ISAIA 40:10 - OTSAO BAIBEL (BSI)

¹⁰ Jowanpa Khüthak Zang a tsak-zong füi apün ang nguingole, chixe sünle kopkya khünakbu chix füi tomle laxlaxle a.

ISAIA 40:10 ပူးပေါင်းရင်းမြစ်များ

MIKNGÜN-OHÜN 22:12

Jisu-e thüi: “Apalax! Ku chwonle nguile! Mae chemle mokdao laxpuix ilailaile pangnusa ang wüi fa angkya hanpakma ku füi tomle kue hinghobu laxlaxle nguiüi.

ISAIA 62:11

Jowanpae zangfang pangnu hato tsingang tomkya nax-tik ang: “Jerusalem angkya khünaknu füi akaxkox Jowanpa a hünzom khosün ang, Chixe sünle kopdaokyabu chix füi tomle laxlaxle.”

MIKNGÜN-OHÜN 17:14

Hwome Chun Hosa füi azanüi, ikoxlechu Chun Hosae, chixe nyakle hia zünle kopkyabu tamchu mongong ma shingmongle chix füito azuikyabu füi notom laxle ibu to anaoüi, chemthüikoxle chix a hopunubu thakma Opupa üntoxle wanghombu thakma Chongwangpa changle.”

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

ISAIA 49:4

Ku thüi: “Kue mokdaoa, ikoxle ija mongong angkya jao chitüile changle! Kue ku janzüi twondaoa, ikoxlechu tsuakkya kha chemchu chitüi.” Ikoxlechu ku zangwün khose angkya hanpakma kue Jowanpa to ongpu; kue mokdaokya khoma chixe ku ang hingho koxüi.

ISAIA 59:15

Ikhama sukya mwot a hidaole wüi ikhoma ochax mwot mokkya dantoxkyabu a hwom lailai to mütkopmix ang achangle bang.” Jowanpae ija ngünle laxdaoa, ilaxle sukya kaxfün chitüikya khoma chix ang mongmale.

1 JUHAN 3:8

Ochax mwot mokle ngokyabu a bao kux changle, chemthüikoxle baoe ami pongwang tokhange wüi ochax mokle hüipu. Bao-e mokdaokya mwot oli thule amüt ang, ija hanpakmale Zang Hosa ngaipu.

JUHAN 12:15

“Taxza, Zaion naocha, hulax! Nang wanghom, Gatho tok ma ngalaxle nguitüia!”

MÜNCHUAK-TSAI 110:6

Chixe jat-libu bama kaxfün faüi ilaxle zantam ma mangbue awangle chang ang tomüi; zangfang angkya wanghombu to chixe lütüi.

IBRI 2:14

Zangsu Zangsabu le chixe nyakkya a müi-hi-aji daile, Jisu chix jao hwom lailaile achang üntoxle khünak jaopo ahanle lax. Chix zikya makhange zik thakma apünkya baoli thu angkya hanpakmale chixe ija mok.

JUHAN 12:13

Pam pünchakbu koplaxle chix pong to za, ilaxle azax, “Hosana! Hosana! Israel wanghom owa Zang mün ma nguipuix, chix mün achuakkox!”

ISAIA 53:12

Ikhoma kue chix ang achuak-achenkya ngwotnui koxüi, chongkya hia tsak-zong füikyabu ngokya khato a. Chixe chix tsün küntsu-mongluale kox ilaxle ochax khünakbu shoma ahanle lax. Chixe ochax khünaknu ngwotnui lax ilaxle hwom ang thailak tüi angkya hanpakma zangjop.”

MÜNCHUAK-TSAI 66:3

Zang ang thüikox: “Nange mokkya mwotbu chemtukuxle ohünotünhex! Nang tsak-zong huanu changpu zanpabue zalaxle nang tong to puile.

MIKNGÜN-OHÜN 20:11

Ifüima kue chongwang tüntong tsekya hia ikha ma thungkya mix ngün. Chix thüntho angkya ding hia hax paole sam üntoxle ibu chatle tamchingün.

MALAKI 3:1

Khüthak Jowanpae lan: “Ku hanpakma lomtang achwon ang kue ku mwot-tsan mix tomle ajoüi. Ifüima hünzome lomle ngokya Jowanpa allele chix Zangshwom-Hom ma nguiüi. Hünzome sungle ngokya mwot-tsan mix nguilaxle ku Tsaotsüt apuküi.”

ISAIA 28:2

Jowanpa ang hwom to sing angkya hanpakma achwonle ngokya tüile tsak-zong füikya owawa tüile; ija a tuita jundütkya ningle, tuita tamchu chithwonkya zangwat ningle, tüle asoxle fütle, pangnusa to lyemle hüikya tichen, ibu ningle hüilaxle chaxwan to u angkya changle.

ISAIA 33:2

Jowanpa, kwom to chingcha hüi. Kwome kwom mongong nang ma thompu. Nyixfokya to kwom kho-awale thom hüi ilaxle sikngün pongma kwom sünle kop hüi.

ISAIA 51:5

Ku akhangle nguilaxle hwom khosünle kopüi; kue lüt angkya hanpak soxle tüile. Chaxwannu nok thak ma ku jaojaoe apünüi. Tsailo nokbue ku ngui angkya to hule ngo; kue hwom khosünle kopüi lükya monghom füi hwome hule ngo.

ISAIA 59:16

Afangle thomkyabu to asunle fa angkya mix chitüikya ngünlaxle chix huanuma abütle. Ikhoma hwom khosün angkya hia zan to lüt angkya hanpakma chixe chix tsak-zong twon angkya changle.

ISAIA 59:18

Tsailo nok to ngokyabu to ngaxchu, chix zanpabu to chixe hwom thaikya olom ma sikngün fa angkya changle.

ISAIA 63:5

Ku to asun ang owachu chihüikya ngünlaxle ku hu üntoxle ku abütpu. Ikoxlechu ku mongtsike ku tsak ang tompu, ilaxle ku tatae wüi anaole tsuakpu.

PONGWANG LAIPEX 15:1

Ifüima Abram-e miksho ma tütali mikngünohün ngün üntoxle Jowanpae chix füi ile akaxkya atat: “Abram, nang ojao taxza chemthüikoxle kue nang to o-le thomüi tamchu hingho chongkya koxüi.”

JEREMIA 31:16

Sopngokya zaklax ilaxle hünzom mikfi fwotlax. Hünzome naosombu hanpakma mokkya mwot olüi chikop homtoxle münlepu; hwom a zan nok chaxwan tokya chat angkya changle.