ISAIA 24:1 - OTSAO BAIBEL (BSI)

¹ Jowanpae chaxwannu a ohua ang achangüi ilaxle ija chilaxli ang dantoxüi. Chixe chaxwan thün nongnong-püilüile achangüi ilaxle ikha angkya khünaknu chiakle asamüi.

ISAIA 24:1 ပူးပေါင်းရင်းမြစ်များ

NAHUM 2:10

Ninewi a amadaoa, dantoxdaoa, owachu chingole! Za le mong-khax shunzo le chang; chikux ahong, janzüi tamchitüi; thünza-nakua huisho le.

ISAIA 2:19

Chaxwannu to sile alox ang chix nguipongma, khünaknu a longtsyentua tokya longkunbu nuk to azwonnui tamchu Jowanpa tsak-zong hia chix fuazang thoto, haxwan tholaxle, ikhato paole azang ang azongüi.

ISAIA 42:15

Kue haxhua hia haxnubu amütüi ilaxle hingzang hia pün-zuabu zanle zi ang tomüi. Kue shuajenbu a sak-haxsha ang achangüi ilaxle tüküibu zan ang tomüi.

ISAIA 24:20

Chaxwannu jaojao jutokmix ningle-khokhele changüi ilaxle zangchei thoto homsa sile aloxkya ningle sile aloxüi. Chaxwannu to ija ochaxbue sheple anguaküi ilaxle ija otuechu laoxle chizole changüi.

EZEKEL 35:14

Jowanpa Khüthak Zang-e thüile: “Nang nguakkya zing atatlaxle zangfang pangnusa ang mongzom müile changkya li ma kue nang a ojao laxli chitüile awütkya haxtok ang achangüi.

EZEKEL 12:20

Anyix khünake awangle tüikya tingnubu a amütüi, ilaxle hwom chaxwan a tüta puamün chitüikya haxtok ang achangüi. Ifüima hwome ku a Jowanpa changle le awan ang kopüi.”

KAXHO MÜIKYA LUK 21:24

Üntoxle hwom züizüi chang ma maxüi; hwom züizüi kop laxle pangnu chaxwan to paoüi. Üntoxle mixnok hanpak ma-ashuk ma-ashukle Jerusalem to mixnok cha füi naküi.

EZEKEL 6:6

Israel nok tingnubu pangwüi amaüi, ikoxtix hwom tö-tsap hia chapabu bakle thuple akhixüi, hwome ongan müikya so zokkya tö-tsapbu thuple amaüi, ilaxle hwome zingkya oli chemchu ngün ang chikople amütüi.

EZEKEL 5:14

Hünzom zui makhange le-zyenkya ting-nok pangnusae hünzom tunthoma kam thaüi ilaxle hünzom füi atsaile ngoüi.

EZEKEL 5:2

Ija hwople koptsuakkya zuma thom tuita a tingnu ma zokle ashunlax. Othom tuita a hünzom tingnu toknakai to paopongma asexle awütlax. Othom tuita a zangwin to apikle awütkox, ilaxle kue ku changlo füi ija mantole changüi.

JEREMIA 9:16

Hwome chu tamchu hwom pupa hwome ngaxchu chemtuechu atat ang chikopkya nok to kue hwom chiakle sam ang tomüi, ilaxle hwom komkaile amütle machang machangle kue hwom amüt ang süpahibu akatüi.”

ISAIA 33:9

Haxtok a owachu chingole ngat-to dantoxdaoa. Lebanon angkya faonu kohwon ang changdaoa. Haxzao füikya Sharon haxsha a sak-hax ang changdaoa, ilaxle Bashan ma tamchu Karmel Haxnu ma pün ang pünchakbu dütle.

ISAIA 29:16

Hwome pangnusa asongle thokle. Tikjaomix hia komhax hokhi opupu achongkya hex? Chemchem chakzing mwotkat-e zingpupa ang: “Ku nange zingkya münchang” chichangba “Nange chem mokle ngopuix ija nange müntsing”, le thüitsuak ang chami?

ISAIA 27:10

Panzai laxle ziakople thomkya tingnu a amale tox. Ija a chemchu chingokya faokha ningle awütle tox. Ija a maihubu hanpakma fumtsütnui ang achang; ikhato hwome nazak lax ilaxle fumtsüt.

ISAIA 5:6

Ija khama hingzang wüi naxnyemkox. Kue ozubu sexle münchang chichangba haxkhutle akhixle münchang; itülüi kue ija to kongbüi hia huxbue awangle chang ang tomüi. Kue ija ding to zangwat angkya zangfwom münabax.”

MÜNCHUAK-TSAI 146:9

Kem haxtok ma ngokya püntüibu kho chixe awale; chixe zomnu hia khaxsabu to asunle, ikoxlechu chichangchizangle tüikyabu a hwom müt lom to paole.

NEHEMIA 1:8

‘Hünzom Israel khünaknu ku to mongong shingmongle chitüi thüiningle, kue hünzom a chaxwan tok to chiakle asamüi’, le nange Mosa füi akaxkya kax athax texle atak-hüi.

2 WANGHOMBU 21:13

Samaria to zothupkya tamchu Israel nok wanghompa Ahap hia chix sixlibu zothupkya lailaile kue Jerusalem to zothuple changüi. Khopkhua azao laxle akhuple thomkya ningle kue Jerusalem akhuple thoküi.

TSAITONG-KAXTONG 32:26

Kue hwom a komkaile olithu ang tomse, ikoxtix owaechu hwom texle atak angkya chitüiüi.

