ISAIA 22:12 - OTSAO BAIBEL (BSI)

¹² Ifüima Jowanpa Khüthak Zang-e hünzom a mangsop ang tamchu khang ong ilaxle nyikhwon awunle chang ang se.

ISAIA 22:12 ပူးပေါင်းရင်းမြစ်များ

JOEL 2:17

Tötsap hia Zangshwom-Hom nyi bama Jowanpa thothale ngokya nguapabue, “Jowanpa, nang khünaknu to chingchahüi. ‘Hünzom Zang oja?’ le adix-adakya kax füi mixnokbue kwom thajao ang taxtom” le hwome sople zangjop angkya wüi changpu.

JOEL 1:13

Nyikhwon awunlax ilaxle soplax, hünzom tö-tsap ma thothale ngokya nguapabu! Zangshwom-Hom to nguilax ilaxle zang angaile soplax! Hünzom Zang ang tö kox angkya saxziak hia grepti-ju chemchu müntüi.

MIKA 1:16

Judah khünakbu, hünzome mongkünkya naosombu hanpakma mang sople khang onglax. Hünzome ma alüile ma khang okunbu khang hwonkya ningle hwon ang tomlax, chemthüikoxle hünzom naosombu hünzom chak tokya koplaxle zanda ang paoüi.

JAKOP 5:1

Üntoxle athax, hünzom ahak-aluakyabu, ku kax apalax! Hünzom hato hüile ngokya sikngün bama hünzom soplax üntoxle akhonglax.

AMOS 8:10

Kue hünzom pangpwon a mangtsakya ang achangüi ilaxle hünzom mongmüi tsai ang mongma tsai ang achangüi. Kue hünzom khang ongle tamchu nyikhwon apongle chang ang tomüi, ilaxle hünzom a, nao tuita wüi tüikya zile paokya nu-pa hwom ang achangüi. Ija nyix a oshuk kople tüle khax wüi khaxle changüi.

JONA 3:6

Chemtue Ninewi tingnu angkya wanghompa-e ija kax atatpuix, chix wanghom tüntong angkya thai, ma tsangtsa angkya wanghom zapua put, nyikhwon awun, ilaxle haxbu khato thung.

ISAIA 15:2

Dibon angkya khünaknu baozang to shwomnui zui ang haxkho to dong. Moab angkya khünaknu a Nebo hia Medeba tingnu nyi mangsop; mongma laxle hwome khangmun hia tunmunbu ongle awüt.

HWON-NWOT-JAONO 3:11

Tütali hanpakma chu chixe bakle lyettex-hantya thompu. Chixe kem ang füichi hanpak awanle kopsele tsukya mong koxle thompu, ikoxlechu chixe chempang mokle tüipuix ibu mongzom müile tikle lax ang chitom.

HWON-NWOT-JAONO 3:4

Chixe mongma angkya hia mongmüi angkya hanpak tyale thompu, mangsop angkya hia azüi angkya hanpak tyale thompu,

JOB LAIPEX 1:20

Ifüitomle Job ajong üntoxle mongma laxle chix nyi-za akyet. Chixe khang ongle awut ilaxle thün haxchi to ajole akhux.

NEHEMIA 9:9

“Kwom pupa hwom Ijip nok to chemle sikngünle ngopuix, ija nange ngünlelax; Tütsak Tinu kax ma hwome fonghüile nyakle akhongkya nange atatlelax.

IZRA 9:3

Chemtue kue ija kax atatpuix, mongtsik laxle kue ku nyi akyet, ku kho hia tunmunbu file awüt, ilaxle künmax-mongshanle ku thung.

2 PUKAX-PANGAO 35:25

Ajepa Jeremia-e wanghompa Josiah hanpakma mangsop tsai zing. Chix mang sople changpupu ma, Israel nok tsaipabue ngao ang wanlom tuita ang laxle jao twon Ija tsai a mangsop tsaibu athütle zakya khama bangle.

ISAIA 3:24

Ongan müikya twonhaxkux lüima, hwom onom-osya ang changüi; müikya züpakbu laxtülüi ma pak zu awitüi; kho-wan müile changhaxkux ma, hwom khangko ang changüi; nyi-za lüima, hwome nyikhwon laxüi; hwom sünmüi a zakkop ang changüi!

