ISAIA 2:4 - OTSAO BAIBEL (BSI)

⁴ Chixe chongkya jat-libu ba angkya ala-ashakya zangwün tsuakle faüi. Hwome hwom changbu han-kho ang achangle thupüi ilaxle paxbu a fumham changlosabu ang thuple alaiüi. Jat-libu tamchatle tata zan to münkaüi, tamchatle achax-azan ang atha-nyemle münchangüi.

ISAIA 2:4 ပူးပေါင်းရင်းမြစ်များ

MIKA 4:3

Chixe jat-libu ba angkya ala-shakya zangwün fünle faüi, chongkya janzüi füikya tsailo tokya hia soxle tüikyabu bama. Hwome ma changlobu haxkhut kho ang thuple zingüi ilaxle hwom paxbu fumham chang ang jaoüi. Jat-libu tamchatle zan to münkaüi, achax-azan ang tamchatle tha-nyemle chichangüi.

HOSIA 2:18

Ipongma kue faomüi janyax pangwüi füi tsaotsütle changüi, ikhoma hwome ku khünaknu to thomzün maklax ang müntomüi. Kue hwom haxtok angkya zankat chang-pax pangwüi awüt faüi, changlo hia hapnu, ibu pangwüi, ilaxle ku khünaknu a tumüi ma chaza angkya chitüile ngo ang tomüi.

ZEKARIA 9:10

Jowanpae thüile, “Israel angkya zankat man-kanlinbu kue awütüi ilaxle Jerusalem angkya manbu laxlaxtoxüi; azan pongma twonkya hapnubu amale awütüi. Hünzom wanghompa-e jat-libu füi tumüi lomzingüi; chixe tinu makhange tinu to o-le apünüi, Eufrat shuanu makhange haxtua-zangnam alople.”

ISAIA 32:18

Zang khünakbu a khosam angkya müntüiüi, hwom homhax mongsom hia ziakop ma ngoüi.

MÜNCHUAK-TSAI 46:9

Chaxwannu tok angkya achax-azan ngokya chixe azak; hapnubu chixe apak awüt, paxbu amale awüt, üntoxle dibu wün khato tak.

ISAIA 9:7

Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

JOEL 3:10

Hünzome hanbai pongma laxkya jankhaobu a changlobu ang thuplax ilaxle hünzome fumkho han ang twonkya changsabu a paxlobu ang thuplax. Zang ojao müntüi lükya khünak ngaxchu azan angkya changpu.

1 SAMUEL 2:10

Jowanpa zanpabu a max ang tomüi; zangkhoting tokhange chixe hwom khangkho ma atsak-adung ang tomüi. Jowanpae zangfang pangwüi kaxfünüi; chixe chix wanghom ang tsak-zong koxüi, chixe zünle kopkya wanghompa ang chixe anao ang tomüi.”

MÜNCHUAK-TSAI 82:8

O Zang, oman, keme chaxwan apünhax; jat-libu pangwüi hünzom kux changle.

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

ISAIA 9:5

Sing ang hüikya süpahibu chisox ilaxle aji füi awangkya hwom nyizabu pangwüi wün ma max ang tomüi.

MÜNCHUAK-TSAI 110:6

Chixe jat-libu bama kaxfün faüi ilaxle zantam ma mangbue awangle chang ang tomüi; zangfang angkya wanghombu to chixe lütüi.

MÜNCHUAK-TSAI 96:13

apün-awang angkya hanpakma Jowanpa chaxwannu to nguipongma. Masüi-mixlüi chitüile sukya kaxfün füi chixe chaxwannu angkya khünaknu thakma apünüi.

ISAIA 32:17

Chemthüikoxle pangnusae wüi chem supuix ija tix moküi, ilaxle othuithui hanpak ang tumüi mongsom hia chalomkya tüile ngoüi.

ISAIA 33:22

Khua ibu angkya zu a laxli müntüi; ibu füi khua chei angkya nyi pün ang müntho! Zan-nok süpahibu angkya tuina keme komkaile tsuiüi, ija tuina a huanu changüi ilaxle chafaibue ngaxchu wüi hwom süntswon kopüi. Jowanpa chix jaojao kem wanghompa ang changüi; chixe kem thak ma apünüi ilaxle kem khosünle thomüi.

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

JOEL 3:12

“Kaxfün haxsha to ngui angkya hanpakma, pangnu nok wüi achwon angkya oli changpu. Tomzi nokbu pangnu to kaxfün fa ang Jowanpa, ku, ikhama thung angkya changle.

MÜNCHUAK-TSAI 46:10

Chixe thüi: “Azan ngokya zakün, jat-libu khama apünkya, chaxwannu thakma apünkya Zang a ku changle le awanün.”

ISAIA 42:3

Ahüile ngokya acha tuita chixe münapak chichangba zuma wünchuale ngokya wüntik münamüt. Chixe pangnusa hato okuilole ngokya sukya kaxfün apüile.

HOSIA 2:20

Kue ku kaxtsao thomüi ilaxle nang a ku kux ang achangüi, ilaxle nange ku a Jowanpa changpule ngaiüi.