ISAIA 37:4 - OTSAO BAIBEL (BSI)

⁴ Asiria nok chongwangpae khüzün Zang tha ajao ang chix nguakax-wangkho ahüile. Jowanpa hünzom Zang-e ija ajao-ahaile changkya naxatat kox ilaxle ibu akaxkyabu to chixe sikngün naxfakox. Idaile kem khünakbu opang ozün ma tüipuix hwom hanpakma Zang to jopkox.”

ISAIA 37:4 ပူးပေါင်းရင်းမြစ်များ

ISAIA 36:20

Kwom chongwangpa chak tokya baozangbu opupue ibu haxtokbu khosünle changdao? Jangchangba Jowanpae Jerusalem khosün angkya changpule hünzome chem makhange ajangle lax?”

ISAIA 1:9

Jowanpa Khüthak Zang-e züizüi ozün ma chitox thüikoxle, Jerusalem a Sodom hia Gomorah tingnubu ningle komkaile amadaose.

ISAIA 10:22

Athaxpongma Israel khünaknu a tinu khatokya fix büta tüile ngokoxchu, hwomkha angkya hidaole wüi chatüi. Khünakbu hanpakma thama a athünle thomle, ilaxle ija kop angkya asupu.

MÜNCHUAK-TSAI 106:23

Chemtue Zang-e chix khünaknu amütüile thüipuix, ipongma chixe zünle kopkya Mosa Zang füi apüile ajong ilaxle hwom olithule amase chix mongtsik abaxle achat.

JAKOP 5:16

Ijadaile hünzome tata hama ma ochaxbu ngaikox üntoxle tata hanpakma jopkox, ile hünzom kak-lak müi ang tomüi. Khünak mixmüi tuitae jopkya zangjop ma lap tüle-tüle tüile.

ROM NOK HATO ZAKYA POL LAIZA 9:27

Ilaxle Israel khünaknu hanpakma khuapu: “Israel khünaknu fa angkya saktsang büta tüibachu, hwom kha angkya hidaole wüi azangüi;

AMOS 5:15

Chem ochax hex ija thua anulax, chem supuix ija to mongkünlax, ilaxle khwa ma sukya kaxfün koxle chang angkya to hulax. Ile jangthüiningle owatsing, athax atale toxkya khünakbu to Jowanpae chingchakya tüiüi.

JOEL 2:17

Tötsap hia Zangshwom-Hom nyi bama Jowanpa thothale ngokya nguapabue, “Jowanpa, nang khünaknu to chingchahüi. ‘Hünzom Zang oja?’ le adix-adakya kax füi mixnokbue kwom thajao ang taxtom” le hwome sople zangjop angkya wüi changpu.

ISAIA 36:18

Jowanpae hünzom khosün angkya changle le Hezekiah ang hünzom dyen ang taxtom. Asiria chak tokya baozangbue tüta nokchu sünkya tüilaxma?

ISAIA 36:13

Ifüima ija alixachong ajong ilaxle Ibri kax ma akhongle zangwünle thüi: “Asiria nok chongwangpae hünzom füi chem akax angkya tüipuix ija to apalax.

MÜNCHUAK-TSAI 50:21

Hünzome ibu pangwüi mokle tsuakpu, ikoxlechu kue chemchu chithüipu; ikhoma hünzome ku chuwüi hünzom lailaile tüipuixle thütpu. Ikoxlechu athax kue hünzom to sa-male changpu ilaxle zangwün hünzom hama ngaithole apua fapu.

2 PUKAX-PANGAO 28:19

Judah nok wanghompa Ahaz-e chix khünaknu angkya tingpu chifün amütle tamchu Jowanpa mün amale changkya khoma Judah nok hato tingtui apüi.

2 WANGHOMBU 19:4

Asiria nok chongwangpae ozün ma tüikya Zang tha ajao ang chix nguakax-wangkho khama akhokya ahüile. Jowan Zang, nange ibu thajao wünhai kax nax atat ilaxle ibu akaxkyabu to sikngün koxle naxchang. Ikhoma kem khünaknu ozün ma tüile ngokyabu hanpakma zangjople changkox.”

2 WANGHOMBU 17:18

Jowanpa ang Israel nok füi mongma, ilaxle chixe hwom chix miktho angkya max ang tom, ikoxle Judah tata danle tox.

2 SAMUEL 16:12

Owatsing Jowanpae ku sikngün ngünle laxüi ilaxle ija chix thuakzom lüi ma lax ang ku ang mohiman ozüita fale chuwüi changtüilax.”

1 SAMUEL 17:36

Kue chaxnu hia chepnubu obibihex langdaoa, ilaxle kue ija songsari Filistia sün tochu ile wüi moküi. Chixe ozün ma tüikya Zang süpahi ang ngokyabu adix-adale changkya münmüi.

1 SAMUEL 17:26

Dawid-e chix zui angkya khünak ma atüi: “Chuja Filistia mixsün langlaxle Israel nok thajao-wünhai khangkho angaile jangfa thüiningle ija khünak ang chemfaüile tong? Ikoxle Khüzün Zang mün ama angkya ija Filistia songsari mixsün a owale-o?”

1 SAMUEL 14:6

Jonathan-e ija naosün ang thüi: “Hai, künyipi Filistia songsari nok hato hwom pom to nguihax, owatsing Jowanpae künyi to asunle chu changtüilax; chixe jangfong, künyi tata wüi chang koxlechu, ibu to lüt angkya künyi to owaechu münabax.”

1 SAMUEL 12:23

Ilaxle ku bama, hünzom hanpakma chatchatnaole zangjople ochax chilyen angkya Jowanpae abaxle. Itülüi kue oja changpuix ilaxle hünzome mok angkya oja supuix ijatix anwot-anole koxüi.

