ISAIA 18:1 - OTSAO BAIBEL (BSI)

¹ Etheopia zangwinsa zing atat ang kopkya chaxwan tuita tüile.

ISAIA 18:1 ပူးပေါင်းရင်းမြစ်များ

ZEFANIA 3:10

Tsailo nok Etheopia tokhange ngaxchu ku khünakbue ku hato töbu apüile koxüi.

2 WANGHOMBU 19:9

Etheopia nok wanghom Tirhakah-e zunlaxle Ijip nok süpahibu hwom to sing ang hüile ngokya kaxho Asiria nok ha alop. Chemtue ija kax chongwanghompa-e atatle laxpuix, chixe Judah nok wanghompa Hezekiah hato laiza akatle,

ZEFANIA 2:12

Jowanpae Etheopia nokbu zi ang tomüi.

MATHI 23:37

“O Jerusalem! O Jerusalem! Hünzome ajebu lang tamchu Zang kaxho mixbu daole lang! Onue osabu to ozang fang to ole thomkya ningle, kue nang to ku chake künle thomse le tüle texpu; ikoxchu nange ku ang ile mok ang chitom!

EZEKEL 30:9

“Chemtue ija nyix nguile hüilaxle Ijip nok amütle changüihex, kue cha-ao-mongsaokya chitüile ngokya Etheopia nok khünaknu mong azwot ang kue kaxhomixbu ahüiüi ilaxle hwom chabüt-lasünle chang ang tomüi. Ija nyix hüile ngole!”

ISAIA 31:1

Ijip nok to fonghüile kakyabu a maxdaoa! Hwome Ijip nok ma tüikya süpahi tsak-zong — man, man-kanlin, hia cha makhange azankya süpahi, iningkyabu to ongle. Ikoxle hwome Israel nok otsao Zang, Jowanpa to a mün-ong chichangba chix ma asun angkya bama tikshole münchang.

MÜNCHUAK-TSAI 91:4

Chixe nang to chix kui-zang füi ole thomüi; chixe humele nang kho sünle thomüi; chialekya chix mongonge nang ziakople tamchu kho-awale thomüi.

MÜNCHUAK-TSAI 63:7

chemthüikoxle nang a jento ku to fongmix changpu. Nangkui-nangzang khungto ku mongmüi to tsai ngaopu.

MÜNCHUAK-TSAI 61:4

Ku othuithuima nang otsao nui ma ngo ang tomhüi; nang-kui nang-zangbu fang ma ku chaza chemchu chitüile ngo ang tomhüi. Selah

MÜNCHUAK-TSAI 57:1

Ku to chingcha hüi, O Zang, ku to chingcha hüi, chemthüikoxle ku a nang hato khosün lomle nguipu. Tüle zongkya tinu-tichap madang-madangle, nang zangkhung ma kue khosün koppu.

MÜNCHUAK-TSAI 36:7

O Zang, chizakkya nang mongkün chemtukuxkya thalix hex! Kwome nangkui nang baozangbu zangkhung fang ma ziakople ngo ang kople.

MÜNCHUAK-TSAI 17:8

Nange nang mik chemle azünse hex ile ku azünhüi; nang kui-hi-zang fangto ku pyenle thom hüi,

RUT LAIPEX 2:12

Nang chem mokdaopuix ija to Jowanpae mohimankya naxtüi. Israel nok Jowanpa owa tong to nang ma khang khom ang nguile tüilaxpuix, chixe nang to chingchajajakya naxtüikox!”

ISAIA 37:9

Ijip nok süpahibu, Etheopia angkya wanghompa Tirhakah-e zunlaxle, hwom to sing ang nguile ngokya kax Asiria nok hato alop. Chemtue chongwangpae ija atatle laxpuix, chixe Judah nok wanghompa Hezekiah hato

ISAIA 45:14

Jowanpae Israel nok füi akax, “Ijip hia Etheopia angkya tuina hünzom kux ang changüi, ilaxle Seba angkya tomchong hualo khünakbu a hünzom dabu ang ngoüi; janbüi füi hwome hünzom mantole changüi. Hwome hünzom chitong ma akhuxlaxle ngaiüi, ‘Zang a hünzom füi tüile — Zang a chix tix changpu.