ISAIA 40:5 - OTSAO BAIBEL (BSI)

⁵ Ifüima Jowanpa fuazang ngaile ahoüi, ilaxle ija khünaknüsa noke wüi ngünüi. Ija a Jowanpa chix jaoe tsaokya kax changle.”

ISAIA 40:5 ပူးပေါင်းရင်းမြစ်များ

HABAKUK 2:14

Ikoxle chaxwannu a, tinu thün ma tie awangle tüikya lailaile, Jowanpa fuazang tsingkyae awangle tüiüi.

JOEL 2:28

“Ifüima kue ku Chasa pangnusa ang thokle koxüi; hünzom sasün hia sacha hwome ku kaxho apuküi; hünzom zunu-zupabue wünmangbu ngünüi, ilaxle hünzom tsünzünbue mikza wünmangbu ngünüi.

ISAIA 52:10

Jowanpae chix otsao tsak-zong twonüi; chixe chix khünaknu khosünüi, ilaxle ija zangfang pangnusae ngünle laxüi.

KAXHO MÜIKYA LUK 3:6

Khünak noke Zang khosün ngünüi!’”

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

ISAIA 60:1

Zolax, Jerusalem, ilaxle senuja ningle nyanlax; Jowanpa fuazang a hünzom to nyanle tüile!

ISAIA 11:9

Zaion, Zang otsao Haxnukho ma, thama adün angkya oli hia ochax chemchu müntüiüi. Jowanpa tsing-wankya füi chaxwan awangle changüi tinu shinthuk ti füi awangle tüikya ningle.

ISAIA 58:14

ile jangchang nange ku thothakya ma kopse mongmüi kopüi. Chaxwannu pangnu thüntho to kue nang achuak-achenle changüi, ilaxle kue hünzom putong Jakop ang koxkya haxtok ma hünzom mongmüi-pwonlale ngoüi. Ija, Jowanpa, kue akaxdaoa.”

ISAIA 6:3

Hwome tata nyakle akax: “Otsao, Otsao, Otsao! Jowanpa Khüthak Zang a Otsao changle! Chix fuazangkyae chaxwannu awangle.”

MÜNCHUAK-TSAI 72:19

Othuithuima fuazangkya chix mün achuak-achen kox! Chix fuazangkyae chaxwannu awangle naxchang. Amen! Amen!

MIKNGÜN-OHÜN 21:23

Ija tingnue she to nyan angkya zanghan hia lyetnu lax angkya chem mwot chitüi, chemthüikoxle Zang fuazangkyae ija to nyanle tüi tamchu ija ma wüntik ang Chun Hosa changle.

WANGSHEMBU MWOT 2:17

“Zange thüile: ‘Hanpak ashukle hüikya zuma khünaknu ang kue Chasa thokle koxüi. Hünzom susabue Haxzang Kaxho khünaknu hato apuküi; hünzom naosünbue mikngün ohün ngünüi, hünzom azupabue wünmang amangüi,

ISAIA 66:23

Lyetzün pangpwon hia Sabath foto, zangfang angkya pangnu nok wüi ku to shwom ang ija Jerusalem to ngui angkya changle.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

2 KORIN 3:18

Idaile kem noknusae wüi thünkhung nyi chithom homle, Jowanpa fuazang ocha ngün ang tomhax; üntoxle Chasa owa, Jowanpa tokhange hüipuix, ija fuazang tuitatae wüi, kem chix lailaile otax-onüi fuazangkya ma lüile azün ang koxüi.

JUHAN 12:41

Isaia-e ija kax Jisu fuazang ngünlaxle chix bama akaxpu.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

ZEKARIA 2:13

Jowanpa tunthoma pangwüi dangjale ngohüi, chemthüikoxle chix a chix otsao ngwotnui tokya nguile ngole.

ISAIA 1:20

Ikoxlechu hünzome ku mün amale jangchang, hünzom a zikmüt-mangkho thama ma tüile. Ija a, Jowanpa, kue akaxdaoa.”

JUHAN 17:2

Nange chix ang afafa pangnusa ang, oshuk chitüikya tsün khüzün koxtsuak angkya hanpakma, nange chix ang khünaknüsa thakma tsakzong koxpu.

MIKA 4:4

Pangnusa wüi tumüi-lomkhaole ngoüi ma grep haxtok hia fupsa pünham khato a, ilaxle owaechu hwom aza-anale chichangüi. Ija kax Jowanpa Khüthak Zang-e tsaodaoa.