1 SAMUEL 12:19

ilaxle hwome Samuel ang thüi: “Alixachong, chingchajaja laxle kwom chizi angkya hanpak bama Jowanpa to zangjople changkox. Mama-mama ochax bomachu wanghom jukya ma kwom huanuma thaidaoale kwome awan ang kople.”

1 SAMUEL 7:8

ilaxle hwome Samuel ang thüi: “Filistia nok chak tokya kwom azünhüi-ole Jowanpa kem Zang to zangjople ngokox.”

JIHUSUA 14:12

Jangchangba athaxpi, ku füikya khünakbu hia kue ija kaxwün wangpongma Jowanpae koxüihex-ole tsaosaxdaokya haxhua chikao haxtok ku ang laxhüi. Ipongma kwome nang hama Anakim le tomchong-hualo li, tüpong-tüpong tütle tingnu pan zailaxle tüile le apuapu. Jowanpa wüi ku füi ngohüi, ilaxle Jowanpa kax lailaile kue ibu jwonle apaoüi.”

ISAIA 10:20

Ozün ma danle toxkya Israel khünakbue, hwom amüt-asam ang tungkya jat-libu to mongong chithomtsuak angkya hanpak tuita nguile ngole. Hwome hwom mongong komkaile Jowanpa, Israel nok Zang to thomüi.

ISAIA 11:11

Chemtue ija nyix nguile hüiüihex, Jowanpa-e chix tsak-zong tamchatle twonüi ilaxle chix khünaknu opang Asiria nok hia Ijip nok, Pathros, Etheopia Elam, Babilon, tamchu Hamath ibu haxtok to tüikyabu, ilaxle tinu kax achole tüikya hia shuazo to ngole tüikyabu, ibu pangwüi ma chaxwan lomle chat ang tomüi.

ISAIA 37:5

Chemtue Isaia-e wanghompa Hezekiah kaxho koppuix,

ISAIA 37:17

Athax, Jowanpa, kwom to apahüi ilaxle kwom to chemle chang-ngopuix hulax. Nang khüzün Zang to adix-adale chang angkya chempangsa Sennacherib-e akaxpuix ibu to apalax.

ISAIA 37:31

Pün tuita tsingküi zule julaxle oziak huanuma ziak ang kopkya ningle Judah nok ma ozün ma ota toxkyabu a ahak-aluale changüi.

ISAIA 37:32

Jerusalem hia Zaion Haxnu ma ozün ma tüikya khünakbu ngole tüiüi, chemthüikoxle Jowanpa Khüthak Zang-e ile chang angkya mongzangwünle tsuakdaoa.

ISAIA 46:3

“Ku kax to apalax, Jakop sixli hwome, ku khünaknu kha angkya atatle tokyabu pangwüi. Nang puxkya makhange wüi kue nang to humele hüipu.

JEREMIA 26:19

Wanghompa Hezekiah hia Judah angkya khünaknue Mika a langle chiawüt. Itülüi, Hezekiah-e Jowanpa achuak-achen ilaxle chix chingcha kop ang azong. Ilaxle hwom hato ahüi angkya thama bama Jowanpa ang mong alüix. Athax kem a kem hato alüile khomtsikya thama-thomshix ahüiüi khakha.” (

JEREMIA 42:2

ilaxle ku füi akaxle thüi: “Kwome nang ang mok-hüi thüikya mwot shong-mok fahüi! Kwom hanpak ang Jowanpa kwom Zang to jople changhüi. Kwom ozün ma toxle tüikya pangwüi hanpakma jople fahüi. Hanpak tuita ma kwom a huanuma tüile ngokya; ikoxle athax a, nange ngün ang kople kwom hidaole wüi dantoxpu.

DANEL 2:18

Hwome chuwüi Babilon nok angkya mama nguak-wangkhobu füi tomle mik max angkya chiatak angkya hanpakma ija wünmang hia ija hanpak taile fatsuak angkya bama huxsa zangwün awan ang tho angkya bama apuale fa angkya bama zangkangting tokya Zang to zangjop angkya kax chixe hozui hwom füi akax.

AMOS 7:2

Ku mikngünohün ma kue, chaxwantok ma hingle tüikya oli pangwüi kuknubue saxle awütkya ngün, ifüima kue akax: “Jowanpa Khüthak Zang, nang khünaknu thaikya alak-hüi! Chichang thüikoxle hwom ozün ma chemle ngothoüi? Hwom a hidaole wüi tamchu shonaile tüile!”

2 PUKAX-PANGAO 34:21

“Paokox ilaxle ku hanpakma tamchu Israel hia Judah ma ngole tüikya khünaknu hanpakma Jowanpa füi tsaitik-kaxshole changkox. Ija laipex ma anwot-anole tüikya tsaitong-kaxza tikle laxhu. Kem putong hwome chix kax ma chilax tamchu ija laipex ma mokle lün angkya chempang zale tüipuix, ibu chemchu chimok, ile changkya khoma Jowanpa ang kem füi mongmakya tüingole.”

ISAIA 1:8

Grep haxtok nyetmix pomsa hia wum-wao mwonsa angkya tap tuita ningle, Jerusalem tingnu chix tata, mix chak to kople thomdaokya tingnu, ojao ziakopmix chitüi homtoxle danle tox.

ISAIA 41:14

Jowanpae thüile: “Israel, hidaole wüi tamchu sho-naikyabu changle, ikoxlechu taxza; kue hünzom to fongüi. Ku, Israel nok otsao Zang, ku tix changle hünzom khosünkya a.