ISAIA 41:18 - OTSAO BAIBEL (BSI)

¹⁸ Haxkozan haxhuabu tokhange kue shuajen jen ang tomüi ilaxle haxsha to tümik fuakle ti jen ang tomüi. Kue sak-hax a ti atungle ngokya nui ang achangüi ilaxle haxkozan tümik fuakle tijen nui ang achangüi.

ISAIA 41:18 ပူးပေါင်းရင်းမြစ်များ

MÜNCHUAK-TSAI 107:35

Chixe sak-hax a tüküi ang achangle alüix ilaxle haxkozan a shuajenbu ang achang.

ISAIA 58:11

Ilaxle kue hünzom jento azuiüi ilaxle müikya oli pangwüi füi hünzom ang mongzom müi ang tomüi. Kue hünzom a tsak-zongle tamchu müimüi-zangngaile ngo ang tomüi. Hünzom a ti okhonguile tüikya tsawatkha lailaile changüi, tamchu zople chipaokya shuasa jajen ningle changüi.

ISAIA 30:25

Hünzome zanpabu zanhunui hwople koplaxle hwom khünakbu langle changüihex, ipongma haxkang-haxhua pangnu tokhange tümik fuakle ti jenüi.

MIKNGÜN-OHÜN 7:17

chemthüikoxle chongwang tüntong, osungwa angkya Chun Hosa a, hwom Chunnyetpa changüi; khüzün tümik fuaknui to, chixe hwom zunnüi. Hwom angkya mikfi pangwüi, Zange fwotle faüi.”

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.

MIKNGÜN-OHÜN 22:1

Zang hia Chun Hosa chongwang tüntong makhange lailaxle tingnu angkya tingjang lomnu osungwa ma jenle jukya, kristel lailaile tüle ajik-ajep le tüikya,

ZEKARIA 14:8

Chemtue ija hanpak nguile hüiüihex, Jerusalem makhange tsaothakya tibu jenüi, ija angkya süifi Omang Tinu to ilaxle süifi a Mediterenian Tinu tole jenüi. Ija a zangwa hia tsonu chisüile zanglao atale jenüi.

JOEL 3:18

Ipongma haxnubu a grep manzaie awangle changüi, ilaxle haxhua pangnu khato osu-maihu ngün ang kopüi; Judah nok pangnu hanpak ang ti okhonguile tüiüi. Jowanpa Zangshwom-Hom tokhange shuasa tuita jenüi, ilaxle ijae Akasia haxsha ang ti koxüi.

ISAIA 32:2

Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.

ISAIA 12:3

Tikongsae tilan amüikya ningle, Zang khünakbu, chixe hwom khosünkya zuma mongmüile.”

ISAIA 48:21

Chemtue Jowanpae chix khünaknu khamkya hia zuazoxkya sak-hax akaile lepongma, hwom tilan maxle sikngünkya chitüi. Hwom hanpakma chixe ti long tuita angkya fuakle lai ang tom; chixe longnu afi, ilaxle ikha angkya ti fuakle lai.

MÜNCHUAK-TSAI 105:41

Chixe longnu adaple kox, ilaxle imakhange ti fuakle alai, ilaxle ija sak-hax akaile shuajen lailaile jenle ju.

MÜNCHUAK-TSAI 46:4

Zang tingnu hato mongmüi apüikya shuajen tuita tüile, Khüthak Zang otsao homlo to a.

MÜNCHUAK-TSAI 104:10

Nange shuasabu haxchabu to jenle ju ang, ilaxle shuajenbu haxbang-bang ma jen ang tom.

ISAIA 33:21

Jowanpae chix fuazang kem hato ahoüi. Kem a shuanu khaokyabu hia shuasabu zui ma ngoüi, ikoxlechu zan-nokbu khua ikhato münahamüi.

ISAIA 35:1

Sak-haxe mongmüiüi, ilaxle khünak chingokya faokha to maipuabu puaüi.

ISAIA 65:13

Idaile kue hünzom ang thüipu, opange ku to shwompuix tamchu ku kax ma laxle tüipuix, ibu ang sax angkya hia ling angkya okhonguile tüiüi, ikoxlechu hünzom a wokno tilanle wüi ngoüi. Hwom ang mongmüile tüiüi, ikoxlechu nang a chilaxle ahaiüi.

KAXFÜNPA-HWOM 15:19

Ipongma Zang-e Lehi ma tüküi tuita alai, ilaxle ikhama ti awang ang tom. Samson-e ija ti ling ilaxle tsaktsa dongle tsak. Ikhoma ija tümik ang Hakkor le nyak. Lehi ma anyixchu ija otya ma wüi tüitan.

MÜNCHUAK-TSAI 126:4

Jowanpa kem tamchatle ahak-aluale chang ang tom, chemle zangwate tamchatle shuazan hato ti apüile fapuix ija lailaile.