ISAIA 20:4 - OTSAO BAIBEL (BSI)

⁴ Ija nok anyi angkya chixe kople tsuakkya zandabu Asiria nok chongwangpae tomhua ma tsui pao angkya changle. Naosom hia mixmüi, hwom pangwüie hwom ketuibu ahole, ijae Ijip ang zak-akople tomhua hia cha hua ma aham angkya changle.

ISAIA 20:4 ပူးပေါင်းရင်းမြစ်များ

ISAIA 19:4

Kue Ijip nok a ojao chingcha chitüile hwom thak ma apün-ada angkya wanghom tuita chak to owüiole koxüi. Ija a, ku, Jowanpa Khüthak Zang-e akaxdaoa.”

JEREMIA 13:26

Jowanpa chix jaoe hünzom nyi-za sikle changüi ilaxle hünzom a kotho-ngaizale zakkop ang tomüi.

JEREMIA 13:22

Nang to ibu büthüikoxle changpuix: nang nyi büthüikoxle akyet puix ilaxle nang to shing-nünle changpuixle nang jangatüi: ija a nang ochax khom-atsikle changkya khoma changle.

MIKNGÜN-OHÜN 3:18

Idaile ahak-aluale tüi angkya hanpakma nange ku angkya hun, huntsaotsao shaklax le kue anopu. Nang thünzak hia ohua ma ngokya to chwop ang nyi tsekyachu shaklax. Nange ngün angkya kuxma nang mik to pa ang hinghaichu shaklax.

MIKA 1:11

Hünzom Shafir angkya khünaknu, hünzom ohua ma tamchu zakkop ashukle pünpao ang paole samlax. Zaman ma ngokya khünaknue hwom tingnu angkya laile hüise chitsu. Chemtue hünzome Bethezel angkya khünaknu sop-juakya zing atatüihex, ikhato khangkhom angkya nui chitüikya hünzome awanle koplax.

EZEKEL 30:18

Chemtue kue Ijip nok tsak-zong thuple akhixlaxle hwom mongngamle tüikya janzüi olithule changüihex, ipongma Tahpanhes hato zangnaknu hüiüi. Ijip nok a zangfwome awangle changüi, ilaxle she tingnubu ma tüikya khünaknu a zanda ang koplaxle paoüi.

JEREMIA 46:26

ilaxle hwom langsele lomle ngokya Babilon nok wanghompa Nebukadnezar hia chix süpahibu chak to kox angkya changpu. Ikoxlechu ofüima amipongkya ningle, Ijip nok ma khünaknu tamchatle ngoüi. Ku, Jowanpae ija akaxdaoa.

ISAIA 47:3

Khünaknue nang a ohua ma ngünüi; hwome nang puinaile tamchu zakkople ngünüi. Olüix kue khomüi, ilaxle ku owaechu münabaxüi.”

ISAIA 3:17

Ikoxlechu kue hwom to sikangünüi: kue hwom khang ongüi ilaxle hwom a khangkobu ang achangle dantoxüi.”

2 SAMUEL 10:4

Hanun-e Dawid-e akatkya khünakbu kop, kaochi kaxmai mun ongle awüt, hwom nyizabu khyadax kople sexle awüt, ilaxle hwom chat ang tom.

ISAIA 47:2

Saxthut longkhao anguixkox! An thukox! Nang thün-khung nyi sikdao ilaxle nang nyilo sikdao! Shuata angkya hanpakma nang nyi laolax!

JEREMIA 46:19

Zanda ang koplaxle pao angkya achwonle ngolax, hünzom Ijip nokbu a! Memfi a tuita sak-hax ang achangüi, owachu chingole pünle amakya nui a.

AMOS 9:7

Jowanpae thüi: “Israel khünaknu, kue hünzom hanpakma mok pongma Etheopia nok hanpakma ajangkya tukuxle ajangpu. Kue hünzom chemle Ijip nok tokya apüipuix, ija ningle Kret, Siria hia Kir, ibu nok tokya Filistia nokbu kue apüipu.

NAHUM 3:10

Ikoxlechu Thebe angkya khünakbu a zanda ang kople pao. Tingjang lomnu pangnu chito hwom su-sabu to fitle lang. Hwom lompabu to janbüi füi khale kople pao ilaxle hwom kople paokyabue ahanle lax.

ZEFANIA 2:12

Jowanpae Etheopia nokbu zi ang tomüi.

1 PUKAX-PANGAO 19:4

Hanun-e Dawid-e akatkya khünakbu kop, hwom kaxmai munbu ongle awüt, hwom nyizabu khyadax kople sexle awüt, ilaxle hwom chat ang tom.

ISAIA 31:2

Chixe chem mokngopuix chixe awanle! Chixe thama ahüi. Chichangchizangkya khünakbu hia hwom kho-awakyabu to sikangün angkya hanpakma chixe chix mwot mokle.

ISAIA 31:3

Ijip nok a baozangbu chichang — hwom chuwüi khünak. Hwom manbu a zangkho tokya tsak-zong füi tüikya chichang. Chemtue Jowanpae moküihex, chongkya onok ngaxchu abünüi, ilaxle zong chitüikya onokbue fongkya chem angchu chichangüi. Okhi pangnyi wüi amütüi.