ISAIA 3:11 - OTSAO BAIBEL (BSI)

¹¹ Ikoxlechu ochax khünakbu a maxdaoa; hwome mix to chemle hwondaopuix ija athax hwom to hwonüi.

ISAIA 3:11 ပူးပေါင်းရင်းမြစ်များ

HWON-NWOT-JAONO 8:13

ikoxlechu ochax khünakbu zongto ija omüi ang münchang. Hwom tsün a zangkhung chaxba tuita ningle ilaxle hwom tsünzün ma wüi zile paoüi, chemthüikoxle hwome Zang kax ma chilaxle tüikoxle.”

JAKOP 2:13

Chemthüikoxle chingcha chitüikya mix kaxfünkya zuma Jowanpa-e chix to chingchakya müntüiüi; ikoxle kaxfün to ngaxchu chingchae wüi athakdaoa.

MÜNCHUAK-TSAI 62:12

üntoxle chix mongkün a ojem chifünkya mongkün changle. Jowanpa, nange nang lualuale, pangnusa angwüi ma mwot ma thütle hingho fale.

MÜNCHUAK-TSAI 28:4

Hwome chem mokdaolaxpuix ija khoma hwom ang sikngün laxkox, hwome mokdaokya ochax khoma-a. Hwome mokdaokya mwot pangnu bama hwom sikngün ang tomkox; hwome kopkoxle asule tüikya sikngün hwom ang laxkox.

ISAIA 65:20

Naosombu a naosa pongma zikya chitüiüi, ilaxle khünak pangwüi tsünlo-khothole ngoüi. Zanglao hopong kople ngokyabu a naosa tuita ang eüi. Ija manguiba zikyabu a, kue hwom to sikngün fakya münwan ang changüi.

ISAIA 48:22

“Ochax khünakbu hanpakma azang angkya olom müntüi”, le Jowanpae thüile.

WANWÜNKAX 1:31

Ikhoma hünzome chem kopse hex ija hünzome kop angkya changle, ilaxle hünzom ma mwote alüile okak ang achangüi.

2 KORIN 5:10

Kem pangnu wüi, kem kaxfünpa Khrista thüntho ma ajong angkya changle. Chixe hingho wüi changlax chichangba sikngün wüi changlax, ija chaxwannu tsün ma ngotanto mae mokdaokya thatha nok ang wüi faüi.

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

2 PUKAX-PANGAO 6:23

O Jowanpa, zangkangting tokhange apahüi ilaxle nang dabu bama kaxfün fahüi. Chix ma asukya ningle thaikya mix to sikangünkox, ilaxle chithaikya mix a sukya ang achang kox.

JOB LAIPEX 10:15

Kue ochax lyenkya füishemle künyi bama wonma, ikoxle kue sukya mwot mokkya zuma chem münmüikya chikop. Ku a chingcha ashuk üntoxle thünzak füi chwople tüile.

WANWÜNKAX 12:14

Nang hingho a nang zangwün hia nang mwot füifüi; nang chem kopsehex ija nange kopüi.

ISAIA 13:11

Jowanpae thüi: “Kue chaxwannu hato thama apüiüi ilaxle hwom ochax khoma ochax khünakbu to sikangünüi. Kue mongngam füikyabu pangwüi adangüi ilaxle mix kax to na chithale hia mongshix-mongmale tüikyabu pangwüi to sikangünüi.

ISAIA 65:6

“Hwom to sikngün fa angkya kue mongzangwünle tsuakdaoa, ilaxle hwom mik amüt angkya laiza tsuakdaoa. Hwome mokdaokya mwot to kue mike hulanle müntox, ikoxle hwom ang olüix khomüi,

ISAIA 65:7

hwom ochax hia hwom pupa hwome achaxkya ochaxbu hanpakma. Hwome songsaribu zomtong haxnukho to töbu zokle changdaoa ilaxle ku mün amale akaxdaoa. Ikhoma hwom mwote lomkya ningle kue hwom to sikangünüi.”

