Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ISAIA 2:3 - OTSAO BAIBEL (BSI)

3 ilaxle ikhato khünakbue thüiüi, “Jowanpa haxhua to kem donghax, Israel nok Zang Zangshwom-Hom to a. Chixe chem naxmokle texpuix ija chixe kem hama apuale faüi; kem a chixe zünle kopkya lomtang ma ahamüi. Chemthüikoxle Jowanpa hwon-nwot a Jerusalem tokhange hüile; Zaion makhange chixe ma khünaknu füi zangwünle.”

အခန်းကိုကြည့်ပါ။ ကော်ပီ




ISAIA 2:3
39 ပူးပေါင်းရင်းမြစ်များ  

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.


Zaion makhange Jowanpa nange apün angkya zong achenle koxüi. Chixe thüi: “Nange nang zanpabu thakma apünlax.”


Khünak owae Zang mongtex ma mok ang tsupuix, chixe ku hwon-nwot Zang makhange akax pia hia ku mongtex ma akaxpuix, awanüi.


“Ija a Jowanpa kem Zang-e hünzom hama anwot-anole chang angkya hanpakma fakya kaxtombu changle. Athax hünzome kop angkya haxtok to hünzome ibu kax ma laxle tüilax.


Changle: Jowanpa kem Zang hato Zaion to donghax’ le Efraim haxkhobu makhange nyetmixbue ahyenle chang angkya tunu nguile hüile.”


Ikoxlechu kue atüipu: Hwome kaxho chiatatkya otsing changlax ma? Hwome atat tomta daoa; chemthüikoxle Otsao Lai kax ma tüile: “Hwom kaxzing chaxwannu pangnu khato ka; hwom zangwüne haxtua zangnam alople.”


Ikoxle Jisu-e lan: “Itülüi Zang Kax apalax. Ija kax ma laxkyabu sisi tamtai mohimankyabu changle!”


“Idaile opange ibu ku kax atat laxpuix, chix a tuita longtok ma hom zingkya je füikya mixsün ningle changpu.


Ikoxlechu khünaknu ang khangkho angai le koxkya sukya wanlom to hu üntoxle atat zaza laxle asam le chichang homtoxle mong ma tikshingshing le kop üntoxle mwot ang achangle mokle jangchang thüiningle, nange mokkya mwotlom pangwüi ma nang to Zange mohimanüi.


Ikhoma kue nang hato akhangle tsanle akatpu, ilaxle nang nguikya tüle müile. Athax a Zange nang ang akax ang tomkya kax pangwüi to apa ang kwombibi ima tüile.”


Ikoxlechu wüi Otsao Chasa otue hünzom ma nguiüihex, hünzome tsakzong kopüi, üntoxle hünzom a Jerusalem ma, Jehudi hia Samaria pangnu khato, üntoxle chaxwannu okhui apongle ku bama kaxkhi fa angkyabu ang achangüi”.


Hünzom Samariabue mae ngaxchu chitsingkya to shwompu; ikoxle kwom Jehudi khünakbue, kwome oja awanpuix chix to shwompu; chemthüikoxle khosün a Jehudi nok makhange tix hüipu.


Hwome hwom haxnu to mixnokbu ahyen Ilaxle ikhato süntswon töbu kox. Hwome hwom tuinabu tinu kha tokya kop Ilaxle chu tinukax angkya fix ma.”


Jowanpa a chongkya changle ilaxle chix a ding to achuak angkya wüi changpu, chix tingnu ma tamchu chix otsao haxkho ma.


Kue othuithuima nang achuaküi, chemthüikoxle nange ku hama nang wanlombu apuale kox.


“Jowanpa hom to donghax”, le hwome ku füi akax pongma, ku ang mongmüikya.


Hwome ku bama kaxthup-ngaotünle chang. Hwome thüi: “Khünak tuitae chixe owa hama anwot-anole ngopule texpu? Chix kaxho owae laxüi? Athax tsomsip dan tangkya naosa zongma wüi namchimüiba!


hünzom ang su-sa chitüile changkoxchu hünzom münbu a ku Zangshwom-Hom ma münalak. Hünzom a otuechu alakle münasam.”


“Kue hünzom a ku otsao haxnu, Zaion to apüiüi ilaxle ku zangjop hom ma hünzom ang mongsom koxüi, ilaxle ku tötsap ma hünzome koxkya töbu kue pongle kopüi. Ku Zangshwom-Hom a chaxwannu nok hanpakma zangjop homle nyaküi.”


