ISAIA 40:1 - OTSAO BAIBEL (BSI)

¹ Zang-e akax: “Ku khünaknu mong asomkox, hwom mong asomkox!

ISAIA 40:1 ပူးပေါင်းရင်းမြစ်များ

2 KORIN 1:4

Chixe kem sikngün pangnu to fongle hüi. Idaile, fongkya ija Zange kem ang fakya füi, kemechu mix, sikngün ma ngokyabu to fong ang tsuakle.

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?

ISAIA 51:3

“Kue Jerusalem hato chingcha ahoüi, ija pündaokya khama ngokya pangnusa to. She haxtok a sak-hax chang koxlechu, kue ija a tsawatkha ang achangüi, Kue Eden ma zingkya tsawatkha lailaile. Künsom-mongmüi ima tüile ngoüi, ilaxle ku achuakle hia münchong fale ngaokya tsaibu a.

1 THESALONIKA 4:18

Idaile ibu kax füi tata mong achenle ngolax.

ZEKARIA 1:13

Mongsom kax füi Jowanpa kaxtaimix kax to lan.

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

ISAIA 60:1

Zolax, Jerusalem, ilaxle senuja ningle nyanlax; Jowanpa fuazang a hünzom to nyanle tüile!

ISAIA 12:1

Khünaknue tsaingao angkya hanpak tunu nguile ngole, “Kue nang achuakpu, Jowanpa! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

ISAIA 52:9

Tüle-tüle mongmüi tungle akhong, male ngoünkya nang Jerusalem! Jowanpae chix tingnu khoseüi ilaxle chix khünaknu mong asomüi.

ISAIA 41:27

ku, Jowanpa, tix changpu ija kaxho Zaion hama wünle fakya mix a; Ija kax akax ang kue Jerusalem to kaxhomix tuita akat, Hünzom khünakbu nguile ngole! Hwom a hom to nguile ngole!

ISAIA 50:10

Jowanpa to achuak-achenle tüikya hünzom pangwüi ilaxle chix dapa kax ma laxle tüikyabu, hünzom lekya lomtang a zangnak tukle chang koxlax, ikoxlechu Jowanpa to mongong thomlax, Zang to chalom lax.

ISAIA 3:10

Otsao khünakbu a mongmüiüi ilaxle hwom zongto jalinu müile hüiüi. Hwome chem hanpakma mokdaopuix ija bama hwom mongmüi ang thoüi.

MÜNCHUAK-TSAI 85:8

Kue Jowanpa Zang-e chem akaxpuix ija to apa ngopu; kem amikya ongat lomtang to chatle chichat jangthüiba chix khünaknu kem ang mongsom kox ang tsaole.

NEHEMIA 8:10

Athax hom to chatlax ilaxle fongkhale pualax. Hünzome masüt-maling chitüi-chinang khünakbu füi tom-hanle changlax. Anyix a kem Jowanpa hanpakma otsao nyix changle, idaile hünzom ang mong taxma. Hünzom ang koxle tüikya Jowanpa mongmüi-e hünzom chatsak-muazongle changüi.”

ISAIA 61:2

Chixe ku khuapu ang tsanle apao Chaxwan-zanghan tu nguikya bama Jowanpae chix khünaknu khosünüi Ilaxle hwom zanpabu to lütüi. Künmax-mongshanle ngokyabu pangnu mong asom ang chixe ku ahüipu,

EZEKEL 16:42

Ifüima ku mongtsik zakle changüi, ilaxle ku künsom-mongdangle changüi. Ifüima ku ang mongtsik-mongma chichangba nüfux tamchatle münngoüi.

MÜNCHUAK-TSAI 85:3

Hwom füi mongtsik haxkux nange thuakjokle azak ilaxle nang shixkya küntsik-mongma abaxle tüi.

HWON-NWOT-JAONO 3:4

Chixe mongma angkya hia mongmüi angkya hanpak tyale thompu, mangsop angkya hia azüi angkya hanpak tyale thompu,

ZEKARIA 1:17

Kaxtaimix-e ku ang ija kax apuk angkya akax: “Jowanpa Khüthak Zang-e thüile, chix tingnu a tamchatle ahak-aluale changüi üntoxle chixe Jerusalem to tamchatle fongüi ilaxle ija a chix tingnu changpule laxüi.”