ISAIA 2:6 - OTSAO BAIBEL (BSI)

⁶ O Zang, nange nang khünaknu awütdaoa, Jakop sixli hwom a! Ija haxtok a handünchi hia Filistia nok tokhange ahüikya chajik-muashem mwote awangle tüile. Khünakbue mixnok zanglom-saikhabu twonle.

ISAIA 2:6 ပူးပေါင်းရင်းမြစ်များ

ROM NOK HATO ZAKYA POL LAIZA 11:20

Ija changtomtapu. Hwome chiongkya khoma hwom pakle awütpu, hünzome mongongkya khoma hünzom oting ma sütle ngopu. Ikoxlechu ija bama bong-chong le taxtex; itülüi zale mix zalax.

2 WANGHOMBU 1:2

Ilaxle Ahaziah a Samaria angkya chix homthünkho tokya chix nuilua ma tüikya tanlya makhange düt laxle bole ngokya; chixe kaxhomixbu tsanle apaole hwom ang thüi: “Paokox, ilaxle ku kak chimüi-müiüile Ekron nok baozang Balzebub ma atüikox.”

MANGSOP 5:20

Nange kwom ipong okuilole chemkhoma awütle thom? Nange kwom chatle texle münatat puixnyi?

JEREMIA 10:2

Chixe thüi: “Mixnokbu mantole taxchang; ding to ozangjang to ngünle ngokya olie hünzom mongthang ang taxtom, ija thoto mixnokbu abüt-aban daobalea.

ISAIA 8:19

Ikoxle khünaknue hünzom ang kaxhobu hanpakma, kax atsatle ngokya aje hia o-nan, ibu ma tik to angkya akaxüi. Hwome thüiüi: “Ikhoma khünakbue iningkya kaxhobu paktik ang baozang chasabu füi zangwün angkya ilaxle ozün ma ngokyabu mün ma ziünkyabu füi apong angkya changle.”

WANWÜNKAX 6:1

Ku sa, nange owawa thashe bama hünlit laxüihex-ole tsaosax daopia?

MÜNCHUAK-TSAI 106:35

ikoxle hwome ibu füi atu-amaile chang ilaxle hwom songsaribu zanglom twon ang azong.

NEHEMIA 13:23

Ipongma kue Judah khünakbue Ashdod, Amon, hia Moab nok shekobu kako ang laxle thomkyabu huanuma lomle atak.

2 PUKAX-PANGAO 24:20

Ipongma nguapa Jehoiada sasün Zekariah to Zang chasae khui-wai. Khünaknue ngün ang kopkya onui ma chix ajong ilaxle akhongle thüi: “Chix kaxtom kax ma chilaxle, ma hato alüile thama apüile hünzom büthüikoxle tüipule Jowanpae hünzom ang thüitüia! Hünzome chix hato tok ahopu, ikhoma chixe hünzom danle toxdaoa!”

2 PUKAX-PANGAO 15:2

ilaxle chix a wanghompa Asa füi apong ang pao. Chixe nyakle thüi: “Wanghompa Asa, tamchu Judah hia Benjamin ma ngokya khünaknu, ku kax to apahüi! Hünzom chix füi ngokya kople Jowanpa a hünzom füi tüipu. Hünzom chix lomle jangchang, chixe hünzom ang chix atak ang tomüi, ikoxlechu hünzome chix hato tok ahole jangchang chixechu hünzom hato tok ahoüi.

1 PUKAX-PANGAO 10:13

Chixe Jowanpa to mongong chithomkya khoma Sol mik max angkya atak. Chixe Jowanpa kaxtombu kax ma chilaxle tüi ilaxle lwompubu ma tsaitik-kaxshole chang.

HUAKE LAIPEX 23:7

Balam-e chix jekax akax ang süt: “Ku a Moab nok wanghompa Balak-e apüipu Siria tokya, handünchi haxnu to ngokya a. Chixe thüi: ‘Oman ku füi akaxlax. Israel khünaknu to thuakzomle akaxkox.’

LIWI 20:6

“Owawae lwompubu füi apongle ngokyabu hato tsaitik-kaxsho ang paole jangchang, ku chix zan to kaüi ilaxle chix a ku khünak ang münlax.

LIWI 19:31

“Lwompu hwom füi apongkyabu hato tsaitik-kaxshole chang ang taxpao. Hünzome ile jangmok thüiningle zanglom ma chitsaokya ang changüi. Ku a Jowanpa hünzom Zang changle.

LAIPAO 34:16

Hünzom su-sabu ibu mixnok shekobu füi atu-amaile taxchang. Hünzom a hwome mongong ma ale zak to adütle changüi tamchu hwom baozangbu to shwom ang koxle changüi.

LAIPAO 22:18

“Chajik-muashem hing twonkya sheko jangtüi, ija mixcha a langdao.

1 SAMUEL 6:2

khünaknue nguapa hia hingtwon mixbu nyakle thüi: “Jowanpa Tsaotsüt Suak füi kwome chemle hwonüi? Keme ija onui to jangachat thüikoxle a, ija füi tomle kwome chem koxle achatüi?”

ISAIA 14:29

Filistia angkya khünaknu, hünzom to fitkya jantom a pakdaoa, ikoxlechu hünzom ang mongmüi angkya olom müntüi. Chemtue pu tuita zile paopuix, ija man ma ifüi sümakya tuita nguiüi. Pu-ti makhange pikya dragon hosa jole.

JEREMIA 12:7

Jowanpae thüi: “Kue Israel nok dantoxdaoa; Kue zünle kopkya jat-li kue dantoxdaoa. Kue mongkünkya khünakbu ang hwom zanpabu ang achang angkya tsak-zong koxdaoa.

MIKA 5:12

Hünzome twonkya chajik-muashem zong kue amaüi ilaxle hünzom a aje-ahing chemchu chitüile dantoxüi.

ZEFANIA 1:8

Jowanpae thüi: “Ija lang-huakle changkya nyix, alixachongbu hia wanghom sasün hwom tamchu mixnok zanglombu tole hüikyabu to kue sikngün ang tomüi.

2 WANGHOMBU 17:20

Jowanpae Israel nok pangwüi chilaxle awüt, ilaxle chix miksho angkya hwom akiakya mixhuak komkaile ma-amüt ma-amütle tüle shixkya hwom zanpabu chak to kox.

MIKA 5:11

Kue hünzom haxtok angkya tingnubu amaüi ilaxle hünzome ziakople thomkya zanhunuibu amaüi.