ISAIA 41:16 - OTSAO BAIBEL (BSI)

¹⁶ Hünzome ibu zangwin to chapüi; zangwine ibu jeple pik paoüi; ilaxle hwom a zangcheie chiakle awütüi. Ifüima ku a hünzom Zang chang koxle hünzom ang mongmüiüi; hünzome ku, Israel nok otsao Zang achuaküi.

ISAIA 41:16 ပူးပေါင်းရင်းမြစ်များ

JEREMIA 51:2

Zangwin to tsaxsa jeple paopu ningle Babilon amüt angkya hanpakma kue mixnokbu ahüiüi. Chemtue ija thama angkya nyix nguile hüipuix, hwome pangnu chitokhange singüi ilaxle haxtok a hingzang ngaxchu chipuakya kha ang dantoxüi.

HABAKUK 3:18

Ikoxlechu ku a mongmüi atungle ngoüi, chemthüikoxle Jowan Zang chix a ku khosünpa changle.

JEREMIA 15:7

Ija haxtok angkya tinglong pangnu towüi tsaxsa apik pupule zangwin to kue hünzom apik. Ku khünaknu, kue hünzom amütpu, kue hünzom su-sa hwom langpu chemthüikoxle hünzom chemtuechu hünzom ochax lomtangbu danle chitox.

FILIPI 3:3

Otsingtsing khwonzüt zom kopdaokyabu a hwom münchang ikoxle kwom changle, chemthüikoxle kwome Zang, chix chasa makhange shwomle ilaxle kwom khüzün tsün Khrista füi notom tüikya bama kwom ang mongmüi le. Kwome otok zom chemtochu münong.

ROM NOK HATO ZAKYA POL LAIZA 5:11

Chatlechu ibu to bole; kem Zang füi zuikhui ang achangkya Jowanpa Jisu Khrista ma Zange kem ang mong amüile.

MATHI 3:12

Chix a tsax chap angkya won chak ma laxlaxle ngole. Chixe tsax otsangtsang süilaxle pung ma afoxüi ikoxle tsaxtsatsa a tamchu chimax angkya wünkha to zok ang koxüi.”

ISAIA 17:13

Jat-libu a tuita tichap ningle thuthusyeple hüile, ikoxlechu Zang-e hwom to sa ilaxle anongle achat, haxkho tokya haxkhix-labu ningle hwom jwonle apao, zangchei to tsaxsa pipupule hwom pikle pao.

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

MÜNCHUAK-TSAI 1:4

Ikoxlechu ochax khünakbua ojao ibu ningle chichang; hwom a zangwin to jeple paokya tsaxsa lailai.

ISAIA 25:9

Chemtue ija changüihex, pangnusae thüiüi: “Chix a kem Zang changle! Keme kem mongong chix ma thompu, ilaxle kem chixe azünpu. Chix a Jowanpa changle! Keme kem mongong chix ma thompu, ilaxle athax kem a pwonla dongle mongmüipu chemthüikoxle kem kho chixe sündaoa.”

ISAIA 28:5

Jowanpa a ozün ma toxkya chix khünaknu hanpakma maipuabu makhange zingkya fuazangkya khohom ang chang angkya hanpak tuita nguile ngole.

ISAIA 29:5

Jerusalem, nang to singkya mixnok pangwüi haxkhi-labu ningle pikle paoüi, ilaxle ija büt kopkya hwom süpahibu a tsaxfa ningle pikle paoüi. Allele tamchu sukhachinale ngopongkhae

ISAIA 35:10

Hwome Jerusalem mongmüi atungle alopüi, pwonla dongle tsai ngaole akhongle-a. Hwom a jento mongmüi-pwonlale ngoüi, othuithui hanpak ang künthang-mongdang füi atsaile a.

ISAIA 40:24

Za ngale ibu küi, za ngale thwom, müt-mütle tsaxsa tula otsing ju ang tom. Chemtue Jowanpae zangwin ahüipuix, ibu a zanle zi ilaxle tsaxfa ningle pikle pao.

ISAIA 51:3

“Kue Jerusalem hato chingcha ahoüi, ija pündaokya khama ngokya pangnusa to. She haxtok a sak-hax chang koxlechu, kue ija a tsawatkha ang achangüi, Kue Eden ma zingkya tsawatkha lailaile. Künsom-mongmüi ima tüile ngoüi, ilaxle ku achuakle hia münchong fale ngaokya tsaibu a.

ISAIA 60:19

“Athaxpi zanghan a hünzom zongto anyixningkya wünnyan ang chichangüi Chichangba zangnak ma lyetnu a hünzom wünnyan ang chingoüi; Ku, Jowanpa, oshuk chitüile hünzom wünnyan ang ngoüi; Ku fuazangkya wünnyane hünzom ang zangngai koxüi.

ISAIA 65:18

Oja kue zingdaolaxpuix ija ma mongmüi-pwonlale ngolax. Hozün Jerusalem a mongmüie awangle tüiüi, ilaxle ima tüikya khünakbu a mongmüi tungle tüiüi.

JEREMIA 51:20

Jowanpae thüile, “Babilon, nang a ku jantu changpu, azan pongma ku chang-hi-pax a. Kue nang a chaxwannu nok jat-li hia wangtingbu thuple akhix ang twonpu,

JEREMIA 51:33

Lebama wüi hwom a zanpabue hütle langüi ilaxle tsaxnak nui to tsax to nakpupule hwom to tingle akhün toxüi. Ku, Jowanpa, Israel nok Khüthak Zang-e ija akaxdaoa.”

DANEL 2:35

Lebama wüi ija jan, komhax, wi-jan, khop-jan, hia hum ibu a zangtso ma saxnak nui angkya haxkhix labu ningle oman chitoxle ojuak ang achang. Ibu pangwüi, oman ngaxchu chitoxle zangwine jeple pao. Ikoxle ija long a chaxwan to jao o-le haxnu ningle achang.

HOSIA 11:9

Kue hünzom to ku mongtsiktsik ma sikngün ang müntom; Kue Israel tamchatle münamüt. Chemthüikoxle ku a Zang changle zangjang khünak tuita münchang. Ku, Otsao a, hünzom füi tüile. Ku a hünzom hato mongtsik ma münngui.

JOEL 2:23

“Mongmüilax, Zaion angkya khünaknu, hünzom hanpakma Jowanpa, hünzom Zang-e chempang mokdaopuix ibama mongmüikox. Chixe hünzom ang watun zangwat okhonguile koxdaoa; chixe zangwa ma zangwat hünzom hato thokle ajodaoa ilaxle tsosa zangwat chuwüi amipongkya ningle koxdaoa.

MIKA 5:8

Mixjat mixli khato danle toxkyabu a faonu mongto chichangba wunsa khato osüt lomle ngokya mailang ningle changüi: ija chun zyem khama nop, ibu to shing, ilaxle ibu ashikle akhix: ilaxle khosünle kop angkya mongong angkya ojao chitüi.

ISAIA 29:19

Jowanpa Israel nok Zang-e koxkya ma, chitüi-chinang hia pui-naile tüikya khünakbue tamchatle mongmüi angkya ataküi.