ISAIA 27:9 - OTSAO BAIBEL (BSI)

⁹ Ikoxlechu chemtue songsari tö-tsapbu haxkhix-labu ang achangle ija ma ongan müikya so zokkya chitüi chichangba Asherah baozangchanu chapabu amütle changüihex Israel khünaknu ochax thailakkya tüiüi.

ISAIA 27:9 ပူးပေါင်းရင်းမြစ်များ

ROM NOK HATO ZAKYA POL LAIZA 11:27

Kue hwom ochax paokya zuma, kue hwom füi ija kaxtsao saxüi.”

ISAIA 48:10

Wünchua sikngün ma kue hünzom to thwontsingle anodaoa, wünkha to zokle khop to wanle anokya ningle. Ikoxle kue hünzom a laxli chemchu müntüile atakle.

DANEL 11:35

Hwom kha angkya jetüi-hwonzaile tüikya lompabu züizüi a langle awütüi, ikoxlechu ija a khünaknu atsaokya ang changüi. Ija a, Zang-e tyale thomkya hanpak ashukle machang tanto chizakle ile wüi ngoüi.

ISAIA 17:8

Athaxpi hwome ma chak füi zingle alaikya tö-tsapbu to mongongkya müntüiüi, chichangba hwom chakzing mwot: baozangchanu Asherah mua hia ongan müikya so füi zokle ashunle tö koxkya tö-tsap, ibu to mongongkya müntüiüi.

IBRI 12:6

chixe mongkünkyabu to Jowanpa-e zünle; ilaxle chixe pongle kopkya nao, pangnusa towüi chixe akumathumle.”

1 KORIN 11:32

Ikoxle chaxwannu füi tomle kem shoma khato chiua angkya kuxma Jowanpa-e ku kaxfün ilaxle zunle.

ZEKARIA 13:2

Hepongma kue chaxwan angkya chapabu mün jaojao apaoüi, ilaxle owaechu ibu texle atak ang müntom. Owawae aje changpule akaxkyabu kue amütüi ilaxle chapa to shwomse le tsukya mong kue apaoüi.

HOSIA 14:8

Israel khünaknue chapabu füi chem mwot müntüiüi; Hwom zangjop to kue lanüi ilaxle hwom nua kue zingüi. Jento omua müile ngokya pünnu tuita ningle kue hwom ang ngwotnui koxüi; Hwom mohiman pangnu otong a ku tix changpu.”

EZEKEL 20:38

Kue hünzom kha angkya alün-aloxle tüikya hia ochax khünakbu tswonle paoüi. Kue hwom a athaxpongma hwom ngole tüikya haxtok angkya paoüi, ikoxle kue hwom a Israel nok haxtok to chatle tamchat ang müntom. Ifüima hünzome ku a Jowanpa changpule tsingle lax ang kopüi.”

EZEKEL 11:18

Chemtue hwom chatle chatüihex, hwome hwom thoma abangbang, chisumüikya hia zakkop chapabu füi asax-amokle münchang angkya oli.

ISAIA 4:4

Chix tsak-zong makhange Jowanpae ija jat-li kaxfünüi, atsaoüi ilaxle Jerusalem ochax hia ikhama thokdaokya aji sole faüi.

ISAIA 1:29

Pünzuabu hia küi-thwomle alaikya küili-wüili otsao tsawatbu mong ma tüikyabu to shwom-tole hüikya khoma nang ang mongmakya tüiüi.

WANWÜNKAX 20:30

Tampong keme ma lomtang alüixle changpongma mongto kak angkyachu apongle laxle.

MÜNCHUAK-TSAI 119:71

Ku to sikangünkya ku zongto müikya, chemthüikoxle ijae ku ang nang kaxtombu awan ang tomle.

MÜNCHUAK-TSAI 119:67

Nange ku to sikngün faüi thoto, ku a thaile ngohomkya, ikoxlechu athax kue nang kax-kax ma laxpu.

2 PUKAX-PANGAO 36:19

Chongwang homlobu hia tuinabu pangwüi füi afomle chixe Zangshwom-Hom hia tingnu zokle ashun ilaxle tingnu long katukbu atsunle ama.

2 PUKAX-PANGAO 34:4

Chix kaxtom ma Bal to shwomkya ngokya tö-tsapbu ama, ilaxle ija zui ma tüikya ongan müikya so zokle changkya tö-tsapbu atsunle ama. Asherah muabu hia mama chapabu hwome haxkhix labu ang achangle awüt ilaxle haxbu ibu a ibu to shwomle ngokya khünakbu zukting to chiak.

2 PUKAX-PANGAO 14:5

Chixe Judah haxtok angkya tingnubu ma tüikya songsari baozangbu to shwomkya onuibu hia ibu ang ongan müikya sobu zokle koxkyabu awütle changkya tokhange, chixe apün-awangle ngopongma wangting a tingmüi-nokmüile ngo.

2 WANGHOMBU 25:9

Jerusalem angkya Zangshwom-Hom, wanghom homlo, ilaxle nguakax-wangkhobu hom pangwüi chixe wün füi zokle ashun.

LAIPAO 34:13

Itülüi, hwom tö-tsapbu pünle awütkox. Hwom saxkox thongbu amale awütkox ilaxle hwom baozang Asherah mua texle akhixkox.

LIWI 26:30

Haxhuabu to tüikya hünzom zangshwom nuibu kue amaüi, ongan müikya tö koxkya tö-tsapbu kue amaüi, ilaxle hünzom mangbu a hax to dütle tüikya chapabu ding to tswonle awütüi; ilaxle ku chasae hünzom thua anuüi.

TSAITONG-KAXTONG 12:3

Ibu tö-tsapbu pündao ilaxle otsao longlo le küile thomkyabu pangwüi thuple akhixdao. Baozangchanu Asherah mua zokle ashundao ilaxle hwom chapabu dakle anguak dao, ikhato ibu to tamchatle chishwom angkya hanpakma olithule amütdao.

2 WANGHOMBU 10:26

Hwome ikha to tüikya zomtong longlo homtho to alai, ilaxle ija zokle ashun.

EZEKEL 6:4

Tötsapbu a atsunüi ilaxle ongan müikya so zokkya tö-tsap a pünle awütüi. Ekhato tüikya khünakbu a hwom chapabu tunthoma langüi.

2 WANGHOMBU 23:14

Wanghompa Josiah-e küikya longlo thuple ashix, baozangchanu Asherah chapa dakle anguak, ilaxle ibu küile tüikya haxsha a khünak zabue awang ang tom.

ISAIA 30:22

Hünzome hünzom chapa khop füi zingle alaikya üntoxle hun füi chwople zingkya, ibu chapabu kopüi ilaxle “Ku mike ngünle taxngo!”, le akhongkya füi awütüi.

ISAIA 40:2

Jerusalem angkya khünakbu ang mong achenkox. Hwome okuilole jao sikngün apongdaoa ilaxle athaxpi hwom ochaxbu thailak tüidaoale thüikox. Kue hwom to hwom ochaxbu khoma okhonguile sikangündaoa.”

MIKA 5:11

Kue hünzom haxtok angkya tingnubu amaüi ilaxle hünzome ziakople thomkya zanhunuibu amaüi.