ISAIA 26:10

Chichangchizangkyabu zongto nang chingchale tüikoxchu, hwome otuechu sukya mwot mok angkya awanle münlax. Ija otsao khünakbu haxtok ma ngaxchu hwome othaithai wüi mokle; hwome nang chongkya to changkox-ale thüise müntsu.

ISAIA 29:1

Zang tö-tsap, Jerusalem a, maxdaoa! Dawid-e pomzaile ngokya tingnu a maxdaoa! Pangpwon fongsüt füi zanglao tuita füima anyi le, nguipue paopue le naxchang kox,

ISAIA 32:11

Hünzom a ma mongtextex ma ngole hüidao, khosam-nasüi chemchu chitüile; ikoxle athax, zale abünpu! Hünzom nyi-za sikle awütlax ilaxle wok-hit nyi füi wok hitlax.

ISAIA 58:3

Hwome atüile: “Jowanpae chingünangba keme omalax ang chisax-chilingle atsao ngoüi? Chixe kem to mongkoxkya chitüiba kem chisax-chilingle ngo angkya chem mwot tüi?” Jowanpae hwom ang thüi: “Kaxtsing tomtata a ija changle, hünzome chisax-chilingle atsaokya füi tomtomle hünzom ma mongtextex lomle ilaxle hünzom mwot mokle ngokyabu to zothuple.

JEREMIA 4:8

Ikhoma nyikhwon aponglax, ilaxle awaole soplax chemthüikoxle Jowanpa mongtsik zadünkya Judah hatokya machat.

JEREMIA 7:29

“Soplax, Jerusalem angkya khünaknu; hünzom kho sexle awütdao. Haxkhobu to mangsop tsai ngaokox, chemthüikoxle, Jowanpa, ku ang mongtsikle ilaxle ku khünakbu chilaxle awütdaoa.

JEREMIA 16:6

Hakpa-luapa hia tüimix-nuak mix pangwüi ija haxtok ma ziüi, ikoxle owachu hwom man münsop ilaxle owae hwom münakhün. Hünzom kha angkya owaechu ma thün münakhiküi chichangba mongma ahole kho-ongle münchangüi.

JEREMIA 16:8

“Khünaknue puale saxlax ngokya homkha to nople le taxchang. Hwom füi tomle tomsax-tomling ang thungle taxchang.

EZEKEL 27:31

Nang hanpakma hwome kho ong Ilaxle hwome nyikhwonbu awun. Hwom sople changpongma mongto tüle kak.

DANEL 5:1

Wanghompa Belshazzar-e ja tuita nguakax-wangkho hwom hajat tuita jao fongsax ang se, ilaxle hwome tomwüi saxlingle chang.

HOSIA 9:1

Israel khünaknu, songsaribu ningle hünzome pangpwon saxle ngokya zakün. Hünzome a hünzom Zang hato tok ahodaoa ilaxle chix to mongong chitüile hünzom ngole hüile. Chaxwan faole hünzome tsangtsa hangkya khünakbu ningle ma alüile Bal baozang ang hangdaoa ilaxle chixe hünzom ang omün ang koxpule thütkya saxziak to mongkünle changdaoa!

JOEL 1:8

Soplax, hünzom khünaknu, naocha tuitae ma tuipa mang sopupu le.

ISAIA 37:1

Wanghompa Hezekiah-e hwom zangwün atatkya füi shemle, chixe mongma laxle chix nyi akyet, nyikhwon nyi apong, ilaxle Jowanpa Zangshwom-Hom to pao.

ISAIA 37:2

Chixe wanghom khwa ma wangshem tüichong Eliakim, khwa ma chakzamix Shebna, ilaxle nguapabu khama tüichongbu, hwom bibi Amoz sasün Isaia tuita ajepa hato apao. Hwome chuwüi nyikhwon apong laxle tüikya.

JOEL 2:12

“Ikoxle athax ngaxchu”, le Jowanpae thüile, “chisax-chilingle atsaokya zangjop füi sople tamchu mongmaxle künlop-monglüilax ilaxle ku hato chatlax.