JEREMIA 9:12

Kue atüi: “Jowanpa, ija makhange khünak tuitale ang chikople chemkhomale ija haxtok awütpu ilaxle sak-hax bütale ozan ang achangpu? Ija bama tsingle tsuaktang jepa owa tüi? Hwome mix hama wüntsuak tangle nang ija bama owa hama zexdaoa?”

ISAIA 49:6

Jowanpae ku ang thüi: “Ku dapa, nang hanpakma ku ang chongkya mwot tuita tüile. Nang a achongkya ang achang angkya tata le münchang Israel khünaknu opang ozün ma tüipuix, ikoxle kue nang a chaxwannu nok hanpak ang zangngai ang zingüi — ikoxle tix zangfang abakle sün ang tho angkya chang koxle.”

ISAIA 35:2

Mongmüi atungle sak-haxe tsai ngaole akhongüi; ija a Lebanon Haxnu tukuxle osün müiüi Karmel hia Sharon nyi haxtok ningle haxzao füi tüiüi. Jowanpa ahak-aluakya noknusae ngünle laxüi, chix chuak-chongkya hia tsak-zong ngünle laxüi.

MÜNCHUAK-TSAI 102:16

Chemtue Jowanpa Zaion azünle zaiüihex, chixe chix chongkya ngaile ahoüi.

MÜNCHUAK-TSAI 96:6

Chongwangpa fuazangkyae chix zui akhople tüile; chix Zangshwom-Hom a osün müikya hia tsak-zonge awangle tüile.

KAXHO MÜIKYA LUK 2:32

Mixnokbu hato nang mongtex ngai angkya, zang-ngai üntoxle nang khünaknu, Israel hato fuazang apüi angkya bama.”

JEREMIA 32:27

“Ku a Jowanpa, khünaknu nok Zang changle. Ku zongto müimamale tsakkya oli chemchu müntüi.

ISAIA 66:16

Chaxwannu angkya khünaknu opang thaile changpuix ibu to wün hia changlo füi chixe sikngün faüi — ilaxle mik max ang tomüi.

LAIPAO 16:7

Ngainop Jowanpa nguile tüikya münwan ang hünzome zangchang ajepkya ngün ang kopüi. Hünzome ku to kaxthup-ngaotünle ngokya chixe atatle laxdaoa: changle, ija a chix zongto chichangle tüikya changle, chemthüikoxle kwome chix kaxtom kax ma laxle mokwüi.”

MÜNCHUAK-TSAI 97:6

Zangdinge chix otsao apukle, ilaxle pangnu jat-lie chix fuazang ngünle.

ISAIA 34:16

Zünmokbu bama zakya Jowanpa laipex ma lomlax ilaxle ijae chemle akaxpuix e-lax. Ibu ozün zünmokbu tuita chu chitüile müntox, ilaxle tuita chu hanshem chilax homtoxle münngo. Ija ile chang angkya Jowanpae kaxtom koxle changdaoa; ibu pangwüi tomle chix jaoe apüiüi.

ISAIA 40:4

Haxbang pangnusa awang kox; haxnu pangwüi ajitkox. Haxkhobu a haxsha ang achangüi, ilaxle ofün chimüikya nok fün müile zingüi.

ISAIA 41:20

Khünaknue ibu ngünle laxüi ilaxle awanüi ija a, Jowanpa, kue mokkya changle le. Hwome tsingle lax angkya hato hüiüi ilaxle ija a Israel nok otsao Zang-e mokkya changpule.”

1 WANGHOMBU 14:11

Nang homkha angkya owawa tingmong ma zile jangchang, chix man a hie saxüi, ilaxle owawa kotho to zile jangchang, chix mang a okun-olae saxüi. Ija, Jowanpa kue akaxdaoa.”

MÜNCHUAK-TSAI 102:17

Chixe chilaxle awüt thomdaokya chix khünakbu kax atatüi ilaxle hwom zangjop zing apaüi.

ISAIA 26:15

Jowanpa, nange kwom jat-li tsong ang tomdaoa, pangnu chito ija longzi achenle a, ilaxle ijae nang hato chathua zakya apüi.

ISAIA 66:18

Kue hwom mongtex hia hwom mwotbu tsingle Ku nguile ngole chaxwannu nok pangwüi tomle. Chemtue hwom tomle nguiüihex, hwome ku tsak-zonge chem mokle tsuak puix ija ngünle laxüi