ISAIA 41:8 - OTSAO BAIBEL (BSI)

⁸ “Ikoxlechu hünzom, Israel nok ku dabu, hünzom a kue zünle kopkya khünakbu changle, ku zuikhui Abraham su-sa hwom a.

ISAIA 41:8 ပူးပေါင်းရင်းမြစ်များ

JAKOP 2:23

“Abrahame Zang to mongong, üntoxle chix mongong khoma Zange chix atsaole pongle lax”, le akaxkya Otsao Laikax changle kotok to ngai. Ikhoma Abraham ang “Zang shempa”, le nyak.

2 PUKAX-PANGAO 20:7

Nang a kwom Zang changle. Chemtue nang khünaknu Israel nok ija haxtok to ngui ang achexle changpuix, ipongma nange ikhato ating-anokle tüikya khünakbu jwonle apao ilaxle ija haxtok a, nang zuipa Abraham sixli hwom ang, jento hwom tingtok ang lax ang koxpu.

TSAITONG-KAXTONG 14:2

Hünzom a Jowanpa hünzom Zang kux changpu; hünzome chixe chaxwannu angkya khünak khama chix khünak ang kamle kopdaoa.

ISAIA 51:2

Hünpu, Abraham ajangle koplax, tamchu Sarah, owa makhange hünzom pu-tsale hüipuix. Kue chemtue Abraham nyakkya hex, chix ma naosom matüikya, ikoxle kue chix to mohiman ilaxle su-sa hwom kox; kue chix su-sa hwom huanuma pu-tsale chang ang tom.

ISAIA 44:21

Jowanpae thüi: “Israel, ija mong ma koplax; hünzom a ku da changpule mong ma koplax. Kue hünzom a ku da angle zingpu, ilaxle kue hünzom otuechu münalak.

ISAIA 29:22

Idaile Jowanpa, Israel nok Zang, owae thamabu chak tokya Abraham khosünle koppuix, chixe thüile: “Ku khünaknu, chingchingchichale athaxpi hünzom awütle münthomüi, ilaxle athaxpi hünzom thünza zakkop laxle huishole ngo ang müntom

MÜNCHUAK-TSAI 33:12

Jowanpa hwom Zang ang ngole tüikya haxtok a mongmüi haxtok changle; chixe ma khünak ang kamle kopkyabu a mongmüi mixbu changle!

ISAIA 43:1

Israel, Jowanpa owae hünzom zingle alaipuix chixe thüile: “Ojao taxza — kue hünzom sünle kopüi. Kue hünzom a mün makhange nyakle koppu — hünzom a ku kux.

MÜNCHUAK-TSAI 135:4

Chemthüikoxle Jowanpae Jakop a chix hanpak ang kamdaoa, Israel khünaknu a chix kux ang kamdaoa.

JEREMIA 33:24

“Kue zünle kopkya homkha anyi, Israel hia Judah nyi kue chilaxle awütle le khünaknue akax ngokya nange ngünchami? Ikhoma hwome ku khünaknu to adale hule ilaxle ibu a tuita jat-li ang chilaxle changle.

ISAIA 48:12

Jowanpae thüi: “Ku kax to apalax, Israel, kue nyakle kopkya khünakbu! Ku a Zang changle, owang, oshuk, tuita wüi tüikya Zang!

MATHI 3:9

Tamchu Abraham kwom hopa changpule hünzome akaxkya khoma hüiüi tüikya Zang mongtsik chak tokya hünzom azang ang tho angkya oli münchang. Zange ibu longdwon makhangechu Abraham susabu alai ang tho angkya changle.

ISAIA 63:16

Nang a kwom hopa changle. Kwom putong Abraham hia Jakop hwome kwom mün chichangle, owae jento kwom khosünle koppuix, ija Jowanpa, kwom hopa, nang mün tata fuale tox wüi.

ISAIA 49:3

Chixe ku ang thüi: “Israel, nang a ku da changle; nang khokho ma, khünaknue ku achuaküi.”

TSAITONG-KAXTONG 10:15

Ikoxle hünzom putong hwom tokya Jowanpa mongkün tüle chongkya tüikya khoma mama owawa chichang homtoxle chixe hünzom zünle koppu, ilaxle hünzom athax kople chixe zünle kopdaokya chix khünaknu changle.

LIWI 25:42

Israel khünakbu a Jowanpa changle; hwom a Ijip nok to da ang ngokya chixe alaipu; hwom a tamchatle da ang hang angkya oli münchang.

GALATIA 3:19

Jangchangba, wanlom thomkya chem hanpak? Ija a thaikya chemhex ija aho angkya obo, üntoxle ija a Zang kaxtsao owa ang koxle thomlaxpuix, ija Abraham sixli mahüikya bama ngo angkya hanpak changle. Wanlom a pongtai mix chak tokhange kaxtaimixbue apongle fakya.

MÜNCHUAK-TSAI 136:22

chixe ibu Israel, chix dapa ang kox; chix mongkün ma oshuk müntüi.

ISAIA 14:1

Jowanpae tamchatle chix khünaknu Israel to chingchale changüi ilaxle hwom a chix khünaknu ang zünle kopüi. Chixe hwom a hwom haxtok ma wüi tamchatle ngo ang tomüi, ilaxle mixnokbu nguiüi üntoxle hwom füi tomle ikhato ngoüi.

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

ISAIA 42:19

Ku dapa to kaile mik apwomkya mix tüicha, ku mwot-tsan mix to kaile nabakya mix a?

ISAIA 43:5

Hünzom ojao taxza — ku a hünzom füi tüile! “Tsailo nok handün hia hannop tokyabu, hünzom khünakbu kue hom to ngui ang tomüi.

ISAIA 43:10

“Israel khünakbu, hünzom a ku ngünmixbu changpu; kue nang a ku da ang kampu, ile hünzome ku awan ang kop ilaxle mongongle naxchang ilaxle Zang a ku tata wüile nax awan kop ang. Ku bobo ma mama Zang tam müntüi; ami chu müntüikya athax chu müntüiüi.

ISAIA 45:4

Kue nang ku da Israel nok to fong ang kampu, kue zünle kopkya khünaknu. Kue nang ang tüle chongkya achuak-achenkya koxdaoa, hünzome ku awanle kop angkya wüi.

MALAKI 1:2

Jowanpae chix khünaknu füi akax: “Kue hünzom to othuithuima mongkün daoa.” Ikoxle hwome lan: “Nange kwom tokya nang mongkün chemle aho daopu?” Jowanpae lan: “Esau hia Jakop nyi a tüi-hi-nao nyi changkya, ikoxlechu kue Jakop hia chix sixli hwom to mongkünpu,

MÜNCHUAK-TSAI 136:21

Chixe ibu haxtok chix khünaknu ang kox; chix mongkün ma oshuk müntüi;