ISAIA 27:1 - OTSAO BAIBEL (BSI)

¹ Ija nyix Jowanpae chix tsak-zong hia mik amüt angkya changlo a Lewiathan, oja tüle ozik tsuakkya fwotnu, kwom-kwomlanle tüikya dragon hex, ija hia punu lang ang twon, ibu a tinu khato ngokya müibu changkya.

ISAIA 27:1 ပူးပေါင်းရင်းမြစ်များ

EZEKEL 29:3

Ija a Ijip nok wanghompa füi Jowanpae akaxkya kax changle le thüikox: Nang a shuanu khato jiple ngokya tüle za-adünkya nomwang, ku a nang zanpa changle. Nail shuanu ang nange zingkya. Nangkux changpule nange thüitüi.

ISAIA 51:9

Zolax, Jowanpa, ilaxle kwom to asunlax! Nang tsak-zong twonlax ilaxle kwom khosünlax; kaitanto twonkya ningle nange ija twonlax. Tinu baozang Rahap hütle akhixle langkya a nang changkya

MIKNGÜN-OHÜN 12:3

Chatlechu ding to khomatsikkya mama mowan tülai. Khisumkya tamchu tüle chongkya okhang anüt füikya, ozang bün tüikya üntoxle okhang ma tyale khohom sünle, le dragon tuita lai.

ISAIA 66:16

Chaxwannu angkya khünaknu opang thaile changpuix ibu to wün hia changlo füi chixe sikngün faüi — ilaxle mik max ang tomüi.

MÜNCHUAK-TSAI 104:26

Ija tok to khuabu aham, üntoxle Lewiathan ija khato azaple ngo, nange zingkya ija ti müinu-nyaxpa a.

JOB LAIPEX 26:13

Zangding kaküile zingkya a chix zakdün changle; Paole azangkya müishix-baoma a chix chak füi langpu.

MIKNGÜN-OHÜN 20:2

Dragon, owa owang pongkya pu hex, chix a Bao chichangba Haxshix, Ija chixe kop ilaxle zangpua hajat tuita hanpakma janbüi füi khale thom.

MIKNGÜN-OHÜN 19:21

Mankho ma ngale tüikya mixsün wikha makhange laikya changlo füi süpahibu a komle langle awüt; osabue ibu müi otsuaktsuak ma sax.

JEREMIA 51:34

Babilon nok wanghompa-e Jerusalem hütle lang ilaxle ija saxle awüt. Tikkux tuita ahuakya ningle chixe tingnu ahuale dan; baoma tuita ningle chixe ija jokle ling. Chix mong atsutsu chixe laxle pao ilaxle mamabu a tswonle awüt.

JOB LAIPEX 40:19

Müi nüjen khama ohünotün tuita! Chix zingpupa tatae tix chix to lüt ang tho,

MIKNGÜN-OHÜN 17:15

Chatlechu kaxtaimixe ku füi akaxle thüi: “Nange ngünle ngokya tibu, oja dingma tsahangcha thungle tüilaxpuix, ibu a chaxwanbu, khünakbu, jat-libu tamchu kaxngaobu changpu.

MIKNGÜN-OHÜN 17:1

Ifüima kaxtaimix anüt kha angkya tuita anüt lükya pe koplaxle tüikya mixe ku hato hüilaxle thüi: “Oman, kue nang hama fuale wünkya tsahangcha, thüikoxle shuajenbu hama zingle tüikya chongkya tingnu tuita to chem sikangün angkya hex ahofang.

MIKNGÜN-OHÜN 16:13

Ifüima lukbu lailaikya chitsaokya chasabu azom kue ngün. Ibu a dragon wikha angkya tamchu othai ajebu wikha angkya laikyabu changle.

MIKNGÜN-OHÜN 13:11

Ifüima chaxwannu angkya laikya müi mama kue ngün. Ija ma chun zong lailaile ozong anyi zaile, ilaxle ijae dragon zangwün ma wünle tüikya.

MIKNGÜN-OHÜN 13:4

Chixe ma tsakzong müi ang koxdao koxle pangnue wüi dragon tongshwom. Hwome müichu wüi shwom, ilaxle thüi: “Ija müi ningkya owa tamtüi? Chix füi azan ang owae thoüi?”

MIKNGÜN-OHÜN 2:16

Athaxpi ochaxbu tokya chatlax! Chichat thüiningle ku nang hato chwonle wüi nguiüi ilaxle ibu khünakbu füi ku wikha makhange laikya changlo koplaxle azanüi.

JEREMIA 51:13

Ija nok ma shuajenbu hia tuinabu huanuma tüile, ikoxle ija ang hanpak kaidaoa, ilaxle ija khüzün jakzi afündaoa.

JEREMIA 47:6

Hünzome akhong, ‘Jowanpa changlo! Nange chemtukux hanle paoüi? Nang changkhep mongto chatlax, ilaxle ikhama nazak laxle ngolax!’

ISAIA 65:25

Shwon hia chun hosabue tomwüi saxlingle ngoüi; maihue saxkya ningle mailangbue tsaxsa saxüi, ilaxle pubu ma thomzün angkya chemchu chitüiüi. Zaion, ku otsao haxnu ma, thomzün angkya hia ochax chemchu müntüiüi.”

ISAIA 26:21

Jowanpa a chix ngwotnui zangkangting tokhange, hwom ochaxbu khoma chaxwannu angkya khünakbu to sikangün ang nguile ngole. Chaxwan tok ma zuile mix mik amütkyabu kotok to angaiüi, ilaxle mik amütdaokyabu chaxwantoke athax pyenle münthom.

MÜNCHUAK-TSAI 45:3

Nang changlo latkoplax, tsak-zong chongle tüikya wanghompa; nang a fuazangkya tamchu apünkya changle.

JOB LAIPEX 3:8

Lyetnu zanghan luk-ling abax thomkyabu hama, ija ja zangnak to thuakzom angkya bama, hingtwonpabu hama akaxfa.

JOB LAIPEX 41:1

Nange Lewiathan müinu nyaxpwon jankwot füi kop chichangba zu füi ole ma khakle chang ang tho ang chami?

ISAIA 65:12

Alün-aloxle zi angkya a nang osho changüi, chemthüikoxle kue nyak pongma hünzome ku kax to chilan chichangba kue akax pongma chiapa. Ku kax ma chilaxle ochax mwot mok angkya mix hünzome zünle kop.

AMOS 9:3

Hwom a Karmel Haxnukho to khünle ngokoxchu, kue hwom lomle ataküi ilaxle kopüi. Kotho to hwom tinu othong to khünle changkoxchu, kue tinu khatokya müinu-nyaxpa ang hwom to tsüt ang tomüi.