ISAIA 40:18 - OTSAO BAIBEL (BSI)

¹⁸ Zang a owa füi tomta apyenüi? Chix iningle tüile le nange chemle akhix-akhanüi?

ISAIA 40:18 ပူးပေါင်းရင်းမြစ်များ

ISAIA 46:5

“Jowanpae thüi: Hünzome ku owa füi apyenüi? Ku lailaikya mix tüichami?

1 SAMUEL 2:2

“Jowanpa lailaikya otsao owachu müntüi; chix lailaikya owa müntüi, kem Zang lailaikya khosünpa owa müntüi.

LAIPAO 15:11

“Jowanpa, baozangbu khama nang lailaikya owa tüi? Otsao ma ohünotün nang lailaikya owa tüi? Nange mokkya ningle ohünotün hia khomtsikya mwotbu a owae moktho?

WANGSHEMBU MWOT 17:29

Kem pangwüi Zangsu Zangsabu daile, keme chixsün-chixjo a zingpabue zingkya hun, jan chichangba long ningle tüile le chitexüi.

ISAIA 40:25

Otsao Zang a owa füi apyenüi? Chix lailaikya owawa tamtüi chami?

JEREMIA 10:6

Jowanpa, nang lailaikya mix owa müntüi; nang a chitho-jalün, ilaxle nang mün a chongle tamchu tsak-zongle tüile.

MÜNCHUAK-TSAI 89:6

Jowanpa, zangkangting to nang lailaikya owachu müntüi; ding tokya zünmok tütali chu nang füi tawüi le thüi angkya müntüi.

JOB LAIPEX 40:9

Nang ku füi tomwüi tsak-zongle tüipia? Nange ku tukux zang adung ang tsuak ang chami?

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

MÜNCHUAK-TSAI 89:8

Jowanpa Khüthak Zang, nang lailaile tsak-zongkya owachu müntüi; O Jowanpa, nang a pangnuli to chialekya mongong füi ngopu.

LAIPAO 9:14

Izuma chixe nang wangshembu hia nang khünaknu tata ang sikangünüi münchang ikoxle nang ang chuwüi sikngün ang tomüi, ikoxle tix nange chaxwannu ma chix ninglükya owachu müntüile awan ang kopüi ta.

LAIPAO 8:10

Ifüima wanghompa-e lan: “Ku hanpakma ngainyix jop-hüi.” Mosa-e lan: “Nange akaxkya ningle kue jopüi, ifüima Jowanpa kwom Zang ningkya owachu müntüile nange awan ang kopüi.

TSAITONG-KAXTONG 33:26

Israel khünaknu, hünzom Zang lailaikya mama baozangbu müntüi, zangding kho akaile fixfax-jikjeple, zangfwom ding ma ngalaxle nang jua fong ang nguile.

LAIPAO 20:4

“Ding hia hax ma chichangba tinu mong tochu, zangfang ma hünzome ocha-omua hünzom lualua to tüta ningkyachu taxzing.

ISAIA 46:9

Kaipongma chempangle changdaopuix texle ataklax; Zang a ku tata wüile ongkya tüilax chemthüikoxle ku lailaikya tamchatle owachu chitüi.

MÜNCHUAK-TSAI 113:5

Jowanpa kem Zang lailaikya owachu müntüi. Chix a pangnusa füi tsuale thak to ngole,

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

KOLOSI 1:15

Khrista a mike ngünkya tuita mike chingünkya Zang ocha changpu. Chix a pongwang ole puxkya nao, chakzing pangnu thakma akhokya changpu.

JEREMIA 10:16

Jakop Zang a ibu ningle chichang; chix a jalinusa zingle alaikya Zang, ilaxle chixe Israel nok a chix khünaknu ang zünle kop. Jowanpa Khüthak Zang a chix mün changpu

TSAITONG-KAXTONG 4:15

“Chemtue Sinai Haxnukho tokhange Jowanpae hünzom füi wün makhange akaxle changpuix, hünzome tütali ningkyachu chingün. Hünzom zongma müi angkya hanpak ang malualua to khünzailax,

MÜNCHUAK-TSAI 89:7

Otsao nguawangbu tusox ma nang thua zapu; hwome pangwüi nang ngünlaxle abütle ajongpu.

ISAIA 44:6

Jowanpa, owae Israel nok to apün-ada ilaxle kho-awale thompuix, Jowanpa Khüthak Zang, chixe ija akaxle: “Ku a owang, oshuk, tuita wüi tüikya Zang changpu; ku boma Zang mama owachu müntüi.

JEREMIA 10:1

Israel khünaknu, hünzom hanpakma Jowanpa ma tüikya kaxho to apalax.