ISAIA 27:11 - OTSAO BAIBEL (BSI)

¹¹ Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

ISAIA 27:11 ပူးပေါင်းရင်းမြစ်များ

JEREMIA 8:7

Olobue ngaxchu chat angkya otu awanle; osu, za-ngo-pakpe, ilaxle zangwa osabue ngaxchu hwom pao angkya hia ngui angkya tu awanpu. Ikoxle ku khünaknu, hünzome a wanlom oja füi kue hünzom thakma apünle ngopuix ija chitik.

ISAIA 44:24

“Ku a Jowanpa, hünzom khosünpa changle; hünzom zingle alaikya mix a ku changpu. Ku a Jowanpa, pangnuli zingle alaikya mix a. Zangdingkho ku tatae pünpu; kue chaxwannu zingpongma, owaechu ku to chiasun.

ISAIA 43:7

Hwom a ku khünakbu changpu, ilaxle kue hwom a ku hato fuazangkya nax-apüi lele zingle alaikya changpu.”

ISAIA 43:1

Israel, Jowanpa owae hünzom zingle alaipuix chixe thüile: “Ojao taxza — kue hünzom sünle kopüi. Kue hünzom a mün makhange nyakle koppu — hünzom a ku kux.

ISAIA 1:3

Maihubue hwom hopunubu awanle, ilaxle mantsakbue hwom hopunubue fumtsüt ang ojongto paopuix ija awanle. Ija a ku khünaknu Israel noke ku tsingkya thak changle. Ibue ojaojao müntsing.”

JAKOP 2:13

Chemthüikoxle chingcha chitüikya mix kaxfünkya zuma Jowanpa-e chix to chingchakya müntüiüi; ikoxle kaxfün to ngaxchu chingchae wüi athakdaoa.

1 THESALONIKA 2:16

Hwom hato khosün apüi angkya kaxho mixnokbu hato apuk-apuale ngokya kwom abax ang ngaxchu hwom tüle azong daoa. Ile hwome othuithuima mokle hüikya ochax okhongui le mokdaoa. Üntoxle athax oshuk ma hwom hato Zang mongtsik nguile tüile!

ROM NOK HATO ZAKYA POL LAIZA 1:31

hwom a ongatbu, mongong chitüikyabu, küntex mong chizaikyabu, tamchu chingchajaja chitüikyabu.

JUHAN 15:6

Ku ma chingokya mix a pünkang ngople awütkya ningle ngople awütüi ilaxle zi ang tomüi; ilaxle ija ningkya pünkangbu a afoxlaxle wün kha to awütüi üntoxle ibu ikhato shun ang tomüi.

MATHI 13:19

Zangkangting kaxho atat ang a kop ikoxlechu chitsing, ibu a lomfo le dütkya tsaxtsangbu ningle changpu. Ipongkhae wüi haxshix nguilaxle hwom mong khato saile toxkya kaxho pale pao.

MATHI 13:15

hwom ang khangkho samdaokoxle; hwom ang atat angkya na tütdaoa, ngün angkya hwom mik achik ngoüna. Ile chichang thüikoxle, hwome mik füi ngün ang those; ma nae atat ang those; ma kün-monge awan ang kopse; ilaxle hwom ku hato chatse; ikoxle kue hwom amüile fase, le Zange akax.’

MATHI 3:10

Ikoxle athax a otsing makhange dak angkya hanpakma püntong ma wa amyenle thomle; ija khoma müikya oziak chiziakkya pün dak üntoxle wün khato awüt angkya changle.

HOSIA 4:6

Hwome ku ang ku le chinyakkya khoma ku khünaknu a maxdaoa. Hünzom nguapabuechu ku mün laxsele chitsu ilaxle ku hwon-nwot jaono awütle chang, ikhoma kue chu hünzom chilaxle awütdaoa tamchu hünzom su-sabu a ku nguapabu changpule kue e-ma münlax.

EZEKEL 20:47

Jowanpa Khüthak Zang-e akax ngokya ija zangwün shuathongchi fao füi akaxkox: Hulax! Kue wün alai ang sütpu, ilaxle ijae nang ma tüikya pün, ohing wüi changlax ozik wüi changlax, pangwüi zokle ashunüi. Ija wün chem makhangechu amüt ang müntho. Ija a shuathong tokhange shuakux chito lünle tsale paoüi, ija noknusae ija wünkham khamkya awanle laxüi.

