ISAIA 40:2 - OTSAO BAIBEL (BSI)

² Jerusalem angkya khünakbu ang mong achenkox. Hwome okuilole jao sikngün apongdaoa ilaxle athaxpi hwom ochaxbu thailak tüidaoale thüikox. Kue hwom to hwom ochaxbu khoma okhonguile sikangündaoa.”

ISAIA 40:2 ပူးပေါင်းရင်းမြစ်များ

ZEKARIA 9:12

Zanda ang ngokyabu, hünzom opang ma monghom tüilaxpuix, chatlax; chem chazakya chitüile ngo angkya nang ngwotnui to chatlax. Athax kue akaxpu, hünzome sikngün apongdaokya to othom anyie nüile kue mohimanüi.

ISAIA 61:7

Hünzom thünzak hia chie-chisekya pangwüi ashuküi. Hünzom a ma haxtok ma ngo ang kopüi, Ilaxle hünzom tuinabu a othom anyie nuile changüi; Hünzom mongmüi ma oshuk müntüitoxüi.

HOSIA 2:14

Ikhoma kue she a tamchatle sak-hax to paoüi; ikhato kue she a ku mongkün zangwünbu füi mongchat ang tomüi.

MIKNGÜN-OHÜN 18:6

She-e hünzom to hwondaokya ningle, ilailaile she tochu hwonkox; She-e mokdaokya mwot-thom to, othom anyie bole she ang oma laxkox. She-e hünzom hanpakma achwonkya ju, ito thom anyie nüile tsakkya ju füi, she pe awang ang laxkox.

JEREMIA 16:18

Hwom ang kue hwom ochax hia chichangchizangle tüikya tsang othom anyie nüile thom ang tomüi, chemthüikoxle khüzün chemchu chitüikya mang thatha chapabu makhange ku haxtok akhu ang tomdaoa, ilaxle ija haxtok ma hwom othai baozangbue awang ang tomdaoa.”

ISAIA 44:22

Kue hünzom ochax a zangfwom paopupule apaodaoa. Ku hato chat-hüi; hünzom khosünle kopkya mix a ku changpu.”

ISAIA 43:25

Ikoxchu tix, ku a hünzom ang ochax thailak koxkya Zang changpu, ilaxle kue ija a ku chem hex ikhoma mokpu. Kue ku zongto hünzom ochax kople münthom.

HABAKUK 2:3

Ija a chakza ma koplax thomlax, chemthüikoxle ija changle ngai angkya hanpak mangui. Ikoxlechu hanpak a chwonle wüi hüile ngole, ilaxle kue nang hama chem ahodaopuix ija otsingtsingle changle hüiüi. Ija ngui ang süshenkya ningle sütkoxlax, ikoxlechu ija tanle nüilax; ija changle ngai angkya jaojao, ilaxle hanpak alüile münlaxüi.

JEREMIA 29:11

Hünzom hato thama-thomshix chichangle ahak-alua angkya apüile fa angkya, ilaxle hünzome sungle ngokya füichi hanpak otsingtsing ang achang angkya, ibu ku tuthüt bama ku tatae awanwüi.

ISAIA 35:4

Mong athole ngokya pangnusa ang thüikox, “Mong chonglax ilaxle taxza! Hünzom khose ang Zang nguingole, hünzom zanpabu to sikangün ang a.”

WANGSHEMBU MWOT 1:7

Jisu-e lan: “Hanpak zanghan hia otu owanbu a Apae chix tsakzong makhangetix textyaüi, ilaxle ibu chemtue changüihex le awan ngo angkya hünzom mwot münchang.

DANEL 11:35

Hwom kha angkya jetüi-hwonzaile tüikya lompabu züizüi a langle awütüi, ikoxlechu ija a khünaknu atsaokya ang changüi. Ija a, Zang-e tyale thomkya hanpak ashukle machang tanto chizakle ile wüi ngoüi.

ISAIA 12:1

Khünaknue tsaingao angkya hanpak tunu nguile ngole, “Kue nang achuakpu, Jowanpa! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

GALATIA 4:4

Ikoxlechu tu-hi-wan thütkhak le nguile hüikya zuma mixcha tuita makhange Jehudi wanlom fangma puxle Zange Hosa ajo.

ISAIA 49:25

Jowanpae lan: “Ija a chemle changüihex ija changpu. Süpahibu kople thomkyabu a tswonle paoüi, ilaxle mixtsak-naomüie tsui kopkya tuina pale kopüi. Nang füi azankya mix füi ku azanüi, ilaxle kue hünzom naosom hwom kho-awa kopüi.

ISAIA 33:24

Kem haxtok ma ngokya owaechu tamchatle kaklak bama kaxthup-ngaotünkya müntüiüi, ilaxle ochax pangwüi thailakkya tüiüi.

MÜNCHUAK-TSAI 32:1

Opange ochax thailak atakdao laxpuix hwom a mongmüi mixbu changpu, hwom thaikyabu pangwüi alakdaoa.

ZEKARIA 1:15

dangjajale hia somdangle ngo angkya kopkya jat-libu füi ku ang tüle mongtsikle. Chemthüikoxle kue ku khünaknu füikya ku mongtsik abaxle thompongma, ibu khünaknue ku khünakbu sikngün sisi ziamale chang ang tom.

DANEL 12:9

Chixe lan: “Danel, nang athax paokoxle müi angkya changle, chemthüikoxle zangwün ibu a hanpak oshuk nguile hüikya kople pyenle thom angkya oli changpu.

