ISAIA 40:11 - OTSAO BAIBEL (BSI)

¹¹ Chunnyetpa tuita ningle chixe chix chunbu to humele changüi; chixe chun hosabu jongta khama afoxüi ilaxle ibu chix chak-hüi ma paiüi; chixe chun honu hwom zaxhun ma zunüi.

ISAIA 40:11 ပူးပေါင်းရင်းမြစ်များ

MIKNGÜN-OHÜN 7:17

chemthüikoxle chongwang tüntong, osungwa angkya Chun Hosa a, hwom Chunnyetpa changüi; khüzün tümik fuaknui to, chixe hwom zunnüi. Hwom angkya mikfi pangwüi, Zange fwotle faüi.”

MIKA 5:4

Chemtue chix nguiüihex, chix ma khünaknu thakma Jowanpa tokhange hüikya janzüi hia Jowan Zang chix chongwang tsak-zong füi apün-awangle changüi. Chix khünaknu a chaza-angkya chemchu chitüile ngoüi chemthüikoxle zangfang angkya khünaknu pangnusae chix zaxzangkya to changkox-ale ngoüi,

EZEKEL 34:23

Kue hwom ang ku dapa Dawid lailaikya wanghom tuita hwom chunnyetpa ang koxüi, ilaxle chixe hwom to humele changüi.

1 PITAR 2:25

Hünzom a lom asam daokya chunbu ningle changlea, ikoxle athax a chunnyetmix tamchu chasa nyetmix füito azui ang hünzom a chatle chat ang tomdaoa. E chat ang tomdaoa.

EZEKEL 34:31

“Hünzom ku chunbu, kue tsomle thomkya müizyem, hünzom a ku khünaknu changle ilaxle ku a hünzom Zang changpu”, le Jowanpa Khüthak Zang-e akaxdaoa.

1 PITAR 5:4

Üntoxle Akhokya Chunnyetpa nguikya zuma, otuechu bile chima angkya nyankya khohom hünzome ataküi.

IBRI 13:20

Oshuk chitüikya Tsaotsüt shintopkya chix aji khoma owa Akhokya chun-nyetmix ang changpuix, ija kem Jowanpa Jisu, zidaokya Zange chatle azang ang tom.

MÜNCHUAK-TSAI 80:1

Kwom to apahüi, O Israel Chunnyetpa; kwom zing atatlax, nang chun zyem lompabu zing a. Hozang füikya zünmok okho ma nang ngwotnui ma thung laxle,

ZEKARIA 11:7

Opange chun apüi ilaxle hangle changpuix, ibue ku hingchak shak, ilaxle ku a lang angkya chunbu nyetmix ang achangpao. Kue kiathox anyi lax: Tuita ang kue “Mongtsu” ilaxle ata ang “Notom”, le nyak. Ilaxle kue chunzyembu nyele ngo.

EZEKEL 37:24

Ku dapa Dawid lailaikya khünak a hwom wanghom ang changüi. Hwom pangwüi pünpa-chongwang tuita fang ma notom le ngoüi ilaxle mongong tüikya füi ku wanlombu pangwüi kax ma laxle tüiüi.

PONGWANG LAIPEX 33:13

Ikoxlechu Jakop-e chix ang thüi: “Nange awan ngopu, naosom ma zong chitüi tamchu hosa füikya müibu paktikle aham angkya changle. Hwom nyixta ngaxchu atsangle jangjwon thüiningle ibu zile paoüi. Ibu to akhi-amikle chang angkya a ku mwot ang changle.

EZEKEL 34:16

“Max-sam le changkyabu kue lomüi, lomsam le ngokyabu kue lomle apüiüi, thomzün maklax le changkyabu to kue lop-zingle hu-meüi, ilaxle okak-olak füikyabu kak amüile koxüi; ikoxle haxnut-zangfex le hia tsak-zongle tüikyabu a kue amütüi, chemthüikoxle ku a chem supuix ija mokkyabu chunnyetpa changpu.

