ISAIA 2:19 - OTSAO BAIBEL (BSI)

¹⁹ Chaxwannu to sile alox ang chix nguipongma, khünaknu a longtsyentua tokya longkunbu nuk to azwonnui tamchu Jowanpa tsak-zong hia chix fuazang thoto, haxwan tholaxle, ikhato paole azang ang azongüi.

ISAIA 2:19 ပူးပေါင်းရင်းမြစ်များ

ISAIA 2:10

Hwom a longtsyentua tokya longkunbu nuk to khünüi chichangba Jowanpa mongtsik hia chix tsak-zong tamchu chix fuazang chak tokya sün angkya hanpakma hwom haxkha thole azang ang azongüi!

KAXHO MÜIKYA LUK 23:30

Ipongma hwome haxnubu füi akax ang sütüi: ‘Kwom ding to düthüi!’ Üntoxle haxkho tsuakyabu ang thüiüi: ‘Kwom to akhup hüi!’

HOSIA 10:8

Awen angkya haxhua ma zaile tüikya baozang to shwomkya otsao nui, ojongkha ma Israel khünakbue chapabu to shwompuix, ija a amaüi. Hwom tö-tsap ding ma hingzang hia kongbüi-zu nyemüi. Khünaknue haxnubu nyaklaxle: “Kwom khomhüi!” tamchu haxhuabu nyaklaxle “Kwom to chwop-hüi!”, le thüiüi.

ISAIA 2:21

Chemtue Jowanpa chaxwannu to sile alox ang nguiüihex, khünakbu a longtsyentua tokya longkunbu nuk to khünüi ilaxle hax tho üntoxle Jowanpa tsak-zong hia chix fuazang tuntho angkya paole azang ang azongüi.

MIKNGÜN-OHÜN 11:19

Zangkangting tokya zangshwom-hom ka dap, ilaxle ikhama Tsaotsüt suak ngün. Ifüima zangchang jep hia ozing, üntoxle zangdung, üntoxle bütix sikya tamchu tüle

IBRI 12:26

Iponge chix kaxzinge chaxwan sile alox, ikoxle athax chixe tsaodaoa: “Tamchatle kue, chaxwannu tata le chichangle zangding ngaxchu sile aloxüi.”

HAGAI 2:6

“Alüile chingo homtoxle kue ding-hi-hax, chaxwantok hia tinu sile aloxüi.

MIKNGÜN-OHÜN 20:11

Ifüima kue chongwang tüntong tsekya hia ikha ma thungkya mix ngün. Chix thüntho angkya ding hia hax paole sam üntoxle ibu chatle tamchingün.

MIKNGÜN-OHÜN 16:18

Ipongma zangchang ajep, ozing lai üntoxle zang adung, tamchu bütix si. Khünak zingpong tokhange ilailaile bütix sikya tümatüitox; bütix si khakha ma ija a huanu changkya!

MIKNGÜN-OHÜN 11:13

Ipongkhae tüle bütix si; tingnu othom bün angkya thom tuita amüt, ilaxle hajat anüt khünak lang. Iboma atale tüikya khünak noknusae wüi zangkangting tokya Zang chongkya bama achuak achen.

MIKNGÜN-OHÜN 9:6

Ituke khünaknue zik lomüi, ikoxlechu ija otuechu chiataküi; hwome zise tsuüi ikoxlechu zik hwom thoto paoüi.

IBRI 11:38

Hwom zong to chaxwannu aluile müikyanu chichang! Püntüibu lailaile hwom, sak hax hia haxnu to samle, longlua hia tswom khato ngole aham.

2 THESALONIKA 1:9

Jowanpa womle tüikya üntoxle fuazangkya chix zong füi atsailaxle, tamchu chiashuk toxkya thama ma hwome sikngün apongüi,

MIKA 7:17

Haxbu khato hwom pu lailaile wokzutle alyangüi; hwome tüle abünle zakya füi zanhunui tokyabu nguiüi. Za laxle hwom a Jowanpa kem Zang hato mong alople hüiüi.

JEREMIA 16:16

Jowanpae thüi: “Ibu khünaknu kop angkya hanpakma kue nyaxlwot mixbu huanuma apao ngopu. Ifüima kue müihapmixbu huanuma, haxnu hia haxhua tamchu longkun hia longlua pangnu khato hwom to hap ang apaoüi.