JEREMIA 21:14

Nange chem mokdaopuix ija khoma kue nang to sikangünüi. Kue nang wanghom homlo ma münlangüi, ilaxle ija hozui ma tüikya jali pangwüi ija wün füi zokle ashunüi. Ija kax, Jowanpa kue akaxdaoa.”

JEREMIA 31:30

Itülüi, grep sik owae saxlaxpuix chix ang wa tsomüi; ilaxle pangnusa wüi ma ochax hanpakma maxlaxüi.”

EZEKEL 2:10

Ija chake ija laitün sha, ilaxle kue ija laitün ma pangnyi chima wüi zale tüikya ningle ngün: mongma mangsopbu hia mongmaxle awaokyabu ikhama zale tüikya.

EZEKEL 18:20

Owae ochax moklaxpuix chix tix zi angkya changpu. Hopa ochax khomale sasüne sikngün apong angkya müntüi, iningle sasün ochax khoma hopaechu sikngün apong angkya müntüi. Müikya khünakbu to müikya mwot khoma mohimankya tüiüi ilaxle ochax khünakbu a hwom ochax khoma sikngün angkya tüiüi.

EZEKEL 24:14

Ku, Jowanpae ija akaxdaoa. Ija mok angkya ku hato hanpak nguile hüidaoa. Kue nang ochaxbu naxchanglax le toxüi münchang, chichangba nang hato chingcha-jaja ahole changüichu münchang. Nange chem mokdaopuix, ija bama nang sikngün apong ang tom angkya wüi changle.” Ija Jowanpa Khüthak Zang-e akaxdaoa.

EZEKEL 33:8

Kue ochax khünak tuita mik max angkya changle le tsing ang tom ikoxle chix khang azang angkya hanpakma chixe ija lomtang dantox angkya bama nange chix ang kaxkhün koxle chichang, chix a ochax khünak tuita le ziüi, ikoxle ija chix mik maxkya bama kue nang ma feüi.

MIKA 3:4

Hünzome Jowanpa to nyakle akhong angkya hanpak hüile ngole, ikoxlechu chixe hünzom to apaüi münchang. Chixe hünzom zangjop to münlanüi, chemthüikoxle hünzome ochax mwot mokdaoa.

MIKA 7:13

Ikoxlechu ikhama ngole tüikya khünaknu khoma haxtok a sak-hax ang achangüi.

HUAKE LAIPEX 32:23

Ikoxle hünzome ija hünzom kaxtsao chithom thüiningle, kue hünzom ang kaxkhün fapu, hünzome Jowanpa zongto ochax lyenle changüi, hulax. Ija bama hünzom thaile taxkopünlax; hünzom ochax khoma hünzome sikngün apong angkya laiüia.

KAXFÜNPA-HWOM 9:57

Hwom chichang-chizangle tüikya khoma Zang-e Shekem angkya khünakbu ang chuwüi, Gideon sasün Jotham-e apongkya ningle chixe hwom to thuakzomle changkya zuma hwome sikngün apong ang tom.

2 SAMUEL 3:39

Ku a tuita Jowanpae zünle kopkya wanghompa changle, ikoxngaxchu anyix ku ang zong chitüile changkya kue tikle laxle. Zarüiah sasün hwom a ku zongto huanuma wüi changnong pünthomle tüile. Hwome lomkya ningle Jowanpae ija mütkop bama hwom to sikangünle naxchang kox!”

1 WANGHOMBU 21:21

Ikhoma Jowanpae nang ang thüile: ‘Kue nang hato thama apüiüi, kue nang oting amütüi ilaxle nang homkha ang lükaka komle oli-okan chitoxle naosa hia mixmüi chemchu chisüile komkaile amütüi.

WANWÜNKAX 26:27

Mix aman ang kam thale changkya khünak ma kam ma mawüi manle. Longnu a owae atüile wangpuix chix ding mawüi dütüi.

EZEKEL 16:59

Jowanpa Khüthak Zang-e thüile: “Nange chem kopse hex ile kue nang to hwonüi, chemthüikoxle nang kaxtsaobu ahai ilaxle tsaotsüt ama.