PONGWANG LAIPEX 49:24

Ikoxlechu chix hapnu a shingmong lüwüi tüikya, ilaxle Israel nok long chunnyetpa tuita mün ma, Jakop Khüthak Zang chak füi, chix chak a tüle shingmongle tüikya.

ISAIA 63:11

Ikoxlechu hwomeledaokyabu texle atak, Jowanpa dapa Mosa din tokyabu a, ilaxle hwome atüi: “Tinu chak tokya chix khünaknu khosünle kopkya Jowanpa a ojong? Mosa ang chix chasa koxkya Jowanpa a ojongto tüi?

ISAIA 42:3

Ahüile ngokya acha tuita chixe münapak chichangba zuma wünchuale ngokya wüntik münamüt. Chixe pangnusa hato okuilole ngokya sukya kaxfün apüile.

MÜNCHUAK-TSAI 27:10

Ku anu hia apa hwome ku danlechu toxtüilax, ikoxlechu Jowanpae ku to hume lüwüi ngoüi.

MÜNCHUAK-TSAI 28:9

Jowanpa, nang khünaknu khosünhüi, opangpang nang kux hex ibu to mohimanhüi. Hwom chunnyetpa ang nang changhüi, ilaxle othuithuima hwom to humele changhüi.

MÜNCHUAK-TSAI 37:3

Jowanpa to mongong thomlax üntoxle müikya moklax; ija haxtok ma azangle ngolax.

MÜNCHUAK-TSAI 100:3

Jowanpa a Zang changpule awan ang laxkox. Chixe kem zingpu, ilaxle kem chix kux changpu; kem a chix khünaknu, kem a chix chunzyem changpu. B

JEREMIA 31:8

Kue hwom a shuakux chitokya apüiüi ilaxle haxtua-zangnam tokya kue asox-atomle changüi. Miksut hia chafaibu ngaxchu hwom füi tomle nguiüi, naowok hia nao ngüntu nguile tüikyabu chuwüi nguiüi. Hwom a chongkya jat-li tuita ang nguiüi.

JEREMIA 31:10

Jowanpae thüi: “Jat-libu, ku kax to apalax ilaxle ku kaxbu a tinu kaxbu tsailo to apuk-kox. Kue ku khünaknu chiakle thomle, ikoxlechu kue hwom asox-atomüi ilaxle chunnyetpa tuitae chunbu nyekya ningle kue hwom to nyeüi.

EZEKEL 34:2

Chixe ku ang thüi: “Ziün angkya khünak, Israel nok pünpa-chongwangbu tha ajaokox. Hwom hanpakma aje-kox, ilaxle Jowanpa Khüthak Zang-e, kue hwom füi akaxse kax ija hwom füi akaxle changkox: Hünzom Israel nok chunnyetmixbu, hünzom a maxdaoa! Hünzome hünzom mo wünle ikoxle chemtuechu chunbu paktikle münchang.

MIKA 7:14

Nange zünle kopkya, nang khünaknu thakma chunnyetpa ang changle, Jowanpa. Hwom faokha to süile ngokoxle chu, hwom akhople haxzao füikya haxtok tüile. Kaitokya ningle hwome, Bashan hia Gilid angkya fumtsütnui to paolaxle fum asütle naxchang kox.

ZEKARIA 13:7

Jowanpa Khüthak Zang-e thüile: “Changlo, zolax ilaxle chunnyetpa to singkox Chix a ku mwot mokkya mix changle! Chix lang kox, ikoxtix chunbu afale paoüi. Kue ku khünaknu to singüi

EZEKEL 34:15

Ku chunbu chunnyetpa ang ku jao changüi, ilaxle kue hwom ang nazak angkya onui atakle koxüi. Ija kax Jowanpa Khüthak Zang, kue akaxdaoa.