ISAIA 41:17 - OTSAO BAIBEL (BSI)

¹⁷ “Chemtue ku khünakbue mwot tüipongma ti lomle changüihex, chemtue tilane hwom dingdua zanle changüihex, ipongma ku, Jowanpae, hwom zangjop to lanüi; Ku, Israel nok Zang-e hwom otuechu danle müntox.

ISAIA 41:17 ပူးပေါင်းရင်းမြစ်များ

ISAIA 55:1

Jowanpae thüi: “Oman, ti alankyabu pangwüi — ikhama ti tüile! Oman, hünzom ngun chitüikyabu— sozam shakle saxlax! Oman! Grep-ti hia tsomti shaklax — ija ma otha münju!

ISAIA 30:19

Hünzom Jerusalem ma ngokya khünaknu otuechu münsopüi. Jowanpa a chingchae awangkya changle, ilaxle chemtue hünzom chingcha jule chix hato sople akhongüihex, chixe hünzom zangjop to lanüi.

MATHI 5:6

“Zang mongtex mwot mokse tsukyabu mohiman; Zange hwom to chingchaüi!

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.

ISAIA 42:16

“Kue ku khünak miksutbu lom azuiüi hwom a lomnu makhange otuechu ma-aham. Kue hwom zangnak ang zangngai ang achangüi ilaxle hwom tunthoma tsoxtsütkya lomnu ajitjuile zingüi. Ibu a ku kaxtsaobu changpu, ilaxle ibu otuechu chichang homle le ang müntom.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

PONGWANG LAIPEX 28:15

Mong ma koplax, ku a tütakhatochu nang füi womle tamchu nang kho-awale ngoüi, ilaxle kue nang ija haxtok to chatle chat ang tomüi. Kue nang füi tsaosax daokyabu pangnu changle mahüi tanto kue nang otuechu danle müntox.”

MIKNGÜN-OHÜN 22:17

Chasa hia Tuipa-e thüi: “oman!” Ija atatkya noknusae wüichu, thüi angkya changle, “Oman!” Oman, opangsa ang ti alan laxpuix; laxse tsukya pange wüi, ija khüzün ti, hingho ang pongle koplax.

MIKNGÜN-OHÜN 21:6

Üntoxle chixe thüi: “Ija tsuakdaoa! Ku a Alfa üntoxle Omega, owang tamchu oshuk changle. Tütapu wüi changlax, ti alankya mix ang omün chifango homle khüzün ti fuaknui angkya ti ling ang kue koxüi.

2 KORIN 12:9

Ikoxle chix kaxlan a: “Nang hanpakma ku chingcha wüi nguile ngoüna, chemthüikoxle ku tsakzong omo apong angkya a nang shonaikya ma tix changle.” Ku khose angkya Khrista zong tüikya mongto awün angkya bama, ku shonaikya bama, ku mongngam angkya ku zongma huanuma mongmüi changle.

KAXHO MÜIKYA LUK 16:24

Ija ma chixe akhongle nyak, ‘O Apa Abraham! Ku to chingchalaxle Lazar chakkhizae ti to thulaxle, ku le ma athwotle akong ang ajohüi, chemthüikoxle ija wünchua khato ku sikngün ashukle ngole!’

MATHI 5:3

“Chasa ma zasa changpule awankyabu, hwom mohiman; Zangkangting a hwom kux changle!

MANGSOP 4:4

Hwome ma naosombu woknuak-tilan ma zi ang tomle; hwom ang owae ngaxchu chifa angkhato naosome süt jule ngole.

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

ISAIA 43:20

Faomüibue ngaxchu ku to achuak-achenle changüi; kue zünle kopkya khünaknu ang ti kox angkya hanpakma kue sak-hax makhange shuajen jen ang tomkya zuma shwon hia ostris-obue ku shwomüi.

MÜNCHUAK-TSAI 94:14

Jowanpa chix khünakbu danle müntoxüi; opang chix kux changpuix, ibu chixe tsiakle müntox.

MÜNCHUAK-TSAI 50:15

Thangnak apong pongma ku selax; kue nang khosünüi, ilaxle nange ku achuaküi.”

MÜNCHUAK-TSAI 42:2

Ozün ma tüikya Zang, nang sungkya tilan kuma tüile. Kue nang ngwotnui to nguilaxle chemtue nang shwom ang thoüi?

