ISAIA 3:9 - OTSAO BAIBEL (BSI)

⁹ Hwome Zang ang oma thüikya hwom hato wüi alüile chatüi. Sodom nok lailaile hwome ngaithole ochax lyenle. Hwom a maxdaoa, ilaxle ija hwome hwom hato alüile apüilaxpu.

ISAIA 3:9 ပူးပေါင်းရင်းမြစ်များ

PONGWANG LAIPEX 13:13

Ibu khünakbu a Jowanpa zongto chichang-chizangkya tamchu ochax khünakbu changkya.

JEREMIA 6:15

Ibu zakkop mwotbu moklaxle hwom azak zipia? Münchang, hwom ojao münazak; hwome azakle thünkhi angkya ngaxchu müntik. Idaile mix chemle nguakpuix iningle hwomchu nguak angkya changpu; chemtue kue hwom to sikangünüihex, hwom hanpakma oshuk ang ija changüi. Jowanpa, kue ija akaxdaoa.”

ROM NOK HATO ZAKYA POL LAIZA 6:23

Chemthüikoxle ochax omün a zikya changle; ikoxle Zange amuale fakya hingho a Jowanpa Jisu Khrista füikya notom ma oshuk chitüikya tsün khüzün changle.

EZEKEL 23:16

She-e hwom ngünle laxkya füi tomle, she mongto mongzokle hüi ilaxle ibu hato Babilon nok to kaxho akat.

MANGSOP 5:16

Kwom mongngamle ngokya oli chemchu danle chitox. Kwome ochax lyen, ilaxle athax kwom a maxdaoa.

JEREMIA 3:3

Ikhokhoma zang chiwatle zak, ilaxle tümikbu ma ti fuakle chilai. Nang a tsangtsa hangkya mixcha lailaile jao ngünpu; nang ma thünzak ojao chitüi.

ISAIA 3:16

Jowanpae thüi: “Hulax, Jerusalem angkya shekobu chemtukux mongngamle tüipuix! Hwome nakuabu ding to laxlaxle ahamle. Hwom a othuithuima kalombu ang achangle ngo. Hwome zingle-zingle chikap muapong tswonle, ilaxle hwom suakto angkya tu-thuak ajik-ajep ang tomle.

WANWÜNKAX 30:13

Züizüi khünake hwome tüle müile: oh chemkuxma müitsuak puix, le thütle ngokyabu tüile!

WANWÜNKAX 8:36

Opange ku atak ang chithopuix hwom lailai to thomzünle; owae ku thua anule changpuix chixe zik to luapu.”

MÜNCHUAK-TSAI 10:4

Chichangchizangkya khünake Jowanpa bama tuitex chemchu müntüi; hwom mongngam makhange hwome thütle Zang a chem mwot mütüi.

2 WANGHOMBU 9:30

Jehu a Jezril to chatle ngui, chempangle changdaopuix, ija atatlaxle Jezebel-e miklyet khan apüt, khoshit-nasaile chang, ilaxle wanghom homlo thangmik makhange tingjang lomnu chito hule ajong.

1 SAMUEL 15:32

Samuel-e kaxkoxle thüi: “Wanghompa Agag ikhato ku hato apüihüi.” Wanghompa Agag a, chix mik max angkya ajang laxle, zale abün-ngale thüi: “Zi angkya a chemtukuxkya khaxza wünlokle changpuix!”

HOSIA 13:9

“Kue hünzom amütüi, hünzom Israel khünaknu! Ile chang füima hünzom to owae asunthoüi?

DANEL 7:20

Ilaxle kue chix khang ma tüikya müizong bün bamachu tsingle laxse tsu, tamnüile chu ofüima zongzün tuita donglaxle tüi ngoünkya ozong azom adüt. Ija ma omikbu hia otun zailaxle tüikya. Ija füi tüile tsaingam-kaxngam le zangwün; ija bama kue tsingle laxse tsu. Ija a mama müibu pangwüi füi za-adünle tüikya.

MIKNGÜN-OHÜN 11:8

ilaxle hwom Jowanpa takle langkya tingnu tingsho fato hwom mangbu awüt thomüi. Chasa kaxpyen ma ija tingsho ang Sodom chichangba Ijip le nyakle.

PONGWANG LAIPEX 4:5

ikoxle chixe Kain hia chixe apüikya tö pongle chikop. Ikhoma Kain ang müimamale mongtsik dongle thün asik.

WANWÜNKAX 15:32

Nange tsing-wanle münlaxpule angamle jangchang, nange nang to alüile mak-kha ngopu. Achangle fakya nange pongle jangkop, nang a jepa tuita ang achangpu.

ISAIA 1:10

Jerusalem, nang apünkyabu hia nang khünaknu a Sodom hia Gomorah nok ningle. Jowanpae hünzom füi chemle akaxpuix ito apalax. Kem Zang-e chem anwot-anopuix, ito mongkoxlax.

ISAIA 57:20

Ikoxle ochax khünakbu a, tamchu chidangle, oma-oshix hia onom-osyabu apüile ngokya tinu tichap lailai.

ISAIA 59:12

“Jowanpa, nang zongto kwom thaikya a huanu. Kwom ochaxbue kwom ma kaxhux fele. Kwome ibu pangwüi tiklax ngopu.

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

JEREMIA 8:12

Ku khünaknu, hünzome chichangchizang mwot ibu pangwüi moklaxle azakzi pia? Münchang, hünzom a ojao münazak; hünzome thünkhi angkya ngaxchu müntik! Ikhoma mix chemle ngolaxpuix ilailaile hünzom chuwüi nguaküi; chemtue kue hünzom to sikangünüihex, hünzom hanpakma oshuk a ija changüi. Jowanpa, kue ija kax akaxdaoa.

EZEKEL 16:30

Ija a Jowanpa Khüthak Zang-e akaxkya kax changle: “Nange ibu zakzak chitüikya tsangtsa hangkya mixcha tuita ningle mok.

EZEKEL 16:49

She hia sacha hwom a mongngamle chemthüikoxle hwom ang sax angkya süt okhonguile tüile ilaxle hwom a tumüi lomkhaole tamchu dangjajale ngole, ikoxlechu hwome mixshix hia zasabu to humele changkya nox müntüi.

PONGWANG LAIPEX 19:34

Ofüinyix honae honao füi akaxle thüi: “Ku müja chix füi jip-pomle changpu; aja chuwüi chix jutok ang tomhax, ilaxle chix füi nang jiplax. Ifüima künyi pangnyi ang wüi apa makhange süshix naosom nguidongle changüi.”

HOSIA 5:5

Israel khünaknue hwom kax-kax ma chilaxlaxba le tüikya tutexe hwom zongto apüile akhong ngole. Hwom ochax hwom asu ang tamchu ati ang tomle, ilaxle Judah angkya khünakbu chuwüi hwom füi tomtomle atile.