ISAIA 3:16 - OTSAO BAIBEL (BSI)

¹⁶ Jowanpae thüi: “Hulax, Jerusalem angkya shekobu chemtukux mongngamle tüipuix! Hwome nakuabu ding to laxlaxle ahamle. Hwom a othuithuima kalombu ang achangle ngo. Hwome zingle-zingle chikap muapong tswonle, ilaxle hwom suakto angkya tu-thuak ajik-ajep ang tomle.

ISAIA 3:16 ပူးပေါင်းရင်းမြစ်များ

ISAIA 4:4

Chix tsak-zong makhange Jowanpae ija jat-li kaxfünüi, atsaoüi ilaxle Jerusalem ochax hia ikhama thokdaokya aji sole faüi.

MATHI 21:5

“Zaion tingnu ang thüikox; Hulax, nang wanghom, nang hato hüile ngole; Chix somdangle tamchu, Gatho ma ngale hüile!”

TSAITAX-NGAONÜI 3:11

Zaion angkya mixchabu, wanghompa Solomon to hu ang nguilax. Chix a, chix ma wangcha apüile mongmüi atungkya nyix, honue chix khang ma sünle koxkya khohom sünlaxle tüile.

WANWÜNKAX 30:13

Züizüi khünake hwome tüle müile: oh chemkuxma müitsuak puix, le thütle ngokyabu tüile!

KAXHO MÜIKYA LUK 23:28

Ikoxlechu Jisu-e hwom chito hulaxle thüi: “Jerusalem angkya shekobu! Ku hanpakma taxsopngo, ikoxle ma hanpakma ilaxle masu masabu hanpakma soplax.

ZEFANIA 3:11

Ipongma hünzom, ku khünakbu, hünzome ku zan to kale changdaokya bama azak angkya mwot müntüi. Ngamkya hia mix to asongle hukya khünakbu kue apaoüi, ifüima hünzome tamchatle ku otsao haxnu ma ku zan to kale münchangüi.

ISAIA 24:4

Chaxwannu a zanle pao ilaxle zile paole; zangfang pangwüi ashole max; chaxwannu hia zangding pangnyi sumle pao.

ISAIA 3:18

Hanpak nyixta nguingole, chemtue Jowanpae Jerusalem shekobu angkya: hwom chakzong tu-thuak ma laxlaxle tüikya tu-thuak, khang ma sünkya khüsün, dingkux angkya likwünbu,

ISAIA 1:8

Grep haxtok nyetmix pomsa hia wum-wao mwonsa angkya tap tuita ningle, Jerusalem tingnu chix tata, mix chak to kople thomdaokya tingnu, ojao ziakopmix chitüi homtoxle danle tox.

WANWÜNKAX 16:18

Mongngame olithule max angkya lom to zunüi, ilaxle mix to asongle hukyae ma adüt angkya lom to zunüi.

ISAIA 3:1

Athax Jowanpa Khüthak Zang-e, Jerusalem hia Judah, khünaknue mongongle tüikya pangnuli tamchu pangwüi tswonle awüt angkya tu nguile hüi. Chixe hwom sütling hia ti-ja,

ISAIA 3:4

Jowanpae khünaknu a matsongkya naosombu ang apün ang tom angkya changle.

ISAIA 3:17

Ikoxlechu kue hwom to sikangünüi: kue hwom khang ongüi ilaxle hwom a khangkobu ang achangle dantoxüi.”

WANWÜNKAX 21:4

Chichangchizangkya khünakbu a hwom mik-hu-chakzam chimüikya hia mongngame akumathumle thomle, ilaxle ija a ochax changpu.