ISAIA 30:32

Jowanpae hwom to chatchatnaole hong, chix khünakbue thuaput waxmaibu angaole samthukya onox-onua füi tomüi. Asiria nok füi Zang azanüi.

MÜNCHUAK-TSAI 7:6

Nang mongtsik füi ajongkox, O Jowanpa! Tüle shixkya ku zanpabu füi alünle ajongkox; nang ajongkox üntoxle ku to asunkox! Nange lomkya a sukya kaxfün changle,

1 SAMUEL 14:11

Idaile hokhie Filistia nok ang hokhi ngün ang tom. Filistia noke thüi: “Hulax! Züizüi Ibri khünak hwom azwonle ngokya olua tokya laile!”

1 SAMUEL 13:6

Ifüima hwome Israel nok to za-adünle single hüi, ikhoma Israel nokbu khosam ashukle ban ma thom. Israel nok züizüi longlua hia tswomkha chichangba longnuk hia thapshua tamchu tüküi, ibu ningkya khato azwonle ngo;

JOB LAIPEX 9:6

Zang-e bütixsile chaxwan alox ang tomle; chaxwan nwonle thuathomkya thong longbu ang chix ngole.

ISAIA 7:19

Hwom a long tüikya haxsha to ilaxle ima tüikya longkunbu to othom-thom ma athütüi, ilaxle hwome hux füikya tham hia fumtsütnui pangwüi awangüi.

ISAIA 13:13

Kue zangdingkhobu abün ang tomüi, ilaxle Jowanpa khüthak Zang, kue chemtue ku mongtsik ahole changüihex, chaxwannu a ma nui-ting angkya aloxle changüi.

ISAIA 24:1

Jowanpae chaxwannu a ohua ang achangüi ilaxle ija chilaxli ang dantoxüi. Chixe chaxwan thün nongnong-püilüile achangüi ilaxle ikha angkya khünaknu chiakle asamüi.

ISAIA 24:18

Thama chak tokya azangle pao ang azongkya pangwüi tswomkha ma dütüi, ilaxle tswomkha chak tokya owa azangle paolaxpuix, ibu pangwüi tai ma amanüi. Ojao chithwonkya zangwat watnu zangdingkho tokya thokle adütüi, ilaxle chaxwannu nui-ting aloxle changüi.

ISAIA 24:19

Chaxwan kang laxle sumle chule pao ilaxle afile ozak laile changüi.

ISAIA 33:10

Chaxwannu nok ang Jowanpae thüi: “Athaxpi kue moküi. Ku chemtukux tsak-zongle tüipuix ija kue ahoüi.

JEREMIA 4:29

Mankho ma azankya hia sanhap füi azankyabu zing thoto pangnusa wüi zikle paoüi. Züizüi a faokha to paoüi; mamabu a longnu khobu to ngaüi. Tingnu pangwüi ahuasakle dantoxüi, ilaxle ibu ma otuechu tamchatle khünak münngo.

JEREMIA 48:28

“Hünzom Moab ma ngole tüikya khünaknu, hünzom tinglongbu dantox dao! Paolax ilaxle longzakzyenbu to ngolax! Longtsyentua to ozop zingkya osu-sa ningle ngolax.

EZEKEL 33:27

“Ku chemle khochisamle ozün ma ngokya Jowanpa Khüthak Zang hex, ija ningle pünle amadaokya tingnubu ma ngole tüikya khünakbu a khochisamle mik max ang tom angkya changpu lekya ku kaxkhün hwom ang fakox. Tingnu tokna to tüikyabu a faomüibue saxüi. Haxnukho hia longkunbu to azwonle ngokyabu a okak-olak ma ziüi.

NAHUM 3:11

Ninewi, nang chuwüi jutok-saxngat mix ang achangle paodaoüi! Hünzome chuwüi ma zanpabu chak tokya azangle pao ang azongüi.

HAGAI 2:7

Jat-libu pangwüi kue asongle thoküi, ilaxle hwom tuina ikhato apüiüi, ilaxle Zangshwom-Hom a tuiza-nakome awangle changüi.

2 SAMUEL 22:46

Hwom mongchongkya samle pao ilaxle hwom zanhunuibu tokya abünle hüi.