ISAIA 3:10 - OTSAO BAIBEL (BSI)

¹⁰ Otsao khünakbu a mongmüiüi ilaxle hwom zongto jalinu müile hüiüi. Hwome chem hanpakma mokdaopuix ija bama hwom mongmüi ang thoüi.

ISAIA 3:10 ပူးပေါင်းရင်းမြစ်များ

IBRI 6:10

Zang a masüi mixlüikya münchang. Hünzome ma füikya khristan üithobu ang kox-zun le ngokyabu üntoxle fongkya olom tokhange chix hato mongkün ahokya chichangba hünzome mokdaokyabu chemchu chixe alak angkya münchang.

HWON-NWOT-JAONO 8:12

Ochax khünak tuitae oho to lünle mütkop koxlechu ozün ma wüichu ngole. Oh changle: “Nange Zang kax ma laxle jangchang thüiningle, pangwüi sukya ang changpule hwome akaxkya kue awanle,

MALAKI 3:18

Otsao khünakbu hia ochax khünakbu chemle mali-mali changpuix, ku thothakya hia ku tho chithakya khünak to chemle mali-mali changpuix, ija nyi bama anaolechu kue süile awan ang kox.”

ZEFANIA 2:3

Jowanpa hato chatkox, haxtok angkya puinaile tüikya khünaknu pangwüi, hünzom chix kaxtombu kax ma laxle tüikyabu. Chem supuix ija mokkox, ilaxle Jowanpa tuntho to malualua to puinaile changlax. Ile jangchang thüiningle Jowanpae chix mongtsik ahokya nyix hünzom azangle pao ang tsuak.

JEREMIA 15:11

Jowanpa, kue müile nang thotha-manzaile chichang thüiningle hwome thuakzomkya pangwüi ku hato naxnguikox tamchu hwom sikngünle hia tuitaile ngopongma kue ku zanpa hwom hanpakma nang ma chingcha chijule jangchangdao thüiningle a. (

EZEKEL 9:4

“Jerusalem tingnu apatle lekox ilaxle tingnu ma mokle tüikya ochaxbu khoma fuxtsüile sikngün apongle ngokya pangnusa khangpong ma manwan tople laxkox.”

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

LAIPAO 1:20

Naotswonnu nyi a Zang thuazakya mixcha nyi daile hokhi füi Zang mongzom müi ikhoma hwom pu-tsa ang tom. Israel khünakbu chizakle pu-tsale tüle zaxzangle hüi.

TSAITONG-KAXTONG 12:25

Hünzome ija kaxtom kax ma laxle jangtüi thüiningle, Jowanpa ang mongmüikya tüiüi, ilaxle hünzom hia hünzom su-sabu pangwüi kuimüi zangmale ngoüi.

MÜNCHUAK-TSAI 58:11

Khünaknue thüiüi: “Otsingtsingsa ma otsao khünakbu ang hingho koxdaoa; zangfang ang kaxfün fakya Zang tüijao tüile.”

WANWÜNKAX 12:14

Nang hingho a nang zangwün hia nang mwot füifüi; nang chem kopsehex ija nange kopüi.

WANWÜNKAX 13:21

Pangnu lom towüi tingtuie ochax khünakbu mantole, ikoxle otsao khünakbue hingho müikya oli kopüi.

WANWÜNKAX 18:21

Oja zang nange wündao laxpuix ijae nang khosün ang tsuak chichangba khohang ang tsuak; idaile nang zangwün khoma chem apongpuix ibu nange pongle lax angkya wüi changle.

ISAIA 54:17

ikoxlechu hünzom to tüta ningkya chang-paxe chu mak-khale chang ang müntho; hünzom ma kaxhux fekyabu pangnusa hanpakma hünzom ma lan angkya kax tüiüi. Kue ku dapabu khoseüi ilaxle hwom ang lütkya koxüi.” Jowanpae akaxdaoa.

JEREMIA 7:23

Ikoxle kue hwom ang ku kax ma laxle tüi angkya kaxtom koxpu, ile ku hwom Zang ang ngo angkya hanpakma tamchu hwom a ku khünaknu ang ngo angkya hanpakma. Ilaxle kue hwom ang koxkya kax ningle hwom ngo angkya kue hwom füi akaxpu, ile chang koxle jalinusa hwom hanpakma ma omüimüi angwüi naxchang kox ang.

JEREMIA 21:14

Nange chem mokdaopuix ija khoma kue nang to sikangünüi. Kue nang wanghom homlo ma münlangüi, ilaxle ija hozui ma tüikya jali pangwüi ija wün füi zokle ashunüi. Ija kax, Jowanpa kue akaxdaoa.”

JEREMIA 22:15

Mama mixhombu füi sümüile, nange sedar pün füi hom zingle le nang tuita sümüipu wanghom ang achang ang chami? Hünpae chix tsün mongtex ma shale ngole hüidaoa. Chix a othuithuima sukya hia mamix chisüile tüikya, ilaxle chixe mokkya pangwüi lom ma chix ahak-aluale chang.

EZEKEL 18:20

Owae ochax moklaxpuix chix tix zi angkya changpu. Hopa ochax khomale sasüne sikngün apong angkya müntüi, iningle sasün ochax khoma hopaechu sikngün apong angkya müntüi. Müikya khünakbu to müikya mwot khoma mohimankya tüiüi ilaxle ochax khünakbu a hwom ochax khoma sikngün angkya tüiüi.

MIKA 7:13

Ikoxlechu ikhama ngole tüikya khünaknu khoma haxtok a sak-hax ang achangüi.

WANWÜNKAX 10:6

Müikya khünakbue mohimanbu kopüi. Chichangchizangkya zangwünbu tokfüi ma changnong-pünthomkya zanglom pyenle thomle.

KAXHO MÜIKYA LUK 19:19

Ija da angchu chixe thüi: ‘Nang angchu nok aga apün ang koxüi.’