ISAIA 19:2 - OTSAO BAIBEL (BSI)

² Jowanpae thüile: “Kue Ijip nok ma nokpu zan lai ang tomüi ilaxle tüita-naopa hia tomzi-longzi bama tata zan to kale chang ang tomüi. Tingnu hia tingnubu, wanghom hia wanghombu tsak-zong ma atinle tata füi achax-azan ang tomüi.

ISAIA 19:2 ပူးပေါင်းရင်းမြစ်များ

KAXFÜNPA-HWOM 7:22

Gideon khünaknue nyazong mütle ngopongma zan-nok süpahibu a Jowanpae hwom tata füi lüile changlo-changlo ma ahütle azan ang tom. Hwom a Zarethan chito Beth Shittah alople jao zikle paole Tabbath zui angkya Abel Meholah tinglong to jao ngui.

1 SAMUEL 14:20

Ifüima chix ilaxle chix khünakbu Filistia nok zan to ka ang lai. Ipongma hwom a khosamsüile tata füi lüile atex-ahütle ngole tüikya.

MATHI 10:36

Khünak zongto zan amakya, ma kako homkha changüi.

MATHI 12:25

Jisu-e hwom mongto texle ngokya awanlaxle hwom ang thüi: “Chaxwan oja tata füi atsi ala laxle mathomthom le ngopuix, ija otsün lo angkya münchang. Tamchu oja tingsho chichangba kako ma tata füi ahe laxle othom-othom ma ahanle ngopuix, ija janle shu angkya changle.

MATHI 10:21

“Hotüie honao, hopae sasün lang angkya hanpakma owüiole koxüi; tamchu sasün hwome honu hia hopa hwom füi alünle ajong laxle hwom lang ang owüiole kox angkya changle.

EZEKEL 38:21

Kue Gog nok a thama-thomshix pangnuli thoto abüt ang tomüi. Ija kax Jowanpa, kue akaxpu. Chix khünakbue hwom chang-paxbu a tata to jannong alüi ang twonüi.

ISAIA 9:21

Manasseh hia Efraim khünakbue tata to single changüi, ilaxle hokhi athütlaxle Judah to singüi. Itukuxle changkox-ngaxchu Jowanpa mongtsik münbaktox; athaxchu chix chak a hwom to sikangün ang ajong lüwüi tüile.

1 SAMUEL 14:16

Benjamin haxsüt angkya Gibeah ma ziakop ang ngokya Sol khünak thome Filistia nokbu khopi-napale khong to zikle paoüi ngün.

KAXFÜNPA-HWOM 9:23

Ifüima Zang-e Abimelek hia Shekem angkya khünaknu tata füi zan ang achang ilaxle hwom tata zan to ka.

MATHI 24:7

Chaxwan tuita ata chaxwan füi azanüi; wangting tuitae ata wangting tingtaküi; pangnu khato wüi kaikuak saonu leüi ilaxlechu bütixe siüi.

JEREMIA 46:12

Hünzom zakkop bama chaxwannu noke atatdaoa; hünzom sopkya zing noknusae atatdaoa. Süpahi tuita süpahi tuita füi athut, ilaxle hokhi pangnyi wüi haxkha to nguak.

JEREMIA 51:46

Hünzome atatkya kax-hi-zangwin khoma hünzom ang mong taxhi chichangba taxza. Zanglao foto zangwün mali-mali atsatle wünle: haxtok ma chakmok-janlangle tüikya zangwün ilaxle wanghom tuita mama wanghom füi achax-azanle changkya zangwün.

ZEKARIA 8:10

Ija thoto owaechu khünak chichangba müi, ibu shakle chang ang chithokya, ilaxle zanpabu chak tokya owachu azangle chitüikya. Kue khünaknu tata zan to kale tüi ang tomkya.

1 WANGHOMBU 16:21

Israel khünakbu ahak-ahanle chang; züizüie Ginath sasün Tibni wanghom ang achangse tsu, ikoxle mamabue a Omri wüi naxngole thüt.

2 PUKAX-PANGAO 15:6

Zang-e hwom hato thama-thomshix apüile ngokoxle onok tuita mama nok to afangle thom, ilaxle tingnu tuitae ata tingnu to afangle thom.

ISAIA 3:5

Hwome tata to adale changüi. Naolibue tüichong mixmüibu chathua zale chitüiüi, ilaxle laxli chitüikya khünakbue ma thakma akhokyabu to e-sele chitüiüi.

MARK 3:24

Üntoxle chaxwan tuita ahak-ahanle jangtüi thüiba, ija chaxwan ajongle ngo ang müntho.