ISAIA 40:9 - OTSAO BAIBEL (BSI)

⁹ Jerusalem, haxnu tsuakya kho to donglax ilaxle kaxho müikya apuklax! Akhongle nyakkox, Zaion; kaxho müikya apuk-kox! Ojao taxza ikoxle apuk-kox. Judah angkya tinglongbu hama apuakox Zang nguile ngole le a!

ISAIA 40:9 ပူးပေါင်းရင်းမြစ်များ

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

ISAIA 25:9

Chemtue ija changüihex, pangnusae thüiüi: “Chix a kem Zang changle! Keme kem mongong chix ma thompu, ilaxle kem chixe azünpu. Chix a Jowanpa changle! Keme kem mongong chix ma thompu, ilaxle athax kem a pwonla dongle mongmüipu chemthüikoxle kem kho chixe sündaoa.”

EFISIA 6:19

Ku akax ang achwonle ngoponge Zange ku ang kaxho fale; Kaxho Müikya huxsa zangwün tsing ang koxle, ku mongchongle akax tsuak angkya kuxma ku hanpakmachu wüi jop-hüi.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

1 PITAR 3:14

Ikoxle sukya mwot khoma hünzome sikngün apong angkya jangchang thüiba, hünzom otukuxkya mohiman! Owa thuachu taxza üntoxle taxaban.

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

ROM NOK HATO ZAKYA POL LAIZA 10:18

Ikoxlechu kue atüipu: Hwome kaxho chiatatkya otsing changlax ma? Hwome atat tomta daoa; chemthüikoxle Otsao Lai kax ma tüile: “Hwom kaxzing chaxwannu pangnu khato ka; hwom zangwüne haxtua zangnam alople.”

WANGSHEMBU MWOT 4:29

Idaile athax, O Jowanpa, hwome kwom to aza-anakya awan kop hüi üntoxle kwom nang dabu ang chem zazyenkya chitüi le nang kaxho apuk angkya mongchyen koxhüi.

WANGSHEMBU MWOT 4:13

Pitar hia Juhan nyi mongchongkya ngünlaxle hokhi a man-ngünkya chemchu chitüikya nyi le awanlaxle nguawangbu pangwüi abüt. Okhi a Jisu füi ngokya nyi changpu le hwome tsingle lax.

WANGSHEMBU MWOT 2:14

Ifüima wangshembu mama bün anyi füi tomle Pitar ajong, ilaxle khünaknu füi azaxle akax ang süt: “Kem Jehudi khünakbu, ilaxle Jerusalem ma ngokya hünzom pangnu, ija büthüipuix kue hünzom hama apua fang, ku kax apahüi.

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

JEREMIA 22:20

Jerusalem angkya khünaknu, Lebanon to paokox ilaxle akhong kox, Bashan haxtok to paokox ilaxle sopkox; Moab haxnubu makhange nyakkox, chemthüikoxle nang üitho hwom pangwüi to anaodaoa.

ISAIA 58:4

Hünzom chisax-chilingle atsaokyae zan alaile, ilaxle hünzom ahe-atsile tamchu achax-azanle. Iningkya chisax-chilingle atsaokya zangjop to kue lanüile hünzome texdaicha?

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?

ISAIA 51:7

“Ku kax to apalax, hünzom otsingtsing awankyabue, owae ku hwon-nwot ma mongtsang ma apütle thomlaxpuix. Chemtue khünakbue hünzom to adale haopuix ipongma taxza;

ISAIA 41:27

ku, Jowanpa, tix changpu ija kaxho Zaion hama wünle fakya mix a; Ija kax akax ang kue Jerusalem to kaxhomix tuita akat, Hünzom khünakbu nguile ngole! Hwom a hom to nguile ngole!

2 PUKAX-PANGAO 13:4

Süpahi ibu haxhua nok Efraim ma apong. Wanghompa Abijah a Zemaraim Haxnukho to donglaxle Jeroboam hia Israel nok tsiakle akhong. Chixe thüi:

KAXFÜNPA-HWOM 9:7

Chemtue Jotham-e ija atatpuix, chix pao ilaxle Gerizim Haxnukho ma ajong ilaxle hwom nyakle akhong: “Ku kax to apalax, hünzom Shekem angkya khünaknu, ilaxle Zang-e hünzom kax to naxapa fa!

ISAIA 1:1

Ija laipex ma Judah hia Jerusalem hato fakya kaxho tüile. Ija kaxho a Amoz sasün Isaia hato, Uzziah, Jotham, Ahaz hia Hezekiah, Judah nok wanghombu hato Zang-e ngaile ahokya kaxhobu changle.

ISAIA 35:2

Mongmüi atungle sak-haxe tsai ngaole akhongüi; ija a Lebanon Haxnu tukuxle osün müiüi Karmel hia Sharon nyi haxtok ningle haxzao füi tüiüi. Jowanpa ahak-aluakya noknusae ngünle laxüi, chix chuak-chongkya hia tsak-zong ngünle laxüi.

ISAIA 44:26

Ikoxlechu chemtue ku dapae ajele changpuix, chemtue kue ku mwottho apua ang kaxhomix ahüipuix, Kue ibu mwottho zing ilaxle ajekyabu changle ngai ang tompu. Kue Jerusalem ang ikhama khünaknu tamchatle ngo angkya changle le akaxpu, ilaxle Judah ang tingnubu tamchatle azünle zingle changüi. Tingnu ibu thama ma maxdaokya chatle ajongüi.

JEREMIA 29:11

Hünzom hato thama-thomshix chichangle ahak-alua angkya apüile fa angkya, ilaxle hünzome sungle ngokya füichi hanpak otsingtsing ang achang angkya, ibu ku tuthüt bama ku tatae awanwüi.

NAHUM 1:15

Hulax, kaxho mix tuita, müikya kaxho füi haxnukhobu to nguile ngole! Chix a chixe lütkya bama sungdünüi khakha! Judah khünaknu, hünzome pangpwonle nüilax ilaxle hünzome otsingtsing ma chem tsaosaxle changdaopuix, ija Zang ang laxkox. Chichangchizangkya khünakbue hünzom chaxwan tamchatle tingtakle münchangtoxüi. Hwom a komkaile amüt tsuakdaoa!

ISAIA 52:6

Athax füichi ma hünzome ku a Zang changpu ilaxle kue hünzom füi zangwünpu le ngaiüi.”