ISAIA 28:9 - OTSAO BAIBEL (BSI)

⁹ Hwome ku bama kaxthup-ngaotünle chang. Hwome thüi: “Khünak tuitae chixe owa hama anwot-anole ngopule texpu? Chix kaxho owae laxüi? Athax tsomsip dan tangkya naosa zongma wüi namchimüiba!

ISAIA 28:9 ပူးပေါင်းရင်းမြစ်များ

MÜNCHUAK-TSAI 131:2

Itülüi ku mongzom müile tamchu mongsom ma tüile. Naosa tuita chemle honu ahuijak ma dangjale ngopuix, ilailaile ku kün-hi-mong khato mongsomjale tüile.

JEREMIA 6:10

Kue lan: “Kue hwom füi zangwünle ija kaxkhün koxkoxle ku kax to owae apaüi? Hwom mong huanuma khüile ilaxle nang kaxhobu to mün-apapu le angamle; nange ku füi chempang zangwün wünle fa angkya kaxle koxpuix, hwome ibu cha nyile.

JUHAN 12:38

Ija a, Isaia ajepae ile akaxkya ija kax changle ngai angkya hanpakma chang: “Jowanpa, kwom kaxho to owae ong? Owa hato Zang tsakzong ngaile aho?”

MATHI 11:25

Iponge Jisu-e akax: “O Apa! Nang a zangkangting hia chaxwannu Jowanpa, kue nang ang münchong fapu! Chemthüikoxle nange hwontüi jelangkyabu tamchu man-ngünkyabu hato chiaho le pyenle thomkya ija naosombu thüntho ma nange kotok to ngai ang tomdaoa!

1 PITAR 2:2

Nampux tankya naosasom lailaile, hünzom khosün hato alople tsong angkya hanpakma tsaothakya chasa tsomti ma alankya tüilax.

JUHAN 3:19

Ilaxle kaxfün a ija changle: Zangngai chaxwannu to hüidaoa, ikoxle khünake zangngai füi zangnak towüi sükün, chemthüikoxle hwom mwotbu a ochax chang.

JEREMIA 5:31

ajebue kaxthai zangwünkya boma chemchu münwün; nguapabue ajebu kaxtom ningle apünle, ilaxle ku khünakbue ija to münchangle chithüi. Ikoxle ibu pangwüi ashukle hüikya zuma hwome chemle thüithüi?”

ISAIA 54:13

“Nang khünaknu to ku jaojaoe anwot-anole changüi ilaxle hwom ang ahak-alua angkya hia mongsom koxüi.

ISAIA 53:1

Khünaknue lan, Athax kwome kaxwün wangkya to owae ongse dai? Ija ma Jowanpa chak owae ngünse dai?

MARK 10:15

Kue hünzom ang otsing tomtata akaxpu: Opange naosa tuita ningle Zang Wangting pongle chikop laxüihex, hwom ikhato ngui ang münthoüi.”

ISAIA 50:4

Kue na-juale maxngokyabu zong adün ang chem akax angkya hex, Jowanpa Khüthak Zang-e ku hama apuadaoa, Chixe ku hama anwot-anole chang angkya apale kop angkya nopfokya to ku ang mongtsukya kox.

WANWÜNKAX 1:29

Hünzome chemtuechu je-hwon chitwon ilaxle Jowanpa kax ma münlaxpule angam.

MÜNCHUAK-TSAI 50:17

Hünzome ku ang hünzom achangle zing ang chitom; hünzome ku kaxtombu chilaxle awüt.

ISAIA 48:17

Israel nok otsao Zang, Jowanpa owae nang khosünle koppuix, chixe thüile: “Ku a Jowanpa hünzom Zang, hünzom füi amüi angkya hanpakma anwot-ano sele tsukya mix ilaxle hünzom lese lom male ang lom apuale fakya mix.

ISAIA 30:20

Jowanpa-e hünzom a sikngün hanpakbu akaile le ang tomüi, ikoxle hünzom ang anwot-anole kox ang Zang chixjao ikhama tüiüi, ilaxle hünzome chatle chix lomle ngo angkya mwot müntüiüi.

ISAIA 28:26

Hwome hwom mwot chemle moküi hex awanle, chemthüikoxle Zang-e hwom hama anwot-anole koxdaoa.

ISAIA 2:3

ilaxle ikhato khünakbue thüiüi, “Jowanpa haxhua to kem donghax, Israel nok Zang Zangshwom-Hom to a. Chixe chem naxmokle texpuix ija chixe kem hama apuale faüi; kem a chixe zünle kopkya lomtang ma ahamüi. Chemthüikoxle Jowanpa hwon-nwot a Jerusalem tokhange hüile; Zaion makhange chixe ma khünaknu füi zangwünle.”