ISAIA 4:3 - OTSAO BAIBEL (BSI)

³ Jerusalem ma danle toxkya pangwüi, opang Zang-e ozün ma ngo ang kamle koppuix, ibu a otsaole nyaküi.

ISAIA 4:3 ပူးပေါင်းရင်းမြစ်များ

KAXHO MÜIKYA LUK 10:20

Ibachu haxshix chasabue hünzom kax ma laxkya khoma hünzom ang mong taxmüi, itülüi zangkangting to hünzom mün zale tüikya khoma mongmüilax.”

MIKNGÜN-OHÜN 21:27

Ikoxlechu chitsaokya oli chemchu ija tingnu ma nop ang müntomüi, iningle zakkop mwot mokkyabu hia atsekyabu owachu ikhato dong ang müntom. Ikoxle Chun Hosa khüzün Laipex ma opang mün zale tüilaxpuix, ibu tix dong ang tomüi.

ISAIA 60:21

Hünzom khünak pangnusae chem supuix ija moküi, Ilaxle ija haxtok a hünzome jento kople thomüi. Ibu kue küi-thwompu, kue zingle alaipu, Noknusa hato ku chongkya aho ang.

ISAIA 52:1

Jerusalem, tamchatle tsak-zonglax ilaxle chonglax! Zang otsao tingnu, tüle müile aza-apuale changlax! Songsaribu a hünzom zünkai to tam münnopüi.

MÜNCHUAK-TSAI 69:28

Khüzün Laipex angkya hwom mün fwotle naxamütkox; ilaxle hwom a nang khünaknu münzakya khato naxathütkox.

MIKNGÜN-OHÜN 20:15

Khüzün Laipex ma opang mün chibang laxpuix hwom pangwüi tinu ningle tüikya okham-wün khato tswonle awüt.

MIKNGÜN-OHÜN 17:8

Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

MIKNGÜN-OHÜN 3:5

Zan to lütdaokyabu ang ija lailaile nyi tsekya awunle koxüi, ilaxle khüzün Laipex angkya hwom mün otuechu münamüt. Apa thüntho ma tamchu kaxtaimixbu pomtho ma hwom a ku kux changpu le kue ngaile akaxüi.

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

FILIPI 4:3

Ilaxle mongao chitüikya ku üitho, hünzome ija mixcha nyi to fongtsox kox; chemthüikoxle Klemen hia ozün ma tüikya Zang laipex ma mün tüikya üithobu füi tomtomle, kaxho apuk ang hwome ku füi tomle azongle mokdaoa.

ROM NOK HATO ZAKYA POL LAIZA 11:5

Athaxchu ija lailaile, chix chingcha khoma, Zange zünle kopkya khünak huak hidaole tüile.

EZEKEL 43:12

Ija a Zangshwom-Hom wanlom changpu: Ija akhople tüikya haxhua onui a pangwüi otsao changle.”

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

EFISIA 1:4

Chix pomtho ma kem otsao ang achang angkya ilaxle thaikya chemchu chitüile chang angkya bama, Khrista füikya notom ma kem, Zange kem amiba wüi chix hanpak ang zünle thom daokyabu changle.

WANGSHEMBU MWOT 13:48

Mixnokbue ija kax atatlaxle mongmüi ilaxle Jowanpa kaxho achuak; üntoxle oshuk chitüikya tsün atak angkya hanpakma Zange zünle kopdaokya mongong mixbu ang achangle hüi.

EZEKEL 13:9

Hünzom othai mikngün ngünle ngokya hia othai jekax hole ngokya ajebu, kue hünzom to sikangünüi khakha. Ku khünaknu tsaifün-kaxwünle changkya khama hünzom müntüiüi; hünzom mün a Israel nok nokpubu mün khato müntüiüi; hünzom a hünzom chaxwan to chatle tam-münchat. Ifüima hünzome ku a Jowanpa changle le awanüi.

ISAIA 1:27

Jowanpa otsao changkya khoma, chixe Jerusalem tamchu ima tüikya opang ang künlop-monglüile chang ang tompuix, hwom khosünüi.

ROM NOK HATO ZAKYA POL LAIZA 11:4

Zange chix kax to chemle lan? “Othai Bal zang chishwomkya khünak; ku hanpakma hajat anüt khünak thompu.

MÜNCHUAK-TSAI 87:6

Jowanpa khünaknu münzale akiaküi ilaxle hwom pangwüi Jerusalem angkya nokpu ningle akiaküi. Selah

ISAIA 28:5

Jowanpa a ozün ma toxkya chix khünaknu hanpakma maipuabu makhange zingkya fuazangkya khohom ang chang angkya hanpak tuita nguile ngole.

ISAIA 35:8

Ikhato afithole lomnutang tüiüi, ija ang “Otsao Lomnu”, le nyaküi. Ochax khünak owachu ija lom ma münahamüi; ikhama ahamkyabu owa ongatechu ochei to münpaoüi.

ISAIA 46:3

“Ku kax to apalax, Jakop sixli hwome, ku khünaknu kha angkya atatle tokyabu pangwüi. Nang puxkya makhange wüi kue nang to humele hüipu.

ISAIA 62:12

Hünzom ang a “Zang Otsao Khünakbu”, “Jowanpae Sünle kopkya Khünakbu”, le a. Jerusalem ang a “Zang-e Mongkünkya Tingnu”, “Zang-e awütle Chitoxkya Tingnu”, le nyaküi.

JOEL 3:17

Jowanpae thüi: “Izuma, Israel, ku a hünzom Zang changle le hünzome awanle laxüi. Ku a, ku otsao haxnu Zaion ma ngole. Jerusalem a otsao tingnu tuita ang changüi; mixnokbue tamchatle ija tingtakle lax ang münthoüi.

OBADIA 1:17

“Ikoxlechu Zaion Haxnu ma züizüi paole azang thoüi, ilaxle ija a otsao nui ang changüi. Amipong tokhange wüi hwom kux hex-ole panle thomkya haxtok Jakop khünaknue kopüi.

MALAKI 3:16

Ifüima Jowanpa thua zale ngokya khünakbue tata füi zangwün, ilaxle Jowanpae hwom zangwün to apa üntoxle ija atatle lax. Chix mikngün ma, zale thomkya laipex tuita ma, Jowanpa chathua zale tüikya hia chix to achuak-achenle tüikyabu zale kop.

ISAIA 6:13

Bün kha angkya khünak tuita ngaxchu ngole jangchang, chix ngaxchu max ang tomüi; chix a zakpünnu tongtho ningle achangüi.” (Püntongtho a Zang khünakbu chatle owang wangkya münwan)

ZEKARIA 14:2

Jerusalem zan to ka angkya hanpakma Jowanpae jat-libu pangwüi asüi ang tomüi. Ija tingnu a hwome kopüi, homhaxbu tsuiüi, ilaxle shekobu to shingnünle changüi. Khünaknu süifi a zanda ang kople paoüi, mamabu a tingnu angkya kople münpaoüi.