ISAIA 41:14 - OTSAO BAIBEL (BSI)

¹⁴ Jowanpae thüile: “Israel, hidaole wüi tamchu sho-naikyabu changle, ikoxlechu taxza; kue hünzom to fongüi. Ku, Israel nok otsao Zang, ku tix changle hünzom khosünkya a.

ISAIA 41:14 ပူးပေါင်းရင်းမြစ်များ

ISAIA 43:14

Israel nok otsao Zang, Jowanpa owae hünzom sünle koppuix, chixe thüile: “Hünzom khosün ang, kue Babilon nok hato süpahibu ahüiüi; kue tingnu panbu atsunüi, ilaxle she khünakbu akhongkya a sopkya ang achangüi.

ISAIA 54:5

Nang Zingpupa a nang zongto kakopa tuita ningle changüi — Jowanpa Khüthak Zang a chix mün changle. Israel nok otsao Zang-e hünzom khosünle kopüi — chix a zangfang pangwüi apünkya mix changle.

MÜNCHUAK-TSAI 22:6

Ikoxle khünaknue thüi: “Chix a khünak münchang, ikoxle chong changle.” Khünaknue ku chie-chise üntoxle pangnusae awütpu!

JEREMIA 50:34

Ikoxle tuita hwom khosünle kop angkya mix a tsak-zongle tüile: chix mün a Jowanpa Khüthak Zang changle.

MÜNCHUAK-TSAI 19:14

Ku zangwün hia ku tutexbu nang zongto pongle koptsuakkya lima naxchang, O Jowanpa, ku khangkhom nui üntoxle ku shakkop-pupa!

JOB LAIPEX 25:6

Jangchangba khünak, chong hia zünmok, ibu a büle? Zang miksho ma khünak sukyakha chemtüi?

JOB LAIPEX 19:25

Oshukshukma ku khose ang owawa, Zangkangting tokya ngui angkya kue awan ngopu.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

ISAIA 49:26

Kue hünzom to zothuple ngokya lüile tata alangle chang ang tomüi; hwom a mix-lang mix-huakkya hia chichangchizangle tüikyae mwote tokle changüi. Ifüima khünaknüsa noke wüi ku a Jowanpa changpule awanüi, hünzom khosün üntoxle hünzom danle changkya mix lea. Hwome ku a tsak-zongle tüikya Israel nok Zang changpule awan ang kopüi.”

ISAIA 48:17

Israel nok otsao Zang, Jowanpa owae nang khosünle koppuix, chixe thüile: “Ku a Jowanpa hünzom Zang, hünzom füi amüi angkya hanpakma anwot-ano sele tsukya mix ilaxle hünzom lese lom male ang lom apuale fakya mix.

ISAIA 47:4

Israel nok otsao Zang-e kem dan-e— chix mün a Jowanpa Khüthak Zang.

ISAIA 44:24

“Ku a Jowanpa, hünzom khosünpa changle; hünzom zingle alaikya mix a ku changpu. Ku a Jowanpa, pangnuli zingle alaikya mix a. Zangdingkho ku tatae pünpu; kue chaxwannu zingpongma, owaechu ku to chiasun.

ISAIA 44:6

Jowanpa, owae Israel nok to apün-ada ilaxle kho-awale thompuix, Jowanpa Khüthak Zang, chixe ija akaxle: “Ku a owang, oshuk, tuita wüi tüikya Zang changpu; ku boma Zang mama owachu müntüi.

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

MATHI 7:14

Ikoxle khüzün lom to le angkya lom a tangthole tamchu hitle tüile, idaile ija atak angkya mix a hidaole wüi.

ISAIA 63:16

Nang a kwom hopa changle. Kwom putong Abraham hia Jakop hwome kwom mün chichangle, owae jento kwom khosünle koppuix, ija Jowanpa, kwom hopa, nang mün tata fuale tox wüi.

ISAIA 60:16

Chaxwannu nok hia wanghombue hünzom to humele Nao honu tuitae naosa to humekya ningle a. Hünzom a, Ku, Jowanpae sünle kopkya changpule hünzome tüküi, Israel nok Khüthak Zang-e hünzom dankya changpule a.

ISAIA 59:20

Jowanpae chix khünaknu ang thüi: “Hünzom kho-awa ang ku Jerusalem to nguiüi ilaxle ochaxbu tokhange mongchatkya hünzom pangwüi khosünle kopüi.

