ISAIA 30:9 - OTSAO BAIBEL (BSI)

⁹ Hwome jento Zang füi alün, jento atse, othuithuima hwom Jowanpa hwon-nwot to mün-apapule angam.

ISAIA 30:9 ပူးပေါင်းရင်းမြစ်များ

ISAIA 30:1

Jowanpae akaxdaoa: “Opange Judah nok apünle ngopuix hwom a ku füi alünle ajongkya khoma maxdaoa. Kue chizingkya mwotlom hwome tole, ilaxle ku mongtex füi apüile muamüi zangwün tsuaklaxle, ochax tuita dingma tuitale athünle.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

WANGSHEMBU MWOT 7:51

“Hünzom a otukux kheba chithüikya thom hex!” Stefen-e akaxle pao: “Zang kaxho zongto hünzom a kün-hi-mong chitüikya ilaxle na chizaikya songsaribu ningle büle sütpuix. Hünzom chuwüi hünzom putong hwom lailai. Hwomechu othuithuima Otsao Chasa zünte!

ZEFANIA 3:2

Ijae Jowanpa kax to najao chitha ilaxle chix wanlombu pongle chikop. Ijae Jowanpa to mongong chalomkya chitüi chichangba chix ang asunhüile chithüi.

ISAIA 1:4

Ochax jat-li tamchu laxli chitüikya hia chichang-chizangkyabu, hünzom a müt-shua! Hünzom ochaxe hünzom bele jole! Hünzome hünzome Jowanpa, Israel nok otsao Zang pongle chikop ilaxle chix hato hünzome tok ahole changdaoa.

WANWÜNKAX 28:9

Nange wanlom kax ma laxle chitüi thüiningle, Zang zongto nang zangjop ang nushix dongkya tuita ang changüi.

MIKNGÜN-OHÜN 22:15

Ochei lom to lekyabu, khun-khekyabu, chinunchakkaikyabu, mixlang-mixhuakkyabu, chapa to shwomkyabu ilaxle kax hia mwot pangwüi ma thai-nyaile tüikyabu pangwüi tingnu tokna to tüile.

HOSIA 4:2

Hwome tsaosaxle chang ilaxle ibu a chithom; hwom atse, mix mik amüt, ahux, ilaxle chinunchakkaile chang. Zikmüt mangkho onüi, tuita füima tuitale mikmüt mwot tsale hüi.

JEREMIA 9:3

Jento hwom a atse ang achwonle tüile; otsingtsing lüima wanlom chitokyabue haxtok apünle ngole. Jowanpae thüile, “Ku khünakbue ochax mwot tuita füima tuitale mokle ilaxle hwome ku a hwom Zang changpule jao mün-e.”

JEREMIA 7:13

Hünzome ibu ochaxbu pangwüi mokle hüidaoa, ilaxle kue hünzome füi chatwüi chatle akax ngokoxchu, hünzome ija to mün-apapule angam. Kue hünzom se pongma hünzome chilan.

ISAIA 63:8

Jowanpae thüi: “Hwom a ku khünakbu changpu; hwome ku mündyenüi.” Ikhoma chixe hwom

ISAIA 28:15

Hünzom a zikmüt-mangkho füi muamüi laxle amalum füi zangwün azutle tsuakdaoale ngamtüi. Thama hüikya tuk ma hünzom a ijae tsiakle toxüile mong chongtüi; ija a hünzome ma khangkhom man angkya bama kaxthai zangwün hia dyen-ngankya to onglaxle ngokya khoma changpu.

ISAIA 1:10

Jerusalem, nang apünkyabu hia nang khünaknu a Sodom hia Gomorah nok ningle. Jowanpae hünzom füi chemle akaxpuix ito apalax. Kem Zang-e chem anwot-anopuix, ito mongkoxlax.

2 PUKAX-PANGAO 33:10

Jowanpa hwom ang kaxkhün koxle chang koxlechu, Manasseh hia chix khünakbue ija to münapapule angam.

TSAITONG-KAXTONG 32:20

Chixe thüi: ‘Kue hwom to münfongpu; kue hwom to chemle changüihex ija to shong-hu hüi ang, kheba chithüile mongtsakle hia mongong chitüile ngokya khünakbu to-a.

MÜNCHUAK-TSAI 78:8

Hwom a hwom pupa hwom lailaile, alünle ajongle hia kax ma chilaxkya khünakbu ang chichangüi, chemthüikoxle Zang tokya hwom mongong ma chemtuechu shingmongle chichang ilaxle hwom a chialekya mongong füi chingotsuak.

ISAIA 1:2

Jowanpae akax: “Ding-hi-hax, kue chem akaxpuix ija to apalax! Kue tux-tsomle atsünkya naosombue ku zan to kale.

ISAIA 5:24

Ikhoma athaxpi, chemle tsaxsa hia fum zik asoxlaxle wün to zokle ashunpuix, ilailaile nang tsing a fuaküi ilaxle nang song chuile ngokyabu zanle ziüi üntoxle zangwin to pikle paoüi, chemthüikoxle hünzome Khüthak Jowanpa, Israel nok Zang-e kem hama anwot-anokya chilaxle awütkoxpu.

ISAIA 24:5

Zang wanlombu hia jento ngo angkya hanpakmale zingkya chix kaxtsao amakya tokhange khünaknue chaxwannu oma ang achangle awüt.

ISAIA 65:2

Ningle-khokhe chithüile ma lomkuakua to paole sam ngokya ku khünakbu pongle kop ang ku a jento achwonle ngokya.

JEREMIA 35:14

Jonadab su-sa hwome ju chiling angkya chix kaxtom kax ma laxle, ilaxle anyix kople hwom opupuchu ju-khan münling. Ikoxle kue chizakle hünzom füi zangwünle ngopu, ikoxle hünzome ku kax ma ojao chilax.

EZEKEL 24:3

Kax ma chilaxle tüikya ku khünaknu hama, Jowanpa, Khüthak Zang, kue hwom hanpak ang thomkya ija kaxpan wünle laxkox: Tik a wün ma takox ilaxle ija ma ti awang kox.

MÜNCHUAK-TSAI 81:12

Ikhoma kue, hwome mokse tsukyakya mokle hwom ang natütle pao ang tom.

ISAIA 10:5

Jowanpae thüi: “Asiria! Kue Asiria a ku mongtsikle tüikyabu to sikngün fa angkya hanpakma tuita kiathox ang twonpu.

ISAIA 10:6

Zang chilax homtoxle ngokya jat-li to sing angkya hanpakma kue Asiria nok apaopu, ku mongtsik ang tomkya khünakbu to a. Kue hwom tuinabu tsui angkya tamchu ahux angkya ilaxlechu khünaknu to tingjang tokya haxbu to nakpupule nakle tox angkya hanpakma kue hwom apaopu.”

ISAIA 48:4

Kue awan ngopu hünzome a kheba chithüikya khünakbu changpule ahoüi, jan lailaile tsak-khokle tamchu khop lailaile bikbexle.

JEREMIA 7:28

Hwome Jowanpa hwom Zang kax ma chilaxle tüikya bama chichangba hwome apongkya sikngün makhange awanle lax angkya nange hwom hama akax angkya changle. Hwom zongto mongong tüikya a omang ang achangdaoa. Athax ija mo ojao wünle münngo.