MÜNCHUAK-TSAI 34:6

Fong angkya mix chitüikya khünakbue chix nyak, ikoxle chix tsa; thangnak pangnu chak tokya chixe hwom khosün.

MÜNCHUAK-TSAI 22:15

Ku dingdua a labu ningle zanle zuadaoa, üntoxle ku le a kaxnat to atsamle myendaoa. Haxkozan to nange ku naxzilax ang danle toxkoxpu.

LAIPAO 17:6

Sinai haxnu ma longnu tuita tokma ku nang tunthoma ajongüi. Ija longnu to chietkox ijama imakhange khünaknue ling ang ti laiüi.” Israel nok lompabu tunthoma Mosa-e ile mok.

LAIPAO 17:3

Ikoxlechu khünaknu tilane tüle maxkya khoma Mosa to kaxthup-ngaotün ngokya chizak. Hwome thüi: “Nange kwom Ijip haxtok tokya, mixnu-naosa hia tsom-pom to lünle tilan ang azik ang alaile paokya hia?”

MÜNCHUAK-TSAI 37:25

Athax ku azudaoa, ku tsünlole ngole hüidaoa, ikoxlechu ibibi bama kue müikya khünakbu Jowanpa ahaile awütkya münngüntox chichangba hwom su-sabue jusax ang ahamkya münngüntox.

MÜNCHUAK-TSAI 74:21

Mixe afangle thomkyabue zakkop ang taxtom; ibu tuimix-nuakmix hia chitüi-chinangkyabue nang achuak ang tomkox.

ISAIA 48:21

Chemtue Jowanpae chix khünaknu khamkya hia zuazoxkya sak-hax akaile lepongma, hwom tilan maxle sikngünkya chitüi. Hwom hanpakma chixe ti long tuita angkya fuakle lai ang tom; chixe longnu afi, ilaxle ikha angkya ti fuakle lai.

ISAIA 49:10

Hwom a wokno-tilanle müntüiüi. Zanghan hia sak-haxe huakkyae hwom to mak münkoxüi, chemthüikoxle hwom a hwom to mongkünkyabue azuiüi. Chixe hwom a ti fuakle jen ngokya shuasa hato paoüi.

ISAIA 58:11

Ilaxle kue hünzom jento azuiüi ilaxle müikya oli pangwüi füi hünzom ang mongzom müi ang tomüi. Kue hünzom a tsak-zongle tamchu müimüi-zangngaile ngo ang tomüi. Hünzom a ti okhonguile tüikya tsawatkha lailaile changüi, tamchu zople chipaokya shuasa jajen ningle changüi.

ISAIA 62:12

Hünzom ang a “Zang Otsao Khünakbu”, “Jowanpae Sünle kopkya Khünakbu”, le a. Jerusalem ang a “Zang-e Mongkünkya Tingnu”, “Zang-e awütle Chitoxkya Tingnu”, le nyaküi.

ISAIA 65:13

Idaile kue hünzom ang thüipu, opange ku to shwompuix tamchu ku kax ma laxle tüipuix, ibu ang sax angkya hia ling angkya okhonguile tüiüi, ikoxlechu hünzom a wokno tilanle wüi ngoüi. Hwom ang mongmüile tüiüi, ikoxlechu nang a chilaxle ahaiüi.

ISAIA 65:24

Hwome ku to zangjopkya ashuküi thoto wüi kue hwom zangjop to lanüi.

EZEKEL 47:8

Chixe ku ang thüi: “Ija ti a handünchi kao to jenle Jordan Haxsha to ngui ilaxle Omang Tinu alop. Chemtue ija Omang Tinu to jenle dütpuix, ijae chix ma tüikya titsao Tinu kha tokya humti füi alüix.

1 WANGHOMBU 17:8

Ifüima Jowanpae Elija füi akax,

2 PUKAX-PANGAO 6:17

Idaile athaxpi, O Israel Zang, apa Dawid, nang dapa füi tsaosaxkya pangwüi changle hüi ang tomhüi.

JEREMIA 31:25

Zongshole maxngokyabu ang kue janzüi koxüi ilaxle woknuak-tilan ma zongsho ngokyabu ang wokfwot-tilan amüile koxüi.