ISAIA 54:8

Onox ma mongtsik laxle kue tok aho, ikoxlechu kue nang hato ku mongkün jento aho ngoüi.” Ile nang khosünkya Jowanpae thüile.

ISAIA 49:7

Israel nok otsao Zang hia khosünpae thüile zudakle mong amaxle ahai thomkya mix füi, owa to chaxwannu noke mongkünle tüipuix ilaxle owa apün-adakyabu dapa changpuix: “Hünzom dankya wanghompa-e ngünle laxüi ilaxle hwom chathua zakya aho ang ajongüi; wangchasae chu ija ngünüi, ilaxle hwom a nang tong to puile akhuxüi.” Ija a Jowanpae chix dapa zünle kopkya khoma changüi; Israel nok otsao Zang-e chix kaxtsao thomle.

ROM NOK HATO ZAKYA POL LAIZA 9:27

Ilaxle Israel khünaknu hanpakma khuapu: “Israel khünaknu fa angkya saktsang büta tüibachu, hwom kha angkya hidaole wüi azangüi;

TSAITONG-KAXTONG 7:7

“Jowanpae hünzom a mix to nüile pu-tsale tüikya khoma zünle kopkya münchang; chaxwannu ma sühixkya jat-li a hünzom changle.

MÜNCHUAK-TSAI 46:5

Zang a ija tingnu ma tüile, ilaxle ija a otuechu münmaüi; huazungle zangngai sheme wüi ija to asun ang chix nguiüi.

MÜNCHUAK-TSAI 78:35

Zang a hwom kho-awapa changkya, ilaxle hwom to fong ang Khüthak Zang hwom to fong ang nguikya hwome texle atak.

ISAIA 35:10

Hwome Jerusalem mongmüi atungle alopüi, pwonla dongle tsai ngaole akhongle-a. Hwom a jento mongmüi-pwonlale ngoüi, othuithui hanpak ang künthang-mongdang füi atsaile a.

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

ISAIA 44:22

Kue hünzom ochax a zangfwom paopupule apaodaoa. Ku hato chat-hüi; hünzom khosünle kopkya mix a ku changpu.”

JEREMIA 46:27

“Ku khünaknu, hünzom taxza, Israel khünaknu, hünzom a taxabüt-ban. Tsailo nok chak tokya kue hünzom khosünle changüi, zanda ang hünzom ngole hüikya nok chak tokya a. Hünzom a hom to chatle chatüi ilaxle mongsom ma ngo ang kopüi; hünzom to chem münthüi: ilaxle owaechu hünzom aza-anale münchang.

MANGSOP 3:57

Nange ku kax to lan ilaxle chiza angkya hanpakma ku füi akax.

DANEL 10:12

Ipongma chixe akax: “Danel. Taxza. Tsingwankya kop angkya hanpakmale nang mong ma tsule zangjop owang wangpong tokhange wüi Zang-e nang zangjop atatle laxdaoa. Ku a ija nang zangjop kax to lankya tuita ang nguipu.

HOSIA 11:9

Kue hünzom to ku mongtsiktsik ma sikngün ang müntom; Kue Israel tamchatle münamüt. Chemthüikoxle ku a Zang changle zangjang khünak tuita münchang. Ku, Otsao a, hünzom füi tüile. Ku a hünzom hato mongtsik ma münngui.

JIHUSUA 17:18

Haxhua nokbu hünzom kux wüi changüi. Ija faonu chang koxlechu hünzome ija atsao koxle ichikao makhange ata-chikao alople ija ma haxsüt ang laxüi. Kanan nok bama, hünzome hwom jwonle apao angkya changle. Hwom ma jan füi zingkya man-kanlinbu tüile le hwom thua taxza.”

ISAIA 37:4

Asiria nok chongwangpae khüzün Zang tha ajao ang chix nguakax-wangkho ahüile. Jowanpa hünzom Zang-e ija ajao-ahaile changkya naxatat kox ilaxle ibu akaxkyabu to chixe sikngün naxfakox. Idaile kem khünakbu opang ozün ma tüipuix hwom hanpakma Zang to jopkox.”

ISAIA 43:3

Chemthüikoxle Jowanpa hünzom Zang ku a, Israel nok otsao Zang, hünzom khosünkya mix changle. Hünzom khangkho sün angkya hanpakma kue Ijip nok dantoxdaoa; Kue Etheopia ilaxle Seba dantoxüi.