ISAIA 21:9 - OTSAO BAIBEL (BSI)

⁹ Allele hwom nguile ngole! Mankho ma khünakbu, ijachu mixhuak anyipong. Zanhumixe ija kax kox: “Babilon a nguakdaoa! Hwome shwomle ngokya chapabu pangwüi hax ma chiak daoa.”

ISAIA 21:9 ပူးပေါင်းရင်းမြစ်များ

MIKNGÜN-OHÜN 18:2

Chixe tüle azaxle thüi: “She nguakdaoa! Chongkya Babilon nguakdaoa! Athaxpi she a, bao hia haxshix chasabu, ngwotnui ang achangdaoa; chitsaokya tamchu nushix dongkya susabu, oli pangwüi she ma awangüna.

MIKNGÜN-OHÜN 14:8

Anyi lükya kaxtaimixe owang angkya füima azuile thüi: “She nguaküna! Tüle zaxzangle tüikya Babilon nguaküna! She-e ma müi-hi-aji mongzokkya ju ozya khünaknu noke ling ang tom!”

JEREMIA 51:8

Babilon a allele nguakdaoa ilaxle ija a amütdaoa! Ija mang sopkox! Ija mak hanpakma hinghai apüikox, owatsing ija mak müile chu changtüilax.

JEREMIA 51:44

Kue Babilon nok baozang Bel to sikangünüi, ilaxle chix angkya ahuxle apüikya tuinabu danle apao ang tomüi; ilaxle jatlibue chix to tamchatle münshwomüi. “Babilon pan-katukbu a nguakdaoa.

ISAIA 13:19

Babilon a pangnu nok füi osün sümüikya wangting changpu; ija a ima tüikya khünaknu mongngam angkya tuita. Ikoxlechu chemle Sodom hia Gomorah nok asongle thokpuix ilailaile Jowanpa, kue Babilon chuwüi asongle thokle awütüi!

MIKNGÜN-OHÜN 18:21

Ifüima tüle tsakkya kaxtaimix tuitae anthut long büta chongkya longnu tuita tswonlaxle ija tinu khato tswonle awütle thüi: “Ilailaile chongkya tingnu tuita, Babilon a zongma laxle tswonle awütüi, ilaxle ija chatle tamchingünüi.

JEREMIA 51:64

ilaxle thüikox, ‘Babilon nok to ija ningle changüi: ija ti to singüi ilaxle otuechu chatle chiajongüi chemthüikoxle Jowanpae she hato iningkya thama ahüile ngole.’” Jeremia Kaxbu ima ashukle.

JEREMIA 51:52

Ikhoma kue thüipu, kue Babilon nok chapabu to twon angkya hanpak zanghan nguile hüile, ilaxle thomzün-maklaxle changkyabu haxtoktok awangle awaole wotüi.

JEREMIA 51:47

Ikhoma Babilon nok chapabu to kue chakmok angkya tunu nguile hüingole. Onok pangwüi zakkop ang tomüi, ilaxle ija angkya khünakbu pangwüi langüi.

JEREMIA 51:27

“Sing angkya mowan laxkox! Chaxwannu noke atatle nyazong mütkox! Chaxwannu nok Babilon füi azan ang achwonlax! Ararat, Minni, hia Ashkenaz wangtingbu füi sing angkya kax laxkox. Ija zansing lom azüi angkya lompa kamkox. Naxnu-naxlangbu ningle manbu apüikox.

JEREMIA 50:42

Hwome ma hapnu hia changlobu koplaxle laile; hwom a mongtsike awang laxle chingcha jao chitüile changle. Hwom zing a shixkya tinu tichap zing ningle tüile, hwom man kho ma ngale changpongma. Hwom a Babilon nok füi azan ang achwonle tüile.

JEREMIA 50:38

Ija haxtok hato otui-onuak apüikox ilaxle ija angkya shuajenbu azopkox. Babilon a za-adünkya chapabu haxtok changle ijabu füi khünaknu ongatbu ang achangle.

JEREMIA 50:29

“Sanhap füikya süpahibu ang Babilon to sing angkya akaxkox. Sanhap twon ang mankyabu pangwüi tomle akatkox. Tingnu akhople kopkox ilaxle owachu paole azang ang taxtom. Ijae mokdaokya pangwüi olüix khomkox, ilaxle ijae mix to chemle hwondaopuix ijaningle chix to hwonkox, chemthüikoxle tuita Israel nok Otsaopa, ku zongto ongam füi chixe mokdaoa.

JEREMIA 50:9

Kue shuakuxchi ma tsak-zong füikya jat-libu to lüixüi ilaxle hwom ang Babilon nok to sing ang tomüi. Hwome ija nok füi azan ang zyenthole piaüi ilaxle ija nok to lütüi. Hwome müihap mankyabu changle, ilaxle hwome hapkya sanhap otuechu münthai.

ISAIA 14:4

Chemtue chixe ija moküihex, hwome Babilon nok wanghompa ajaole ile akax angkya changle: “Müishix-mixma wanghom nguakdaoa! Chixe athax owawa tochu zothuple münchangüi!

ISAIA 21:7

Chixe khünak mankho ma nguikyabu jangngün, ijachu anyi-nyi pong, ilaxle khünakbu mantsak hia ut ibu khoma ngalaxle hüile ngokya jangtüi, chixe ibu to müile hukop angkya changpu.”

ISAIA 47:5

Jowanpae Babilon nok ang thüi: “Dangjajakya hia zangnak fangto ngolax; hwome athax nang ang zangfang wangchanu le münnyakpu

ISAIA 47:9

Ikoxle noxtakya bama, nyixtakya fang ma wüi, ibu pangwüi changle hüiüi. Nang ma tüle khun-hing twonle ngokoxle chu, nange nang kakopa hia naosom hwom amüt-asamüi.

ISAIA 48:14

“Asoxle ilaxle apalax, hünzom pange wüi! Baozang owaechu füichi hanpak wün ang müntho kue zünle kopkya khünakbue Babilon nok to sing ang thoüile a; chixe kue chem texpuix ija moküi.