ISAIA 26:10 - OTSAO BAIBEL (BSI)

¹⁰ Chichangchizangkyabu zongto nang chingchale tüikoxchu, hwome otuechu sukya mwot mok angkya awanle münlax. Ija otsao khünakbu haxtok ma ngaxchu hwome othaithai wüi mokle; hwome nang chongkya to changkox-ale thüise müntsu.

ISAIA 26:10 ပူးပေါင်းရင်းမြစ်များ

HOSIA 11:7

Hwome ku hato tok aho angkya wüi zong. Hwom khangkho ma dangzem khoma hwom akhongle sopüi, ikoxle hwom khangkho angkya ija owaechu nwonle chifaüi.

MIKNGÜN-OHÜN 2:21

Kue she ang ochaxbu tokya mongchat ang hanpak fadaoa, ikoxle ibu müi-hi-aji mwot tokya she chatse le chitsu.

MIKA 2:10

Zolax üntoxle paolax; ikhama athax hünzom hanpakma azang angkya onui müntüi. Hünzom ochaxe ijakha a olithukya thama adündaoa.

JEREMIA 2:7

Kue hwom haxzao füikya haxtok to apüipu, ikhatokya puamün hia müikya oli saxlaxle naxchang koxle. Ikoxle hwom ku haxtok mix thomjo; kue hwom ang koxkya haxtok hwome akhu ang tom.

HWON-NWOT-JAONO 3:16

Ito bole, ija chaxwannu ma, sukya hia changkya olom tüihaxkux ziama chichangchizangle tüikya kue ngün ang kople.

WANWÜNKAX 1:32

Jali lople hüidaokya khünakbue ku je-hwon chilaxle changkya khoma hwom mik max angkya ataküi. Ongat khünakbu a ija to mongkoxle chitüikya khoma thama apongle maxüi.

MÜNCHUAK-TSAI 106:43

Jowanpa chix khünaknu kho obithomthom ma hexle sün, ikoxlechu hwome chix zan to ka angkya wüi zünle kop ilaxle ochax khato süzuzule khang.

TSAITONG-KAXTONG 32:15

“Jowanpa khünakbu huanuma ahak-aluale chang, ikoxlechu chix zan to kale tüi; hwom a tüle nutle ilaxle osüt füi wokbu afwot. Hwome hwom zingpupa Zang chilaxle awüt üntoxle tsak-zong füikya hwom khosünpa chilaxle awüt.

LAIPAO 9:34

Chemtue wanghompa-e ile changkya ngünpuix, chix ang chatle chu mong chat. Chix üntoxle chix wangshembu ang amipongkya ningle mongtsak ang süt.

LAIPAO 8:15

Chemtue luk zile komkya füima fün müile changpuix, Jowanpa kax ningle wanghompa ang mongtsak. Chixe Mosa hia Arun nyi zangwün to ojao na chithale achat.

HOSIA 13:6

Ikoxle müikya haxtok to nguikya füi tomle, hünzom awangle tamchu okhonguile ngokyabu ang achang, ilaxle hünzom mongngam ma tsong ilaxle ku alakle asam.

HOSIA 9:3

Israel khünaknu a Jowanpa haxtok ma münngoüi, ikoxle Ijip nok to chatle chat angkya hüiüi ilaxle taxsax lükya süt Asiria nok to sax angkya hüiüi.

JEREMIA 31:23

Jowanpa, Israel nok Khüthak Zang-e thüile: “Chemtue kue khünaknu ang hwom haxtok tamchatle koxüihex, hwome anaole chuwüi Judah hia ija angkya tinglongbu ma thüiüi: ‘Jowanpae Jerusalem angkya otsao haxhua to mohimanle naxchang. Chix ngole tüikya otsao nui a.’

ISAIA 27:13

Chemtue ija nyix nguile hüipuix, Asiria hia Ijip nok to pünpao ang ngole tüikya Israel khünakbu se ang nyazong dinglo mütüi. Hwom nguiüi ilaxle Jerusalem, otsao haxkho ma hwome Jowanpa to shwomüi.

ISAIA 24:5

Zang wanlombu hia jento ngo angkya hanpakmale zingkya chix kaxtsao amakya tokhange khünaknue chaxwannu oma ang achangle awüt.

ISAIA 5:12

Hünzom pwonle le changpongma, hünzom waxmai, khopsya hia thuaput, ibu füi ju kop. Ikoxlechu Jowanpae chempang moktüipuix hünzome müntik,

ISAIA 2:10

Hwom a longtsyentua tokya longkunbu nuk to khünüi chichangba Jowanpa mongtsik hia chix tsak-zong tamchu chix fuazang chak tokya sün angkya hanpakma hwom haxkha thole azang ang azongüi!

MÜNCHUAK-TSAI 143:10

Nang a ku Zang changle; nang mongtex mok angkya ku hama anole fahüi. Ku zongto müihüi, ilaxle thomzün chitüikya lom to ku lomzunhüi.

1 SAMUEL 15:17

Samuel-e thüi: “Nange nang owachu chichangkhato le thüt koxle nang a Israel nok lompa tuita changle. Jowanpae nang Israel nok wanghom ang münga füi lile kamle laxkya mix,

ISAIA 32:6

Angae ongat zangwünüi ilaxle ochax mwot mok angkya ajangüi. Chixe chem mokpuix tamchu chixe chem wünpuix ibu a Jowanpa ajao-ahaikya changpu, ilaxle chixe woknuak khünak otuechu müntux ilaxle tilan mix ang ti alingle münchangtox.

MATHI 4:5

Ifüima baoe chix otsao Tingnu Jerusalem to paolaxle, Zangshwom Homnu kho ma angwot

LAIPAO 9:30

Ikoxlechu nang üntoxle nang wangshembue Jowanpa thua münzale kue awanle.”

MÜNCHUAK-TSAI 69:27

Hwome ochax lyenkyabu laiza ma bakle thomkox; nang khosün ma hwom ang chem süntswon tüi ang taxtom.

ISAIA 32:7

Ongat-ongüi khünak a ochax khünak changle ilaxle ochax mwot mokle; chixe atsele zangwünkya füi chitüi-chinang khünak tha ama angkya olom zingle ilaxle ibu ang hwom süntswon kop ang chitomle tsyenle.

2 WANGHOMBU 13:6

Ikoxlechu Jeroboam-e oja ochax lom to Israel nok azuile paopuix, hwome ija ochaxbu otuechu danle chitox, ikoxle ibu mokle thai ang wüi thai ang wüile süt; ilaxle Samaria ma baozangchanu Asherah chapa otia ma wüi tüile ngo.

HWON-NWOT-JAONO 8:11

Chaktung-chaktung ma khünakbue mütkop mwot büthüikoxle mok? Chemthüikoxle mütkop to janpüi ma sikngün fakya chitüikoxle.

ISAIA 1:21

Amipongma kax ma laxle tüikya tingnu zanglom-saikha a ma-tsa hangkya mixcha tuita ningle! Hanpak tuita ma ija a otsao khünakbue awangle tüikya, ikoxlechu athax a mix lang mixe awangle tüile.