EZEKEL 9:10

Ikoxlechu kue hwom to chingchakya müntüiüi; hwome mix to chemle hwondaopuix ija ningle kue hwom to hwonüi.”

JEREMIA 4:22

Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”

ISAIA 44:2

Ku a Jowanpa hünzom zingkya mix changle; hünzom puxkya tokhange wüi, kue hünzom to fongle hüipu. Taxza; hünzom a dabu changle, ku khünaknu, kue mongkünkyabu a.

ISAIA 9:17

Idaile Zang-e tsünzün hwom opupuchu paole azang ang münkox, ilaxle chixe zomnu hia khaxsa hwom opupu tochu chingcha ahokya müntüiüi, chemthüikoxle khünaknu pangwüi zang chilax homtoxle ngokyakya tamchu chichangchizangle tüikyakya wüi. Itukuxle changkox-ngaxchu Jowanpa mongtsik münbaktoxüi, ikoxle chix chak a athaxchu hwom to sikangün ang ajong lüwüi ngoüi.

MÜNCHUAK-TSAI 106:40

Ikhoma Jowanpa ang chix khünaknu füi huanuma mongma; chix a hwom füi nushix dongkya ang chang.

TSAITONG-KAXTONG 4:6

Mongongkya füi ijabu kax ma laxle tüilax, ilaxle ija makhange mama mixnokbu hato, hünzom chemtukuxle jetüi-hwonlangkyabu hex, aho ang tsuaküi. Ibu wanlom pangnu bama chemtue hwome atatle changüihex, hwome thüiüi, ‘Ija tüle chongkya jat-li tuita ma jetüi-hwonlangkya huanu changa!’

ROM NOK HATO ZAKYA POL LAIZA 1:28

Hwome Zang bama tsingwankya otsingtsing mong ma kop ang angamkya khoma Zange hwom oma mong chak to dan, ikhoma chem chimokse hex ija hwome mok.

ISAIA 5:13

ikhokho ma hünzom a zandabu ang koplaxle paoüi. Hünzom lompabu a zikle paole woknuake lopüi ilaxle zangjang khünakbu a tilan ma ziüi.

ISAIA 18:5

Grep ziakbu khaile asoxle machangba, chemtue opuabu dütle changpuix ilaxle grepbu jumle changpuix, ipongma zan-nokbu nguilaxle bit-sa füi ochwonpai ma pünkangbu zütle asomkya ningle Etheopia

JEREMIA 11:16

Hanpak tuita ma kue hwom ang ochakmua wüi pongmüikya, oziake awangle tüikya olip pünle nyakpu; ikoxle athax, zangchei zangwat ningle tsaktsakdungle kue ija ochakbu zokle ashunüi ilaxle okangbu zople awütüi.

JEREMIA 13:14

Ifüima kue tipebu ningle kue hwom tata füi ahongle changüi, naosom hia mixmüi owachu süile müntox. Hwom mik amüt angkya ku chemningkya chingcha hia jajae chu abaxle tui ang müntho.”

JEREMIA 16:5

“Mangsople ngokya homkha to nang münnop angkya oli. Owa hanpakma chu nang taxsop. Kue chemtue ku khünaknu to mongsom füi mohimanle münchang chichangba mongkün hia chingcha ahole münchang.

EZEKEL 19:12

Ikoxle mongtsik chak füi ija otsing makhange file lax ilaxle ija a haxkha to tswonle awüt. Handünchi zangwine ija oziak to jeple azan. Ija pünkangbu apakle akhai; hwome ija azan ilaxle zokle ashun.

HOSIA 4:14

Ikoxlechu ija khomale kue hwom to sikngün ang müntom, chemthüikoxle hünzom tomtata ngaxchu baozang shwomnui to ngokya tsangtsa hangkya mixcha hwom hato paokoxpu, ilaxle ibu füi tomlaxle hünzome bao shwomle töbu koxkoxpu. Wanwün kax ma tüikya ningle, ‘Tutex chizaikya khünakbu maxüi.’