

KAXHO MÜIKYA LUK 13:29

Üntoxle handün hia hannopchi tokya, shuakux hia shuathong tokya, khünaknu nguilaxle Zang Wangting fongsüt ma haküi.

ISAIA 41:8

“Ikoxlechu hünzom, Israel nok ku dabu, hünzom a kue zünle kopkya khünakbu changle, ku zuikhui Abraham su-sa hwom a.

ISAIA 41:2

“Handünchi tokhange anaole hüikya ija a owa, chix alele chito chixe wüi anaokya a? Wanghom-wanghombu hia onok onokbu to lüt angkya chix ang janzüi owae kox? Ibu a haxkhix-labu tukuxle chix changlo fang ma nguak. Chix sanhap tuntho to hwom a tsaxsabu ningle pikle pao.

TSAITONG-KAXTONG 14:2

Hünzom a Jowanpa hünzom Zang kux changpu; hünzome chixe chaxwannu angkya khünak khama chix khünak ang kamle kopdaoa.

MÜNCHUAK-TSAI 135:4

Chemthüikoxle Jowanpae Jakop a chix hanpak ang kamdaoa, Israel khünaknu a chix kux ang kamdaoa.

ISAIA 11:11

Chemtue ija nyix nguile hüiüihex, Jowanpa-e chix tsak-zong tamchatle twonüi ilaxle chix khünaknu opang Asiria nok hia Ijip nok, Pathros, Etheopia Elam, Babilon, tamchu Hamath ibu haxtok to tüikyabu, ilaxle tinu kax achole tüikya hia shuazo to ngole tüikyabu, ibu pangwüi ma chaxwan lomle chat ang tomüi.

ISAIA 14:1

Jowanpae tamchatle chix khünaknu Israel to chingchale changüi ilaxle hwom a chix khünaknu ang zünle kopüi. Chixe hwom a hwom haxtok ma wüi tamchatle ngo ang tomüi, ilaxle mixnokbu nguiüi üntoxle hwom füi tomle ikhato ngoüi.

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

ISAIA 44:1

Jowanpae thüi: “Athax apakoplax, Israel, ku da, kue zünle kopkya khünakbu, Jakop sixli hwom.

ISAIA 45:4

Kue nang ku da Israel nok to fong ang kampu, kue zünle kopkya khünaknu. Kue nang ang tüle chongkya achuak-achenkya koxdaoa, hünzome ku awanle kop angkya wüi.

MALAKI 1:2

Jowanpae chix khünaknu füi akax: “Kue hünzom to othuithuima mongkün daoa.” Ikoxle hwome lan: “Nange kwom tokya nang mongkün chemle aho daopu?” Jowanpae lan: “Esau hia Jakop nyi a tüi-hi-nao nyi changkya, ikoxlechu kue Jakop hia chix sixli hwom to mongkünpu,