ISAIA 26:16 - OTSAO BAIBEL (BSI)

¹⁶ Nange nang khünaknu to sikangün, Jowanpa, ilaxle fuxtsüi chifün tokhange hwome nang to jop.

ISAIA 26:16 ပူးပေါင်းရင်းမြစ်များ

HOSIA 5:15

“Hwom ochax khoma okhonguile hwome sikngün apongle machang tanto tamchu ku lomle mangui tanto kue ku khünaknu awütle thomüi. Hwom sikngün tokhange ngaxchu hwome ku lom ang cha.”

MÜNCHUAK-TSAI 50:15

Thangnak apong pongma ku selax; kue nang khosünüi, ilaxle nange ku achuaküi.”

MIKNGÜN-OHÜN 3:19

Kue akünkün pangto wüi kue sapu üntoxle sikangünpu. Idaile nang mongtsulax üntoxle ochaxbu tokya mong chatlax.

HOSIA 7:14

Hwome ku to mongkoxle chijop, itülüi hwome ma alüile tswonle adüt ilaxle songsaribu lailaile mangsop. Chemtue hwome saxziak hia grep ziak hanpakma zangjople changpuix, hwome songsaribu lailaile ma to alüile züt. Hwom ma adukya chem tüi?

MANGSOP 2:19

Chatwüichatle Jowanpa to nyak ang zangngaile zokox; Nang mong thokle laxkox ilaxle chix ang nang naosom to chingcha angkya chingcha jukox— Tingjang lomnu pangkha towüi woknuak ma zile ngokya naosombu to a!

JEREMIA 22:23

Lebanon tokhange apüikya sedar thamkha to nang kho azangle ngo; ikoxle nang to tsütle kakkya zuma nang a chingcha ashukle changüi, mixnu tuita to nao ngün wok-kak kakkya ningle a.

ISAIA 37:3

Ija a chixe Isaia füi akax ang tomkya hwom kaxho: “Anyix a sikngün ngokya nyix changle; kwom to sikangünle ilaxle ahaile. Kwom a sheko mixnu tuita, she ma zong a ojao chitüi ikoxlechu nao pux ang azongle ngokya ningle changpu.

MÜNCHUAK-TSAI 142:2

Kue chix hama ku tingtui pangwüi wün.

MÜNCHUAK-TSAI 91:15

Chemtue hwome ku nyaküihex, kue hwom to lanüi; chemtue hwom thangnak ma asuüihex, ku a hwom füi tüiüi. Kue hwom azünüi ilaxle hwom achuak-achenüi.

MÜNCHUAK-TSAI 42:4

Mongmüi atungkya othom tuita, tsai ngaole tamchu Zang achuakle üntoxle tomtomle ahamle hwom lom azuile tüipongma, chemtue ku othom khato Zang hom to paopuix, ledaokyadu texle atak laxle ku mong ashix.

1 SAMUEL 1:15

She-e lan: “Alixachong, ku a jutokkya münchang. Ku a julinglaxle nguikya münchang! Ku ang tüle mongsik-ngünle tüikya khoma kue jop-tole Jowanpa hama ku zoshun mongzangwünle ngokya changwüi.

HUAKE LAIPEX 21:7

Khünaknue Mosa hato nguilaxle thüi: “Jowanpa hünkhi zongto chichangle akaxkya ma kwom ochax kopdaoa. Athax ija pu apao angkya hanpakma Jowanpa to zangjop kox.” Ikhoma Mosa-e khünaknu hanpakma zangjop.

JEREMIA 2:27

Hünzom pangwüi ang zak-akopüi—pün nang apa kux ilaxle long nang anu kuxle akaxkya hünzom pangnusa ang a. Hünzom ku hato hüihaxkux lüi ma ku hato tok ahole paokya khoma ija ile chang ang tomüi. Ikoxlechu chemtue hünzom sikngün-tuitaile changüihex, hünzome hüilaxle hünzom khosün angkya ku wüi lom.

KAXFÜNPA-HWOM 10:15

Ikoxlechu Israel noke Jowanpa ang thüi: “Kwome ochax lyendaoa. Nange chemle mokse tsupuix ile moklax, ikoxlechu chingchalaxle anyix a kwom khosünfa.”

MÜNCHUAK-TSAI 27:8

Chemtue nange: “Oman, ku to shwomlax le thüipuix, Jowanpa, ku nguiüi”

MÜNCHUAK-TSAI 77:3

Chemtue kue Zang texle atakpuix, ku azak maxle; chemtue kue chix lomle changpuix, ku ang monghixle. Selah

MÜNCHUAK-TSAI 78:34

Chemtue chixe hwomkha angkya züizüi langüihex; hwome mong alüix üntoxle chix to mongkoxle jopüi.

JEREMIA 29:12

Ipongma hünzome ku nyaküi. Hünzom nguilaxle ku to jop-tole changüi ilaxle kue hünzom zangjop to lanüi.