ISAIA 26:6 - OTSAO BAIBEL (BSI)

⁶ Ami afangle thomkyabue athax ija ding ma nakle ilaxle ija hwom chifa fang ma thomle.

ISAIA 26:6 ပူးပေါင်းရင်းမြစ်များ

ROM NOK HATO ZAKYA POL LAIZA 16:20

Zang, kem mongsom otonge, chwonle wüi bao chix chifa fangto nakdaoüi. Kem Jowanpa Jisu Khrista chingcha nang füi naxngo.

KAXHO MÜIKYA LUK 10:19

Hulax, pu hia twonsi dingma aham ang üntoxle zan tsakzong pangnu to lüt angkya kue hünzom ang zong koxdaoa, ilaxle tütaechu hünzom thom münzünüi.

JIHUSUA 10:24

ilaxle Jihusua hato apüile kox. Jihusua-e Israel khünaknu pangwüi sele asox ilaxle chix füito zan to kakya nguakax-wangkhobu nguilaxle wanghom ibu to dingkux ma hwom cha füi ting ang tom. Hwome ile mok.

MIKNGÜN-OHÜN 2:26

Opange zan to lütpuix, opange ku mongtex mwot, oshuk kople mokle hüipuix, Kue hwom ang chaxwanbu, apün angkya tsakzong koxüi;

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

1 KORIN 1:26

Kutüi kunaohom, Zange nang nyak pongma nang chem changkya hex, athax nange ija texle ataklax. Khünak chikao ma hünzom züizüi a jetüi hwonlangkya mix chichangba tsakzongkyamix chichangba tu ma alixachong tuita changkya.

MALAKI 4:3

Kue ija mwot mokkya nyix, hünzome ochax to lütkya tüiüi, ilaxle hwom a hünzom chifa fang tokya haxbu ningle.

ZEFANIA 3:11

Ipongma hünzom, ku khünakbu, hünzome ku zan to kale changdaokya bama azak angkya mwot müntüi. Ngamkya hia mix to asongle hukya khünakbu kue apaoüi, ifüima hünzome tamchatle ku otsao haxnu ma ku zan to kale münchangüi.

DANEL 7:27

Zangfang angkya wangtingbu tsak-zong hia chuak-chongkya pangwüi Khüthak Zang khünakbu chak to koxüi. Ija chongwang wangting a tam münmax, ilaxle chaxwannu angkya apün-awangle tüikya noknusae chix thothale chix kax ma laxle ngoüi.”

JEREMIA 50:45

Ikhoma Babilon tingnu zongto kue mok ang achwonle ngokya tamchu ija ma tüikya khünaknu to mok angkya to apalax. Hwom naosombu ngaxchu linle paoüi, ilaxle pangnusa wüi ija ngünlaxle abütüi.

ISAIA 60:14

Hünzom to zothuple ngokya putong hwom nguiüi Ilaxle chathua zakya ahole hwom akhuxüi. Tam-a hünzom adix-adale changdaokyabue hünzom chitong ma shwomüi. Hwome hünzom ang ‘Zaion, Israel nok Otsao Zang Jowanpa tingnu’, le nyaküi,

ISAIA 37:25

Mixnok chaxwan to tüküi tholaxle ti ling ang koppule nang mong ngampu, ilaxle nang süpahibue hwom chabu füi nakle Nail Shuanu azopdaoale ngampu.

ISAIA 25:10

Jowanpae Zaion Haxnukho awaüi, ikoxlechu Moab nokbu to a cha füi tingle akhünüi, chemle tsaxsa haxzao ang nakle akhixpuix ija ningle a.

ISAIA 3:15

Ku khünakbu to nutle akhix angkya hia hwom müt hwom shun to jem angkya hünzom ma sukya chemchu müntüi. Ija a, Jowanpa Khüthak Zang kue akaxdaoa.”

MIKNGÜN-OHÜN 3:9

Apalax haxshix kux ang ngokya othombu, opange changjao chichang khato hwom Jehudi nok changpu le akaxpuix, hwom nguilaxle nang chitong ma akhux ang kue tsanüi. Hwom pangnue wüi kue nang to mongkünle le awanüi.

ISAIA 3:14

Onok tüichong mixmüibu hia lompabu a Jowanpae kaxfün hato apüi ngole, Chixe hwom ma ile kaxhux fele: “Grep haxtok hünzome amapu, ilaxle hünzom homkha a mixshix-zasabu kux pale laxkyae awangle tüile.

ISAIA 11:4

chixe mixshix-zasabu bama sukya kaxfün faüi ilaxle asunfa angkya mix chitüikyabu süntom amüt ang müntomüi. Chix kaxtom ma khünaknu to sikangünkya tüiüi, ilaxle ochax khünakbua ziüi.

ISAIA 28:3

Ibu jutok mix lompabu mongngam a cha füi nakle chifa fangto thomdao angkya changle.

ISAIA 29:19

Jowanpa Israel nok Zang-e koxkya ma, chitüi-chinang hia pui-naile tüikya khünakbue tamchatle mongmüi angkya ataküi.

2 WANGHOMBU 9:33

ilaxle Jehu-e hwom ang thüi: “She e adütdao.” Hwome she hax to tswonle awüt ilaxle she ajie katuk hia manbu to fule chwop. Jehu-e chix man hia man-kanlin she ding ma alyet,