ISAIA 3:1 - OTSAO BAIBEL (BSI)

¹ Athax Jowanpa Khüthak Zang-e, Jerusalem hia Judah, khünaknue mongongle tüikya pangnuli tamchu pangwüi tswonle awüt angkya tu nguile hüi. Chixe hwom sütling hia ti-ja,

ISAIA 3:1 ပူးပေါင်းရင်းမြစ်များ

LIWI 26:26

Kue hünzom osüt-owong lom tsyenüi, izuma hwom ma atüitüi an bakle akhao angkya hanpakma mixnu hwom bün athütlaxle tik tuita ma wüi moküi. Hwome ija hidaopong ahanle faüi, ilaxle ija saxtsuak füima ngaxchu hünzom woknuak ma wüi ngoüi.

EZEKEL 14:13

Chixe thüi: “Ziün angkya khünak, Onoke ochax lyen ilaxle ku to mongong thomkya chitüile jangchang, kue ku chak thüiüi ilaxle hwome sütling kop-lole ngokya olom amaüi. Kue hwom hato tuinu-nuaknu ahüiüi ilaxle khünak hia müi tomwüile zi ang tomüi.

ISAIA 1:24

Ikhoma athax, Jowanpa Khüthak Zang, Israel nok Zang-e ile akaxle ngokya to apalax: “Kue nang to olüix khomüi, hünzom ku zanpabu, ilaxle hünzome ku ting münatüiüi.

JEREMIA 38:9

“Wanghompa, ibu khünakbue mokkya a othai changle. Hwome Jeremia tüküi khato shodaoa, ilaxle chix a ikhato woknuak ma zi angkya jao changpu, chemthüikoxle tingnu ma sütling chemchu müntüi.”

JEREMIA 37:21

Ikhoma wanghompa Zedekiah-e ku a wanghom homlo angkya khwa ma shole thom angkya kax kox. Ku ikhato ngo, ilaxle nyixfokya to an zingnui tokya an khaopong ku ang koxle hüi ilaxle oshuk ma tingnu angkya an jaojao bakle shu.

ISAIA 51:22

Jowanpa hünzom Zang-e hünzom kho awale akax: “Kue wansa tswonle paongopu kue ku mongtsik ma koxkya wansa a. Athax hünzome ija tam chilingüi hünzom shushüile achangkya ju a.

ISAIA 36:12

Chixe lan: “Ku füi ibu akax angkya hanpakma ku hato chongwangpae tomle ahüikya nang üntoxle wanghompa tata wüile thütpuix nyi? Ile münchang, ku a katuk kho to ngole tüikya khünakbu füichu akaxpu; hünzom lailaile hwom chuwüi ma fao sax ilaxle tsam lingle chang angkyabu changpu.”

ISAIA 5:13

ikhokho ma hünzom a zandabu ang koplaxle paoüi. Hünzom lompabu a zikle paole woknuake lopüi ilaxle zangjang khünakbu a tilan ma ziüi.

ISAIA 2:22

Ziün angkya khünak to mongong taxthom. Ibue chem thathap angkya tüi?

MÜNCHUAK-TSAI 105:16

Jowanpae ibu haxtok to otui-onuak ahüi ilaxle hwom sütling komle pao.

ISAIA 3:16

Jowanpae thüi: “Hulax, Jerusalem angkya shekobu chemtukux mongngamle tüipuix! Hwome nakuabu ding to laxlaxle ahamle. Hwom a othuithuima kalombu ang achangle ngo. Hwome zingle-zingle chikap muapong tswonle, ilaxle hwom suakto angkya tu-thuak ajik-ajep ang tomle.

ISAIA 9:20

Chaxwan pangnu khato wüi khünakbue hwom atak tsuakpupu pa-lole saxüi, ikoxlechu hwom wokfwot tam münmüitoxüi. Ibue masu-masa hwom ngaxchu sax angkya changle!

JEREMIA 52:3

Jerusalem hia Judah angkya khünaknu füi Jowanpa ang huanuma mongma ilaxle chixe hwom a chix mikngün ma ngokya sam ang tom. Zedekiah-e Babilon nok wanghompa Nebukadnezar füi alünle ajong,

JEREMIA 52:6

Ija zanglao ma anyi lükya lyetjang nyix aku to, tuinu-nuaknu ziama laxle khünaknu ang sax angkya süt chemchu chitüile changpongma,

MANGSOP 5:4

Kwome lingkya ti mün kwom kox angkya changle; kwome tak ang ha kwome shakle tak angkya changle.

AMOS 4:6

“Hünzom tingnu hato otui-onuak ahüikya a ku changpu, ile changkoxchu hünzom a ku hato mong alople chihüi.

MIKA 4:9

Hünzom büthüikoxle akhongle sop? Sheko mixnu nao ngün wok-kak pupu le hünzom ang chem sikngünle ngo? Ija a tuita wanghom chitüikya khoma changpia, hia hünzom mong achenle ngokyabu a zile paokya khoma changpu?

2 WANGHOMBU 25:3

Ija zanglao lyetjang ali ma nyix aku to, chemtue khünaknu ang süt bakle otui-onuake alople hüipuix,