DANEL 12:4

Chixe ku ang thüi: “Ilaxle athax, Danel, ija laipex hakdao ilaxle chaxwannu shuk hüile machang tanto ija to tsuile kha thomdao. Ipongma chemle pang changle ngopuix ija awan ang azongkya bama khünakbu huanue ngat to hanpak alyetle changüi.”

DANEL 9:12

Nange kwom ilaxle kwom lompabu to chemle mok angkya hex-ole akax daopuix ityatyale mokpu. Nange Jerusalem to chaxwannu nok angkya mama tingnu to nüile sikangünpu,

DANEL 9:2

Chixe apünkya pongwang lükya zanglao ma kue otsao laibu ele ngokya ilaxle Jowanpae ajepa Jeremia füi akaxle thomdaokya ningle, zanglao puzom-bün bama Jerusalem pünle ama laxle thom angkya bama ajangle ngokya.

JEREMIA 17:18

Ku zan to kale changkyabu hato thünzak apüile laxkox, ikoxle ku a shantoxhüi, Jowanpa. Hwom a thomshixe awangle chang ang tomkox, ikoxlechu ku a chabüt-lasünle chang ang taxtom. Hwom hato thama apüile laxkox ilaxle hwom a thuple akhixkox.

2 PUKAX-PANGAO 30:22

Jowanpa to shwomkya tüle manle shwom ang thomkya khoma Zedekiah-e Liwi hwom achuak. Hanpak nyix anüt bama Jowanpa, hwom putong hwom Zang achuakle töbu koxle changkya füima,

PONGWANG LAIPEX 34:3

Ikoxle chixe ija naocha tüile müile atak ilaxle she to mongkün ang süt üntoxle she jik ang azong.

ISAIA 6:7

Chixe ija chuale ngokya wünhandix füi ku tun ma lyet ilaxle thüi: “ijae nang tunpün to lyetdaoa, athaxpi nang thaikya maxdaoa, ilaxle nang ochaxbu thailak tüidaoa.”

ISAIA 14:3

Jowanpae Israel khünakbu ang hwom to tsütle kakkya hia sikngün tamchu hwom ang atsangle amok thomkya mwot-tsak, ibu pangnu chak tokya nazak atak ang tomüi.

ISAIA 53:5

Ikoxlechu kem ochax khoma chix to maklax, keme mokkya ochax khoma chix to chakmok. Chixe apongkya sikngün khoma tix kem kak müi, chix to chakthom topkya khoma kem kuimüi-zangmale ngo ang kop.

ISAIA 53:6

Kem pangwüi lom asamdaokya chunbu ningle changkya, kem pangwüi malomlom to pao. Ikoxle Jowanpae sikngün chix khangkho ma adüt, ija sikngün a kem pangwüie kopsepa.

ISAIA 54:15

Owapange hünzom to single changüihex tik-shokya chemchu chitüi homtoxle mokle; owa pang hünzom füi azanle changüihex ibu a nguaküi.

ISAIA 54:17

ikoxlechu hünzom to tüta ningkya chang-paxe chu mak-khale chang ang müntho; hünzom ma kaxhux fekyabu pangnusa hanpakma hünzom ma lan angkya kax tüiüi. Kue ku dapabu khoseüi ilaxle hwom ang lütkya koxüi.” Jowanpae akaxdaoa.

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

ISAIA 66:13

Honu tuitae masa mong asomkya ningle, Jerusalem ma kue hünzom mong amüiüi.

JEREMIA 51:10

Jowanpae thüi: “Ku khünakbu akhong kox, ‘Jowanpae kem a sule ngopule ahodaoa. Jowanpae chempang mokdaopuix ija bama Jerusalem ma ngole tüikyabu hama apuahax.’”

MANGSOP 4:22

Zaion-e she ochax tsang thomdaoa; Jowanpae kwom tamchatle zanda ang thomüi münchang. Ikoxlechu Edom, Jowanpae nang to sikngün koxüi; chixe nang thaikya mwot kotok to alaiüi.

EZEKEL 16:42

Ifüima ku mongtsik zakle changüi, ilaxle ku künsom-mongdangle changüi. Ifüima ku ang mongtsik-mongma chichangba nüfux tamchatle münngoüi.

ZEKARIA 1:13

Mongsom kax füi Jowanpa kaxtaimix kax to lan.

MÜNCHUAK-TSAI 85:3

Hwom füi mongtsik haxkux nange thuakjokle azak ilaxle nang shixkya küntsik-mongma abaxle tüi.

HWON-NWOT-JAONO 3:4

Chixe mongma angkya hia mongmüi angkya hanpak tyale thompu, mangsop angkya hia azüi angkya hanpak tyale thompu,

ISAIA 27:9

Ikoxlechu chemtue songsari tö-tsapbu haxkhix-labu ang achangle ija ma ongan müikya so zokkya chitüi chichangba Asherah baozangchanu chapabu amütle changüihex Israel khünaknu ochax thailakkya tüiüi.

ISAIA 51:17

Jerusalem, zolax! Nang lualua to nang laoxle zolax! Nange sikngün pe lingdaoa ija a Jowanpae chix mongtsik ma nang ang alingle; nange ija lingle jok, ilaxle ijae nang shu-shüile achangpu.

HOSIA 2:16

Ifüima tamchatle she-e ku ang ma kakopa le nyaküi: athaxpi she-e ku a Bal baozangle chinyaküi.

ZEFANIA 3:15

Jowanpae hünzom sikngün azakdaoa; chixe hünzom zanpabu pangwüi apaodaoa. Jowanpa, Israel nok wanghom hünzom füi tüile; athaxpi hünzom zazyen angkya olom chemchu müntüi.