ISAIA 27:6 - OTSAO BAIBEL (BSI)

⁶ Hüi angkya hanpak ma Israel khünakbu, opang Jakop sixlibu changpuix, hwome pün tuita ningle tsingjule naxchang, ilaxle ibu asok laxle puale naxchang. Chaxwan tok a ibu pünziak füi ule naxchang.

ISAIA 27:6 ပူးပေါင်းရင်းမြစ်များ

ISAIA 37:31

Pün tuita tsingküi zule julaxle oziak huanuma ziak ang kopkya ningle Judah nok ma ozün ma ota toxkyabu a ahak-aluale changüi.

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

HOSIA 2:23

Ija haxtok ma kue ku khünakbu zingle alaiüi ilaxle hwom ahak-aluale chang ang tomüi. “Mongkün Chikopkyabu”, le wünkya pangnusa hato kue mongkün ahoüi. “Ku khünaknu Münchang”, le awüt thomkyabu hatochu ku mongkün tüiüi. Kue thüiüi: “Hünzom a ku khünaknu changle”, ilaxle hwome lanüi: “Nang a kwom Zang changle.”

ISAIA 60:22

Hünzom khama ahixkya hia puinaile tüikya homkha ngaxchu Tüle chongle tüikya onok tuita ningle tsak-zongle tüiüi. Chemtue chaxwan zanghan nguile hüiüihex, Kue ija chwonle chang ang tomüi. Ku a Jowanpa changle!”

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

FILIPI 3:3

Otsingtsing khwonzüt zom kopdaokyabu a hwom münchang ikoxle kwom changle, chemthüikoxle kwome Zang, chix chasa makhange shwomle ilaxle kwom khüzün tsün Khrista füi notom tüikya bama kwom ang mongmüi le. Kwome otok zom chemtochu münong.

GALATIA 3:29

Nang Khrista kux jangchang thüiningle, nang Abraham sixli changle ilaxle Zange kaxtsao daokyabu nange ataküi.

JEREMIA 30:19

Ikhama ngokya khünakbue achuakle tsai ngaoüi; hwom a mongmüile akhongüi. Ku chingcha makhange hwom mixhuak tsale hüiüi; ku mohimane hwom chuak-chongle changüi.

ISAIA 6:13

Bün kha angkya khünak tuita ngaxchu ngole jangchang, chix ngaxchu max ang tomüi; chix a zakpünnu tongtho ningle achangüi.” (Püntongtho a Zang khünakbu chatle owang wangkya münwan)

JOB LAIPEX 37:12

ibu Zang mongtex ma aham pongma. Hwome pangwüi Zang kaxtom ma mok, zangfangja pangnu khato a.

ISAIA 4:2

Jowanpae ija haxtok angkya pünzuabu tüle chongle tamchu osün müile tsong ang tom angkya hanpak hüile ngole. Chimaxle azangkya Israel nok pangwüi mongmüiüi ilaxle hwom haxtok ma saxkop-linglole changkya to hwom ang mong ngamüi.

ISAIA 35:1

Sak-haxe mongmüiüi, ilaxle khünak chingokya faokha to maipuabu puaüi.

ISAIA 35:2

Mongmüi atungle sak-haxe tsai ngaole akhongüi; ija a Lebanon Haxnu tukuxle osün müiüi Karmel hia Sharon nyi haxtok ningle haxzao füi tüiüi. Jowanpa ahak-aluakya noknusae ngünle laxüi, chix chuak-chongkya hia tsak-zong ngünle laxüi.

EZEKEL 36:8

Ikoxle ku khünaknu Israel nok haxtok ma a, pünbu ma ochak chatle chuiüi ilaxle hünzom hanpakma ibue pünziak ziakle koxüi. Hünzom a lebama wüi hom to chatle ngui angkya changpu.

EZEKEL 36:10

Kue hünzom khünak huak pu-tsale chang ang tomüi. Hünzom a tingnubu ma ngoüi ilaxle pünle ama toxdaokyabu pangwüi chatle zingle amüiüi.