ISAIA 22:5 - OTSAO BAIBEL (BSI)

⁵ Ija a chabüt-lasünkya, zane lütkya, ilaxle Mikngünohün Haxsha ma jemax-hwonsamkya hanpak changle. Kem hato ija a Jowanpa Khüthak Zang tokhange ahüikya changle. Kem long katukbu a thuple anguakdaoa, ilaxle asun hüile sopkya ozing a haxnukhobu to taitailaile atatle.

ISAIA 22:5 ပူးပေါင်းရင်းမြစ်များ

KAXHO MÜIKYA LUK 23:30

Ipongma hwome haxnubu füi akax ang sütüi: ‘Kwom ding to düthüi!’ Üntoxle haxkho tsuakyabu ang thüiüi: ‘Kwom to akhup hüi!’

MIKA 7:4

Hwom khama ataxle sukya mix to lünle hingzang tukux thatha ngaxchu münchang. Chixe hwom nyetmix, ajebu makhange kaxkhün koxle hüikya ningle, Zang-e chix khünaknu to sikngün ang tom angkya hanpak nguile hüile. Athax hwom a khosam ma tüile.

MANGSOP 1:5

She zanpabue she to lüt; hwome ma tsak-zong füi she to künle kop. She huanu ochax khoma Jowanpae she füi sikngün apong ang tom; She naosombu a koplaxle tsui pao.

ISAIA 37:3

Ija a chixe Isaia füi akax ang tomkya hwom kaxho: “Anyix a sikngün ngokya nyix changle; kwom to sikangünle ilaxle ahaile. Kwom a sheko mixnu tuita, she ma zong a ojao chitüi ikoxlechu nao pux ang azongle ngokya ningle changpu.

ISAIA 10:6

Zang chilax homtoxle ngokya jat-li to sing angkya hanpakma kue Asiria nok apaopu, ku mongtsik ang tomkya khünakbu to a. Kue hwom tuinabu tsui angkya tamchu ahux angkya ilaxlechu khünaknu to tingjang tokya haxbu to nakpupule nakle tox angkya hanpakma kue hwom apaopu.”

HOSIA 10:8

Awen angkya haxhua ma zaile tüikya baozang to shwomkya otsao nui, ojongkha ma Israel khünakbue chapabu to shwompuix, ija a amaüi. Hwom tö-tsap ding ma hingzang hia kongbüi-zu nyemüi. Khünaknue haxnubu nyaklaxle: “Kwom khomhüi!” tamchu haxhuabu nyaklaxle “Kwom to chwop-hüi!”, le thüiüi.

MANGSOP 2:2

Judah angkya tingkhua pangnu Jowanpa-e chingchingchichale amütdaoa Ilaxle haxtok khosele ngokya zanhunui pünle adütdaoa. Chixe wangting hia ija apünle ngokyabu hato thünkhux-thajao apüidaoa.

JEREMIA 30:7

Nu zao hanpak tuita hüile ngole; ija nyix füi mama nyix chemningkya chu apyen ang münmüi— ku khünaknu hanpakma künmax-mongshan hanpak tuita, ikoxlechu hwom a münzi-münmax.”

ISAIA 22:1

Ija a Mikngünohün Haxsha ba angkya kaxho tuita changle. Chempang changle ngopu? Tingnu angkya khünaknue homkho to chem hanpakma pangpwonle ngopu?

MATHI 24:16

Ija pongma Jehudi ma asukyabu haxhua to zikle pao angkya changle.

ISAIA 25:10

Jowanpae Zaion Haxnukho awaüi, ikoxlechu Moab nokbu to a cha füi tingle akhünüi, chemle tsaxsa haxzao ang nakle akhixpuix ija ningle a.

ISAIA 5:5

“Kue ku grep haxtok to ile mok angkya changle; kue ija akhople tüikya tsawat paoüi, ija to tsyenle thomkya katuk atsunüi, ilaxle faomüie ibu naxsaxkox tamchu nakle naxakhixkox.

ESTAR 3:15

Wanghompa kaxtom ma ija khuapu a pongwün tingnu Susa machu noknusa na to atat ang tom. Zikkyabue ija kaxho angkya wangtsak ting pangnu khato wüi apuk. Susa tingnu a tüle khosam to adütlaxle wanghompa hia Haman hokhi a juling ang thung.

2 WANGHOMBU 25:10

Chix süpahibue tingnu zün-katuk atsunle awüt.

2 WANGHOMBU 19:3

Ija a chixe Isaia hato hwom makhange hokya kaxho: “Anyix a sikngün angkya hanpak; kwom a sikngün ma tamchu thajao ma tüile. Kwom a, sheko mixnu tuitae naoput wok kakle ngo, ikoxlechu pux angkya zong chitüile maxngokya mixcha tuita ningle changle.

ISAIA 63:3

Jowanpae lan: “Kue grepbu to nakkya ningle chaxwannu nok to cha füi nakdaoa, ilaxle ku to asun ang owachu chihüi. Ku mongtsiktsik ma kue hwom to nak, ilaxle hwom ajie ku nyi-za bakle akhikdaoa.

ISAIA 63:6

Ku mongtsik füi kue chaxwannu nok to cha füi nak ilaxle hwom tingle akhün. Kue hwom aji a hax ma thokle ajen.”

EZEKEL 7:7

Hünzom haxtok ma ngole tüikyabu hato oshuk hüile ngole. Haxnukho tokya baozang shwomkya onuibu to puakya chemchu chitüi ang ikoxle khosameawangle chang angkya hanpak chwonüna.

ZEFANIA 1:15

Ija a chabüt-lasün nyix tuita changüi, sikngün hia thangnak apongkya nyix a. Ija nyix a thamakya nyix, haxshix zangnakkya nyix, zangfwom atyenkya nyix,

MANGSOP 2:8

Zaion angkya pan-katuk atsunle adüt angkya bamaJowanpae mongzangwünle tsuak; Ibu komkaile ama angkya kuxmale chixe ibu thütle tsuakle. Zanhu nui hia pan-katuk athaxpi tomwüile tsunle nguak ngo.