Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ISAIA 19:3 - OTSAO BAIBEL (BSI)

3 Kue Ijip nok katzua atho ang tomüi ilaxle hwom tutex amale awütüi. Hwome hwom to asun angkya hanpakma hwom chapabu füi hwom to asun angkya kax akaxüi, ilaxle hwom ang mongkho adün fa angkya hanpakma aje-ahing hia lwompu hwom chasabu ma tsaitik-kaxshole changüi.

အခန်းကိုကြည့်ပါ။ ကော်ပီ




ISAIA 19:3
28 ပူးပေါင်းရင်းမြစ်များ  

Ikoxle khünaknue hünzom ang kaxhobu hanpakma, kax atsatle ngokya aje hia o-nan, ibu ma tik to angkya akaxüi. Hwome thüiüi: “Ikhoma khünakbue iningkya kaxhobu paktik ang baozang chasabu füi zangwün angkya ilaxle ozün ma ngokyabu mün ma ziünkyabu füi apong angkya changle.”


ikhoma ija wünmang taile fa angkya mix lomle chixe jenu-shipabu, hinghai twonkya khünakbu, nantak lumju le changkya khünakbu pangwüi sele asox ilaxle chix hama ija wünmang chem hanpak hex taile apuafa ang tom. Chemtue hwom ngui üntoxle wanghompa tunthoma ajongpuix,


Chixe Jowanpa to mongong chithomkya khoma Sol mik max angkya atak. Chixe Jowanpa kaxtombu kax ma chilaxle tüi ilaxle lwompubu ma tsaitik-kaxshole chang.


Jenu-shipa, opa-nanpa hia mama hinghai twon mankya khünakbu apüi angkya hanpakma owawa sele chix akhong. Chemtue hwom hommong to dongle hüipuix, wanghompa-e hwom ang thüi: “Owawae ija chakza e ang tho ilaxle ija chem hanpak hex, ija ku hama wünle fa ang thokya mix ang kue wanghom zapua nyikhik koxüi awunle koxüi, chix achuakle dingkux ma hun lik alikle koxüi, ilaxle chix a ku wangting ma apün ang, ku fang angkya azom lükya ang laxüi.”


Kue hünzom to mwot tsuakle mokkya zuma hünzom ma chachen-mongchen toxüi chichangba nang chak nwon ang thole hünzom ma janzüi tüiüile hünzome thütpia? Ku, Jowanpa Khüthak Zang-e ija akaxdaoa, ilaxle kue ija ku kax thom angkya changle.


Chemtue hwome nang büthüikoxle awao ngopule atüiüihex, ipongma nang awao ngokya a, athax füichi ma hüiüi tüikya kaxho khoma soppu le hwom ang apuale laxkox. Chemtue ija nguile hüiüihex, ipongma hwom mongkha chazakyae awangle changüi, hwom chakbu a faile changüi, hwom mongchongle ngokya mong athoüi, ilaxle hwom chikux ahongüi. Ija ningkya hanpak nguile ngole; ija ikhama tüile.” Jowanpa Khüthak Zang-e ija akaxdaoa.


Hünzom baozang achongkya Apis büthüikoxle nguak? Chix a Jowanpae hongle atuikya changle!’


Kue ku khünakbu ang khüzün koxpu, ilaxle kue hwom ma tsaitox-kaxfele münngoüi chichangba othuithuima hwom füi mongmale münngoüi.


Nang chajik-muashem mwot pangwüi dantox dao; nange ibu nang naosom pong tokhange wüi twonle hüipu. Ibue nang to hidaole fongkya ningle changdao koxlax; changle nange nang zanpabu chabüt-lasün ang thole changdao koxlax.


Füichi hanpak ajekyabu kue ongat ang achangpu ilaxle lyettex-hantyale akaxkyabu tsingpabu mongsam ang tompu. Jepabu kax kue oba-okha ang achangpu ilaxle hwom hwon-je a ongat changpule ahopu.


Ija a Ijip nok ba angkya kaxho changle. Hulax, Jowanpa a akhangle zikkya zangfwom khoma ngalaxle Ijip nok to nguingole. Chix tunthoma Ijip nok chapabu hia Ijip khünakbu mong münchong tsuak.


Dibon angkya khünaknu baozang to shwomnui zui ang haxkho to dong. Moab angkya khünaknu a Nebo hia Medeba tingnu nyi mangsop; mongma laxle hwome khangmun hia tunmunbu ongle awüt.


Jowanpa Khüthak Zang-e ija moküile mongzangwünle tsuakdaoa; chixe sikngün fa angkya hanpakma chix chak thüidaoa, ilaxle owaechu chix abax ang müntho.


Jowanpa nang füi apüile jangtüidao thüiningle, khünak je-hwon, khüzi anaxkya, mongtex zukya: ibu chem mwot angchu münchang.


hwom a jutok mixbu ningle shushüi-nguakzuile abünle max: hwome awanle ngokya olom chem angchu chichang.


ongam füikya wangchasabu puinai ang tomle ilaxle chongwanghombu thua zale tüiang tomle.


Chemtue Ahithofel-e chix zünkax-saikax chilaxkya ngün ang koppuix, chix a ma mantsak kho ma nga ilaxle chix tinglong to chatle pao. Chix hom-hax hia süt-mwot pangwüi khuakhomle toxlaxle chix a alüile fünle zi. Chix a hwom homkha zukting ma akhün.


Absalom hia Israel khünaknu pangwüie thüi: “Ahithofel füi Hushai zünkax-saikax wüi müihule.” Absalom hato thama chihüi angkya hanpakma, Ahithofel-e koxkya müikya zünkax-saikaxbu mokle chile angkya hanpakma Jowanpae kaxfün tsuakle fa.


Chemtue Ahithofel a zankat ma womünale Dawid hama wünle koxpuix, chixe zangjop: “Jowanpa, chingchalaxle Ahithofel tsai-kax hia tutex ongat ang achangfa!”


Ikoxle chix jutok müile changkya füima she-e chix hama pangwüi wünle kox. Chixe ija atatlaxle mongmaxle hüi ilaxle chix a faishokle tsangtsa a long tuita ningle zanle pao.


Jowanpa ang chaxwannu nok mongtexbu füi mongzom chimüi; chixe hwom katzuabu mokle le ang chitom.


Wanghompa-e tüningkya kax atüi chichangba tüningkya khosam ahüi koxlechu, ibu mixsün hwom ali zongto chemchu chichang chemthüikoxle hwom haxtok angkya jenu-shipabu pangwüi to thombün-thomtsae nüile pangnuli hwome tikle ngo.


Ilaxle Ahaziah a Samaria angkya chix homthünkho tokya chix nuilua ma tüikya tanlya makhange düt laxle bole ngokya; chixe kaxhomixbu tsanle apaole hwom ang thüi: “Paokox, ilaxle ku kak chimüi-müiüile Ekron nok baozang Balzebub ma atüikox.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