ISAIA 27:3 - OTSAO BAIBEL (BSI)

³ “Kue ija to chizakle hule tamchu ti koxle ngoüi. Ija owaechu chiama angkya hanpakma zangnak zangngaile nyele thomüi.

ISAIA 27:3 ပူးပေါင်းရင်းမြစ်များ

ISAIA 58:11

Ilaxle kue hünzom jento azuiüi ilaxle müikya oli pangwüi füi hünzom ang mongzom müi ang tomüi. Kue hünzom a tsak-zongle tamchu müimüi-zangngaile ngo ang tomüi. Hünzom a ti okhonguile tüikya tsawatkha lailaile changüi, tamchu zople chipaokya shuasa jajen ningle changüi.

1 SAMUEL 2:9

“Chix to mongong-chalomle tüikya khünakbu kho chixe awa, ikoxle chichang-chizangkyabu a zangnak fangto asam; khünak tuita ang chix tsak-zong füi tholünkya kha chitüi.

EZEKEL 34:11

“Ku, Jowanpa Khüthak Zang-e hünzom ang thüipu, ku chunbu kue lomüi ilaxle kue akox-akomle thomüi.

EZEKEL 37:14

Kue ku khüzün zakdün hwom ma mütle koxüi ilaxle hwom azang ang tomüi, ilaxle hwom a hwom haxtok ma ngo ang tomüi. Ifüima hwome ku a Jowanpa changpule awan ang kopüi. Jowanpa kue tsaosaxle akaxpu, kue ija ile moküijao.”

EZEKEL 34:24

Jowanpa Khüthak Zang, ku a hwom Zang ang ngoüi, ilaxle ku dapa Dawid lailaikya wanghompa a hwom to apün-awangkya mix ang ngoüi. Ija kax kue akaxdaoa.

ISAIA 60:16

Chaxwannu nok hia wanghombue hünzom to humele Nao honu tuitae naosa to humekya ningle a. Hünzom a, Ku, Jowanpae sünle kopkya changpule hünzome tüküi, Israel nok Khüthak Zang-e hünzom dankya changpule a.

ISAIA 46:9

Kaipongma chempangle changdaopuix texle ataklax; Zang a ku tata wüile ongkya tüilax chemthüikoxle ku lailaikya tamchatle owachu chitüi.

ISAIA 46:4

Ku a hünzom Zang changpu ilaxle kue hünzom to humele thomüi hünzom azule khothokya kople a. Hünzom kue zingpu ilaxle kue humele thomüi; kue hünzom to fongüi ilaxle hünzom khosünüi.

ISAIA 5:6

Ija khama hingzang wüi naxnyemkox. Kue ozubu sexle münchang chichangba haxkhutle akhixle münchang; itülüi kue ija to kongbüi hia huxbue awangle chang ang tomüi. Kue ija ding to zangwat angkya zangfwom münabax.”

MÜNCHUAK-TSAI 46:11

Khüthak Jowanpa kem füi tüile; Jakop Zang kem khangkhomnui changle. Selah

MÜNCHUAK-TSAI 46:5

Zang a ija tingnu ma tüile, ilaxle ija a otuechu münmaüi; huazungle zangngai sheme wüi ija to asun ang chix nguiüi.

PONGWANG LAIPEX 6:17

Ozün ma tüikya zünmok pangwüi amüt angkya hanpakma kue chaxwan tok to tinu-mualyemle chang ang tomüi. Chaxwan tok ma atüitüi komkaile zile paoüi,

EZEKEL 37:28

Chemtue kue jento ajongle ngo angkya hanpakma hwom khato kue ku Zangshwom-Hom ajongle changüihex, ipongma chaxwannu noke ku a Jowanpa changpu ilaxle Israel nok a kue zünle kopkya ku khünaknu changpule awan ang kopüi.”

PONGWANG LAIPEX 9:9

“Athax kue hünzom tamchu hünzom su-sa hwom füi ku Tsaotsüt thompu.

ISAIA 31:5

Osa tuitae ozop kha angkya hosa kho-awa ang ozop zui akhople pile ngokya ningle, ija ningle Jowanpa Khüthak Zang, kue Jerusalem kho-awaüi ilaxle ija ziakople thomüi.”

ISAIA 42:6

“Ku, Jowanpae, nang nyakdaoa ilaxle tsak-zong koxdaoa ija a chaxwannu ma sukya kaxfün tsuak angkya hanpakma. Nang makhange kue khünak noknusa füi tsaotsütle; nang makhange kue chaxwannu nok hato zangngai apüiüi.

ISAIA 49:8

Jowanpae chix khünaknu ang thüi: “Chemtue nang khosün angkya hanpak nguipuix, ku nangchi ma seüi ilaxle nang sopkya to lanüi. Kue nang nyeüi ilaxle kho-awaüi ilaxle nang makhange khünaknu pangnusa füi tsaotsüt zingle. Kue nang a tamchatle otingsütle ngo ang tomüi athax kua awütle thomkya hünzom haxtok ma.

1 WANGHOMBU 8:59

Ija ku zangjop hia chingcha jukya Jowanpae jento texle naxatak. Israel khünaknu hia hwom wanghom to chixe chingcha-jajakya naxtüi, hwome chemle mokpuix ija lailaile a.

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.