ISAIA 26:3 - OTSAO BAIBEL (BSI)

³ Jowanpa, nange okhonguikya mongsom fahüi hwom mongtex shingmongle thomkyabu ang a tamchu nang to mongongle tüikyabu ang a.

ISAIA 26:3 ပူးပေါင်းရင်းမြစ်များ

FILIPI 4:7

Üntoxle Zang mongkün oja khünake tsingwankya zia kaile tüipuix, ija Khrista Jisu füikya notom ma nang mongtsang hia tutex sünle thomüi.

JUHAN 16:33

Ku füikya notom ma hünzome mongsom kop angkya kuxma, kue ibu hünzom füi akax ngopu; chaxwannue hünzom to sikngün zolit ang tomüi, ikoxlechu mong chonglax; chemthüikoxle kue chaxwannu to anao daoa!”

JUHAN 14:27

“Kue hünzom füi mongsom toxpu; ku mongsom tuita kue hünzom ang koxpu; kue ija hünzom ang chaxwannue koxkya ningle koxkya chichang. Hünzom ang mong male tamchu abanle taxngo, tamchu taxza.

MÜNCHUAK-TSAI 9:10

Jowanpa, opange nang awanle tüipuix, hwome nang to mongong tüiüi; nang hato nguikya khünak owachu nange chilaxle taxüi.

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.

ISAIA 31:1

Ijip nok to fonghüile kakyabu a maxdaoa! Hwome Ijip nok ma tüikya süpahi tsak-zong — man, man-kanlin, hia cha makhange azankya süpahi, iningkyabu to ongle. Ikoxle hwome Israel nok otsao Zang, Jowanpa to a mün-ong chichangba chix ma asun angkya bama tikshole münchang.

MIKA 5:5

ilaxle chixe tumüi-mongsom apüiüi. Chemtue Asiria nok, keme ziakople thomkya pan kaile, kem chaxwan tingtakle changüihex, keme kem kha angkya mixtsak naomüibu hwom füi azan ang apaoüi.

2 PUKAX-PANGAO 16:8

Etheopia nok hia Libia nokbu ma süpahibu müimamale tamchu man-kanlin hia mankho ma azankya süpahibu huanuma müntüi daimi? Ile changkoxchu nang Jowanpa to nang mongong thomkya khoma, chixe nang ang wüi hwom to lüt ang tompu.

2 PUKAX-PANGAO 13:18

Ile Judah khünaknue Israel nok to lüt, chemthüikoxle hwome, hwom pupa hwom Zang, Jowanpa to mongong thom.

1 PUKAX-PANGAO 5:20

Hwome Zang to mongong thom ilaxle asun angkya hanpakma chix to zangjop, ilaxle Zang-e hwom zangjop to lan ilaxle Hagri nok hia ija füikya zankat üitho pangwüi to hwom ang lüt ang kox.

ISAIA 48:2

Ikoxlechu hünzome mongngam füi hünzom a otsao tingnu nokpu changpu ilaxle hünzom Israel nok Zang to mongongpu, chix mün a Jowanpa Khüthak Zang changpule akax.

ISAIA 50:1

Jowanpae thüi: “Khünak tuita chix kakonu apaokya ningle kue ku khünakbu apaopule nange thütpia? Jangchangba, afan angkya laiza ojong? Khünak tuitae masa da ang hangkya ningle kue hwom zanda ang koxle apaopule nange thütpia? Ile münchang, hünzom zanda ang hünzom ochax khoma paopu; hünzom mütkopbu khomale hünzom koxle apaopu.

MÜNCHUAK-TSAI 119:165

Nang wanlom to mongkünkyabu ma okhonguile kuimüi-zangmakya tüile, ilaxle hwom adüt angkya chemchu müntüi.

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

ISAIA 26:12

Nange kwom ang ahak-aluakya fa angkya changle, Jowanpa; kwome chempangsa tholünle changpuix ibu a nange mokkya mwotza laipu.

ISAIA 27:5

Ikoxle ku khünaknu zanpabue, kue hwom kho-awa angkya to tsukya jangtüi, hwome ku füi tumüi lomzingle naxchang. Changle, hwome ku füi tumüi lomzingle naxchang.”

ISAIA 32:18

Zang khünakbu a khosam angkya müntüiüi, hwom homhax mongsom hia ziakop ma ngoüi.

ISAIA 42:6

“Ku, Jowanpae, nang nyakdaoa ilaxle tsak-zong koxdaoa ija a chaxwannu ma sukya kaxfün tsuak angkya hanpakma. Nang makhange kue khünak noknusa füi tsaotsütle; nang makhange kue chaxwannu nok hato zangngai apüiüi.

ISAIA 42:19

Ku dapa to kaile mik apwomkya mix tüicha, ku mwot-tsan mix to kaile nabakya mix a?

ISAIA 49:8

Jowanpae chix khünaknu ang thüi: “Chemtue nang khosün angkya hanpak nguipuix, ku nangchi ma seüi ilaxle nang sopkya to lanüi. Kue nang nyeüi ilaxle kho-awaüi ilaxle nang makhange khünaknu pangnusa füi tsaotsüt zingle. Kue nang a tamchatle otingsütle ngo ang tomüi athax kua awütle thomkya hünzom haxtok ma.

ISAIA 66:12

Jowanpae thüi: “Kue hünzom hato okuilole ngo angkya ahak-aluakya apüile faüi; chaxwannu nok angkya tuina hünzom hato otuechu chizopkya shuajen ningle jenle nguingoüi. Nang a, tüle künkak mongkün füi ma ahui-jak ma pailaxle honue tuitae apu-achangle hume thomkya nao ningle changpu.

DANEL 3:17

Nang tsak-zong chak tokya kwom khosünle kop ang kwome shwomle ngokya Zang-e ija okham wünnu hia nang tsak-zong chak tokya kwom khosünle kop angkya tho angkya olom tüile jangchang, chixe naxsünkox.

DANEL 3:28

Wanghompa-e thüi: “Shadrak, Meshak hia Abednego hwom Zang achuak kox! Chix thothale tamchu chix to mongongle ngokya mixsün ibu khosün ang Chixe chix kaxtaimix tsanle ajo. Changle hwome ku kax ma chilax ilaxle mama baozangbu tongshwom le münchangpu le hwome ma tsün maüi thua ngaxchu chizale hwom Zang to tata shomüile angam.

DANEL 6:23

Wanghompa ang tüle mongmüi ilaxle ija tswomkha tokya Danel alai angkya hanpakma kax kox. Hwome chix dokle alai ikoxle chix to makman ojao chibang, chemthüikoxle chixe Zang to mongong thomkoxle.

MÜNCHUAK-TSAI 125:1

Jowanpa to mongong tüikyabu a otuechu chiamok tamchu apao ang chithokya Zaion haxnu ningle changpu.

ISAIA 32:17

Chemthüikoxle pangnusae wüi chem supuix ija tix moküi, ilaxle othuithui hanpak ang tumüi mongsom hia chalomkya tüile ngoüi.

ISAIA 50:10

Jowanpa to achuak-achenle tüikya hünzom pangwüi ilaxle chix dapa kax ma laxle tüikyabu, hünzom lekya lomtang a zangnak tukle chang koxlax, ikoxlechu Jowanpa to mongong thomlax, Zang to chalom lax.

JEREMIA 39:18

Kue nang ozün ma panle thomüi, ilaxle nang mik amüt ang müntom. Nange ku to mongong thomle changkya khoma nang a zi-max ang müntom. Ku, Jowanpae ija akaxdaoa.”