ISAIA 26:1 - OTSAO BAIBEL (BSI)

¹ Khünaknue Judah haxtok ma ija tsai ngao angkya hanpak nyixta hüile ngole: Kem tingnu a tsak-zongle tüile! Zang chix jaoe ija long-katuk nyele thomle!

ISAIA 26:1 ပူးပေါင်းရင်းမြစ်များ

ISAIA 60:18

Chaxpwon-zanlekya ozing tamchatle atat ang müntomüi; Hünzom haxtok a olithukya thama füi apong ang müntomüi. Long katuk tuita ningle kue hünzom kho-awale sün thomüi; Kue hünzom khosünle changkya khoma hünzome ku achuaküi.

ISAIA 62:11

Jowanpae zangfang pangnu hato tsingang tomkya nax-tik ang: “Jerusalem angkya khünaknu füi akaxkox Jowanpa a hünzom khosün ang, Chixe sünle kopdaokyabu chix füi tomle laxlaxle.”

ZEKARIA 2:5

Jowanpa chixjao ija tingnu zongto wün katuk ang changüi ilaxle chix fuazangkya füi ikhama ngo angkya changle.”

JEREMIA 33:11

mongmüile akhongkya hia tuiju-nasomle puakya ozingbu a. Khünaknue Zangshwom-Hom to töbu apüile changpongma tsai ngole changkya zing hünzome atat ang kopüi; Hwome thüile: ‘Khüthak Jowanpa Zang ang münchong fakox, chemthüikoxle chix a müile ilaxle chix mongkün ma oshuk müntüi.’ Kue ija haxtok a amipongkya lailaile ahak-aluale chang ang tomüi. Ku, Jowanpae ija akaxdaoa.”

ISAIA 25:9

Chemtue ija changüihex, pangnusae thüiüi: “Chix a kem Zang changle! Keme kem mongong chix ma thompu, ilaxle kem chixe azünpu. Chix a Jowanpa changle! Keme kem mongong chix ma thompu, ilaxle athax kem a pwonla dongle mongmüipu chemthüikoxle kem kho chixe sündaoa.”

MÜNCHUAK-TSAI 48:12

Zang khünaknu, Zaion akhople ahamlax ilaxle zanhunuibu elax;

MÜNCHUAK-TSAI 31:21

Jowanpa achuak kox! Chemtue ku to akhople koplaxle singpuix, ipongma chemtukux ohünotünle chixe chix mongkün ku hato ahopuix!

MATHI 16:18

Ija khoma kue nang ang thüipu: Pitar, nang a long changle ilaxle ija long tok ma kue ku müimüithom zing angkya changle. Zike ngaxchu ija to lüt ang müntho.

ISAIA 12:1

Khünaknue tsaingao angkya hanpak tunu nguile ngole, “Kue nang achuakpu, Jowanpa! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

ISAIA 5:1

Kue ija tsai ngaopongma apalax, ku zuikhui hia chix grep haxtok tsai: Ku zuikhui ang grep haxtok tuita tüikya haxzaoe awangkya haxhua tuita ma.

ISAIA 2:20

Chemtue ija nyix nguile hüiüihex, hwome khop hia hunbu füi, mae alüile zingle thomkya chapabu tswonle awütüi, ilaxle ibu a thufa hia opak-pakpebu ang danle toxüi.

ISAIA 2:11

Khünaknu mongngam ashukdao angkya tamchu khünaknu mongngam maxdao angkya hanpak nyixta hüile ngole. Ipongma Jowanpa chix tata tix achuakachenle changüi.

IZRA 3:11

Hwome Jowanpa achuakle chatchatnaole ija tsai ngao: “Jowanpa a müikya changle, ilaxle Israel tokya chix mongkün ma oshuk müntüi.” Pangnusa wüi mae tsuakkyapong le akhong, Jowanpa achuak, chemthüikoxle Zangshwom-Hom zai angkya mwot owang wangle hüidaoa.

HUAKE LAIPEX 21:17

Ipongma Israel khünakbue ija tsai ngao: “Tüküibu, hünzome ma tibu alaikox; Ilaxle kwome tsai füi ija pwonzaole changüi:

ISAIA 4:2

Jowanpae ija haxtok angkya pünzuabu tüle chongle tamchu osün müile tsong ang tom angkya hanpak hüile ngole. Chimaxle azangkya Israel nok pangwüi mongmüiüi ilaxle hwom haxtok ma saxkop-linglole changkya to hwom ang mong ngamüi.

ISAIA 14:31

Fongmix lomle akhongle wotkox, Filistia tingnubu hünzom pangwüi! Zalax, hünzom pangwüi! Shuakuxchi tokhange zangfwom ningle haxkhix-labu hüile ngole — ija a ojao chizakya süpahibu hüikya changle.

ISAIA 31:5

Osa tuitae ozop kha angkya hosa kho-awa ang ozop zui akhople pile ngokya ningle, ija ningle Jowanpa Khüthak Zang, kue Jerusalem kho-awaüi ilaxle ija ziakople thomüi.”

ISAIA 31:9

Hwom chongwangpa a chabüt-lasünle zikle paoüi, ilaxle chix nguakax wangkhobu a hwom zankat nyiluak to apüi awütle toxle abütüi.” Jowanpae akaxdaoa — Jowanpa owa to Jerusalem ma shwompuix ilaxle töbu kox ang owa wün ikhama atsople changpuix.

ISAIA 33:5

Jowanpa a chemkuxma chongpuix! Chixe pangnusa thakma apünle. Chixe Jerusalem a sukya kaxfün hia pangnu zongto sukyae awangüi

ISAIA 33:6

ilaxle tingnok a oting ma sütle shingmong ang tomüi. Chixe jento chix khünaknu kho-awale ilaxle hwom ang je-hwon hia tsing-wankya koxle. Hwome tuina tüichongpa aJowanpa achuak-achenkya changle.

ISAIA 56:5

hünzom ang su-sa chitüile changkoxchu hünzom münbu a ku Zangshwom-Hom ma münalak. Hünzom a otuechu alakle münasam.”

ISAIA 62:10

Jerusalem angkya khünaknu, tingnu angkya laile paokox Ilaxle hünzom khünaknu chatle ngokyabu hanpak ang lom zingle laxkox! Lomnutang jao tuita achwonkox; ija lom angkya longbu apaokox! Chaxwannu noke awanle lax angkya hanpakma münwan apütkox

EZEKEL 40:5

Kue chem ngünpuix, ija a Zangshwom-Hom changkya, ilaxle ija akhople katuk tüikya. Ija khünake thüt angkya janlak lax, ija a fak anyi lole tüikya, ilaxle chixe katuk thüt. Ija a fak anyi tsua fak anyi khaole tüikya.

MÜNCHUAK-TSAI 48:4

Wanghom wanghombu athüt üntoxle Zaion haxnu to sing ang ngui.

ZEKARIA 2:9

“Jowanpa chix jao hünzom füi alünle azanüi, ilaxle hanpak tuita ma hünzom zanda ang ngokyabue hünzom maxsam ang tomüi.” Chemtue ibu pangwüi changle hüiüihex, ku a Jowanpa Khüthak Zang-e ahüikya changpule noknusa awan ang kopüi.