Chaxwannu nok pangwüi hünzom zangngai hato bele apüiüi, Ilaxle wanghombu a hünzom hanpak nyizün dongkya hato apüiüi.


“Ikoxle hünzom opange ku chilaxle awütpuix, tamchu ku otsao haxhua, ilaxle sho amüi angkya baozangbu Gad hia Meni to shwompuix, hwom hanpakma chixlili changüi.


Hwome hünzom füikya Israel khünakbu ku hato hingho tuita ningle laxle apüiüi. Hwome ibu a Jerusalem angkya ku otsao haxnukho to apüiüi ibu a mankho ma, mantsakbu kho ma, ilaxle utbu kho ma, man-kanlin hia maihue linkya zyenbu kho ma apüiüi; ija a Israel noke zanglom ma otsao ang twonle ngokya tik-lakbu ma Zangshwom-Hom to töbu apüile koxkya ningle changüi.


“Chemtue Judah ma wanghom ang Hezekiah changkya hex, Moresheth ang ajepa Mika-e khünaknu pangnusa hama Jowanpae akaxkya kax apuale thüi: ‘Zaion ma haxkhutle tihax lailaile achangüi; Jerusalem a pünle amakyabu athünkya kha ang changüi, ilaxle Zangshwom-Hom a tuita faonukha ang changüi.’


Mikngün-ohün ma Zang-e ku a Israel haxtok to pao ilaxle haxnukho atsuakya khama dan. Kue ku tunthoma tingnu tuita lailaikya longhombu huanuma ngünle lax.


Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.


Kemepi Jowanpa tikle lax ang azong hax. Tütakoxchu zangngaile hüikya ningle, ojao chithaile chaxwan tok to tsosa zangwat dütkya ningle, chix a kem hato hüiüi jaojao.”


ilaxle hwom khünakbue thüiüi, “Oman, kempi Jowanpa haxkho to donghax, Israel nok Zang Zangshwom-Hom to. Keme chem naxmokse thütpuix ija chixe kem hama anwot-anole faüi; chixe zünle kopdaokya lomtang ma kem ahamüi. Chemthüikoxle Jowanpa hwon-nwot a Jerusalem tokhange hüile; Zaion makhange chixe chix khünaknu füi zangwünle.”


Judah khünakbu hwom hanpakma tamchu hwom su-sabu hanpakma üntoxle chu opang Judah khünak ang achangle hüiüihex, hwom hanpakma, Mordekai-e adangle fakya hanpak nyix anyi ija a chizakle hu angkya changle.


Ku naosün pongma wüi Jowanpa ku shonaile chang ang tom; chixe ku tsün amoxle awüt.


Kaitanto tüikya ningle kue hünzom ang pünpa-chongwangbu hia nguakax-wangkhobu koxüi. Ifüima Jerusalem ang ‘otsao hia mongong tüikya tingnu’, le nyaküi.”


Jat-libu hato mowan tuita ang Dawid sixli kha angkya wanghom hozün tuita ngai angkya hanpak hüile ngole. Chix chongwang tingnu ma hwom nguiüi ilaxle chix achuak-achenle changüi.


Chemtue ija hanpak nguile hüiüihex, Ijip nok hia Asiria nok nyi bama tuita küitho lomnu tüiüi. Ija nok anyi angkya khünaknu ija lomnu ma püi-lüile ahamüi, ilaxle ija noknu anyie tomle zangshwomle changüi.


“Ta füima tale, khünaknue thüiüi: ‘Ku a Jowanpa kux changpu.’ Hwome a Israel khünaknu füi tuita ang achang ang nguiüi. Hwom pangnusae wüi ma suakto to ma Jowanpa mün zaüi ilaxle hwome hwom a Zang homkha khünak le nyaküi.”


Hwome hwom kün-hi-mong makhange zongbakle ku khünakbue tokya zanglom pongle jangkop ilaxle ‘Jowanpa chemle ozün ma ngopuix iningle ngo angkya’: kaitanto hwome ku khünaknu ang Bal mün ma tsaotsüt angkya anwot-anole koxkya ningle: tsaotsütle jangchang, hwom chuwüi ku khünaknu khama womüi ilaxle tomwüi ahak-aluale changüi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