TSAITONG-KAXTONG 28:64

“Haxtua-zangnam kaochi makhange kaochi kople, chaxwannu okhui apongle, Jowanpae hünzom pangnu jat-libu khato chiakle asamüi.

TSAITONG-KAXTONG 4:27

Hünzom a Jowanpae mix jat-libu khato chiakle sam ang tomüi, ikhato hünzom hidaole ozün ma ngoüi.

EZEKEL 24:11

Athax wi tik ohua a wündix dingma dankox ilaxle ija khile kham ang tomkox. Ima tüikya tikmakbu zokle ashunkya füima ija tik a tamchatle otsao ang achangüi.

JEREMIA 40:15

Ifüima huxsa ma Johanan-e chix füi akaxle thüi: “Ku pao üntoxle Ishmael langle awüt fang, ile changkya owa mwot hex owaechu münawanüi. Chixe nang büthüikoxle lang ang shan angkya? Ile jangchang thüiningle nang zui ma asoxle ngokya Judah khünakbu pangwüi afale paoüi, ilaxle ijae Judah haxtok ma danle toxkya khünakbu hato thama-thomshix apüikya ang changüi.”

JAKOP 1:1

Zang tamchu Jowanpa Jisu Khrista da Jakop tokhange: Chaxwan tok ma chiakle tüikya Zang khünaknu nok hato salam.

WANGSHEMBU MWOT 17:6

Okhi chibang ünkoxle hwome Jason hia züizüi tüinaobu tingsho ma pünpa-chongwangbu hato linle apüi ilaxle akhong: “Ibue pangnu khato wüi tingtui adün ngole! Athaxchu kem tingsho ma nguikoxle

JEREMIA 50:17

Jowanpae thüi: “Israel khünaknu a, mailangbue achuale asamkya chunbu ningle changpu. Pongwang ma hwom to Asiria chongwangpae singpu, ilaxle Babilon nok wanghompa Nebukadnezar-e hwom za jao shaole akhixpu.

JEREMIA 4:7

Azwonle ngokya mailang laile hüikya ningle, jat-libu hato ngui angkya thama achexüna. Chix a Judah amüt ang nguile ngole. Judah angkya tingnubu pünle ama toxüi, ikhato owachu münngoüi.

ISAIA 13:5

Hwom a tsailo nok haxtua-zangnam tokyabu nguile ngokya changle. Mongtsik ashukle Jowanpa a onok pangwüi amüt ang nguile ngole.

ISAIA 13:13

Kue zangdingkhobu abün ang tomüi, ilaxle Jowanpa khüthak Zang, kue chemtue ku mongtsik ahole changüihex, chaxwannu a ma nui-ting angkya aloxle changüi.

ISAIA 24:19

Chaxwan kang laxle sumle chule pao ilaxle afile ozak laile changüi.

ISAIA 30:32

Jowanpae hwom to chatchatnaole hong, chix khünakbue thuaput waxmaibu angaole samthukya onox-onua füi tomüi. Asiria nok füi Zang azanüi.

ISAIA 34:2

Jowanpa ang chaxwannu nok hia hwom süpahibu füi mongmale. Chixe hwom max angkya hanpakma ahaile changdaoa.

ISAIA 34:10

Ija a zangnak zangngaile chuale ngoüi, ilaxle ija makhange jento wünkhut laile ngoüi. Tsün-tsün to ija haxtok a awütle thomkya haxtok ang ngoüi, ilaxle imakhange athax owachu chiahamüi.

JEREMIA 51:34

Babilon nok wanghompa-e Jerusalem hütle lang ilaxle ija saxle awüt. Tikkux tuita ahuakya ningle chixe tingnu ahuale dan; baoma tuita ningle chixe ija jokle ling. Chix mong atsutsu chixe laxle pao ilaxle mamabu a tswonle awüt.

NAHUM 1:5

Jowanpa miksho ma haxnubu file pao; chix pomtho ma haxhuabu chule pao. Jowanpa ngaipongma chaxwannu alox sile alox; chaxwannu hia ima tüikya khünaknu abün.

ISAIA 29:2

ifüima “Zang tö-tsap”, le nyakkya tingnu hato Zang-e thama naxapüikox. Ikhato sopkya hia mangsopkya tüiüi, ilaxle tingnu abakle wünkhut füi joxle tuita tö-tsap lailaile changüi.

ISAIA 32:12

Mongmaxkya füi ma khaxtok to alüile chietlax chemthüikoxle haxzao füikya haxtok hia grep haxtok pangwüi amadaoa,

EZEKEL 6:14

Changpu, kue ku chak thüiüi ilaxle hünzom chaxwan amütüi. Shuathongchi sak-hax makhange shuakuxchi ma Riblah tingnu alople kue oziak chidünkya haxtok ang achangüi, ile Israel nok ngole tüikya ojongkhachu danle müntox. Ifüimatix ku a Jowanpa jao changpule noknusae awanle lax ang kopüi.”

EZEKEL 7:12

Hanpak a hüile ngole. Shak-sünkya hia hangjokya chem angchu chichang angkya nyix hüile ngole, chemthüikoxle noknusa hato Zang sikngün tomwüi hüi angkya chang koxle.

EZEKEL 7:14

Nyazongbu müt, ilaxle pangnusa achwonle changüi. Ikoxle owachu zan to chikaüi, chemthüikoxle Zang mongtsik noknusa hato tomwüi nguile tüikoxle.