ISAIA 32:2 - OTSAO BAIBEL (BSI)

² Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.

ISAIA 32:2 ပူးပေါင်းရင်းမြစ်များ

ISAIA 25:4

Mixshix-zasa hia chitüi-chinang khünakbu nang hato pao ilaxle sikngün pongma khangkho sün ang kople chang. Zangchei pongma nange hwom ang ngwotnui fa ilaxle zanghan huakle changpongma zangkhung fa. Zangwat zangchei lailaile mongtsik ashukkya zanpabue single hüi

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

ZEKARIA 13:7

Jowanpa Khüthak Zang-e thüile: “Changlo, zolax ilaxle chunnyetpa to singkox Chix a ku mwot mokkya mix changle! Chix lang kox, ikoxtix chunbu afale paoüi. Kue ku khünaknu to singüi

ISAIA 43:20

Faomüibue ngaxchu ku to achuak-achenle changüi; kue zünle kopkya khünaknu ang ti kox angkya hanpakma kue sak-hax makhange shuajen jen ang tomkya zuma shwon hia ostris-obue ku shwomüi.

ISAIA 41:18

Haxkozan haxhuabu tokhange kue shuajen jen ang tomüi ilaxle haxsha to tümik fuakle ti jen ang tomüi. Kue sak-hax a ti atungle ngokya nui ang achangüi ilaxle haxkozan tümik fuakle tijen nui ang achangüi.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

MÜNCHUAK-TSAI 143:9

Jowanpa, kho-awa angkya lomle ku nang hato ngui; zanpabu chak tokya ku khosünfa.

MIKNGÜN-OHÜN 22:1

Zang hia Chun Hosa chongwang tüntong makhange lailaxle tingnu angkya tingjang lomnu osungwa ma jenle jukya, kristel lailaile tüle ajik-ajep le tüikya,

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

JUHAN 7:37

Athax pangpwon ashukkya tamchu akhokya nyix Jisu ajonglaxle azaxle thüi: “Owawa ti alanle ngokya mix jangtüi, chix ku hato nguilax, ilaxle ti linglax;

ISAIA 28:17

Sukya kaxfün fakya a ija homting othüt tuita changpu, ilaxle otsao a ija othüt zu fünkya long ang changüi.” Hünzome mongongle tüikya oli pangwüi jun-long füi züile awütüi, ilaxle thaikya azwonle ngokya nui pangwüi tichene u ang tomüi.

MÜNCHUAK-TSAI 63:1

O Zang, nang a ku Zang changpu, ilaxle kue nang sungpu. Ku khüzün pangnue nang zaopu; zuazoxkya, shanle tamchu tizanle paoünkya haxtok lailaile, ku chasa nang zaoe dingdua zanle.

MÜNCHUAK-TSAI 32:7

Nang a ku azwon nui changpu; thangnak tuitai tokya ku kho nangetix sünüi. Nang khosün achuakle ku akhongle ngaopu, chemthüikoxle nange ku ziakoppu. Selah

MÜNCHUAK-TSAI 91:1

Khosün hanpakma opang Jowanpa hato paopuix, Khüthak Zang ziakop wanmong ma opang ngole tüipuix,

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

ISAIA 16:3

Hwome Judah angkya khünaknu füi akax: “Kwome chem moküihex kwom hama apuahüi. Senu zatzongle changpongma zangkhung fakya pünnu tuita ningle kwom kho awa kop hüi, ilaxle kwom hünzom lox-o fang ma nazak ang tomhüi. Kwom a pünpaobu changle; owaechu atak ang chitsuak angkya khato kwom zuile thomfa.

ISAIA 43:19

Kue mok angkya mwot hozün to hulax. Ija a owüi-ole changle ngole— ija hünzome athax ngün ang tsuak! Khünak chingokya faokha tokhange kue lomnu zingüi ilaxle ikhato kue tijenkya shuasa koxüi.

JEREMIA 33:14

Jowanpae thüi: “Israel hia Judah angkya khünaknu füi kue tsaotsütle changkya changle ngai angkya tunu nguile ngole.

MANGSOP 4:20

Hwome kwom khüzün otong hwople kop, Jowanpae zünle kopkya kwom wanghompa, pangnu zansing chak tokya kwom kho awa ang thoüile kwome chix to mongongle tüikya.