ISAIA 2:8 - OTSAO BAIBEL (BSI)

⁸ Hwom haxtok a chapabue awangle tüile, ilaxle hwom chakbu füi zingle alaikya mwot-katbu to hwome shwomle.

ISAIA 2:8 ပူးပေါင်းရင်းမြစ်များ

MIKNGÜN-OHÜN 9:20

Ibu thama ma mik chiamütle toxkya khünak owachu ma chak-mwot tokya mong chichat. Hun, khop, janjong, long hia pünbu makhange zingkya chapabu owae ngün ang, atat ang, tamchu aham ang chitho, ibu baobu shwomkya hwome chitox.

JEREMIA 2:28

“Hünzom hanpak ang zingle alaikya hünzom baozangbu omaün? Hünzom sikngün-tuitaile changpongma ibu ang azünhüile thüilax—hwome tsuak angkya oli jangchangba! Judah, hünzom ang tüile ngokya tingnu büta hünzom ang baozangbu tüihupu.

ISAIA 37:19

ilaxle hwom baozangbu zokle ashundaoa — ibu a baozang jao chichangkyabu, ikoxle khünake pün hia long, ibu makhange zingle alaikya changkya.

WANGSHEMBU MWOT 17:16

Sila hia Timothi nyi tanle Pol Athen ma ngopongma ija tingsho chapabue awangle ngünlaxle chix mongto tüle kak.

HOSIA 14:3

Asiria-e kwom otuechu sün ang müntsuak ilaxle zankat manbue kwom kho awa ang müntho. Kwome kwom chapabu füi ibu a kwom Zang changle le chatle münthüi. O Jowanpa, owa hato pao angkyachu chitüile ngokyabu to nange chingcha ahohüi.”

HOSIA 13:2

Hwome khop-jan füi, shwom angkya hanpakma, khünak mong ma ajang laxle, khünak chak füi chapabu zingle, chizakle hwome ochax lyen ngole. Ifüima hwome akaxle: “Ibu ang tö apüile laxkox!” Maihupong ningle zinglaxle tüikya chapa ibu to noknusae tun chemle apongüidai!

HOSIA 12:11

Ikoxlechu Gilid ma chapabu to shwom, ilaxle opange ibu to shwompuix hwom ziüi. Gilgal ma maihupongbu tö koxle hüi, ikoxlechu tö-tsap ibu a kothofa to longthün tuita ang ngole hüiüi.”

JEREMIA 11:13

Judah angkya khünaknu hanpakma hwom ang tüikya tingnubu tukuxle jao baozangbu tüihule, ilaxle Jerusalem ma ngole tüikya khünakbuechu tingjang lomnu büta zakkop baozang Bal tö-tsapbu okhonguile ajongle tüile.

ISAIA 57:5

Hünzome otsao pünle thomkya pünnu tongbu to shekobu füi jip-pom laxle sixlibu kox angkya baozangle nyakkyabu to hünzome shwom. Shuakax tokya longkunbu khato hünzome masu-masabu tö tuita ang koxle lang.

ISAIA 17:8

Athaxpi hwome ma chak füi zingle alaikya tö-tsapbu to mongongkya müntüiüi, chichangba hwom chakzing mwot: baozangchanu Asherah mua hia ongan müikya so füi zokle ashunle tö koxkya tö-tsap, ibu to mongongkya müntüiüi.

2 PUKAX-PANGAO 27:2

Chixe chuwüi hopa lailaile Jowanpa zongto chem müipuix ijaja mok, ikoxlechu hopa lailaile chixe Zangshwom-Hom ma ongan müikya so zokle ochax chilyen. Ikoxlechu khünaknu a chizakle ochax lyenle ngo.

TSAITONG-KAXTONG 4:28

Ekhato hünzome khünak chakzing baozangbu to shwomüi: pün baozangbu hia long baozangbu, baozang ojae ngün ang chithopuix, tamchu sax ang hia atum ang chithopuix ibu a.

HOSIA 8:6

Israel zingpabue chapa zingle, ilaxle ija a baozang ngaxchu chichang! Samaria nok ma shwomle ngokya hun maihupong a thuple ashixle ofun ang achang angkya changle!

1 WANGHOMBU 16:7

Basha-e Jowanpa zongto thaile ochax mwot mokkya khoma, Basha hia hwom homkha zongto chimüikya kaxho ija Jowanpa tokhange ajepa Jehu-e apüile kox. Chix thoma wanghompa Jeroboam-e achaxkya ningle chixechu ochax lyenle changkya khoma chichangle chixe Jeroboam hwom homkha pangwüi mik max ang tomkya khoma, chixe Jowanpa ang mongtsik adün.

ISAIA 26:13

Jowanpa kwom Zang, kwom to mixe apün laxle ngole hüipu, ikoxlechu kwom Jowanpa a nang tata wüi.

ISAIA 40:19

Chix a zingpabue zingkya chapa ningle chichang, ija janjao mixe hun füi chwople zing ilaxle ija khop dingma athongle dan.

ISAIA 41:29

Baozang ibu a laxli müntüi; hwome chemchu mok ang müntho — chapa ibu a tsak-zong chemchu chitüikya changle.”

JEREMIA 1:16

Hwome ochax lyenle changkya khoma kue ku khünaknu to sikangünüi; hwome ku danle toxle, ilaxle mixnok baozangbu ang töbu koxle, tamchu hwom chapabu zingle ilaxle ibu to shwomle.

2 WANGHOMBU 17:10

Haxhua pangnu khato wüi tamchu zangkhung atüitüi pünnu tong ma hwome long küi ilaxle baozangchanu Asherah chapabu zing.

2 WANGHOMBU 17:16

Hwome Jowanpa, hwom Zang wanlombu pangwüi ama ilaxle hwome shwom angkya hanpakma jan makhange baozang maihupong anyi zingle alai. Hwome baozangchanu Asherah chapa zing, lyettsibu to shwom, ilaxle Bal baozang thothale chang.

MIKA 5:12

Hünzome twonkya chajik-muashem zong kue amaüi ilaxle hünzom a aje-ahing chemchu chitüile dantoxüi.