ISAIA 17:8 - OTSAO BAIBEL (BSI)

⁸ Athaxpi hwome ma chak füi zingle alaikya tö-tsapbu to mongongkya müntüiüi, chichangba hwom chakzing mwot: baozangchanu Asherah mua hia ongan müikya so füi zokle ashunle tö koxkya tö-tsap, ibu to mongongkya müntüiüi.

ISAIA 17:8 ပူးပေါင်းရင်းမြစ်များ

ISAIA 30:22

Hünzome hünzom chapa khop füi zingle alaikya üntoxle hun füi chwople zingkya, ibu chapabu kopüi ilaxle “Ku mike ngünle taxngo!”, le akhongkya füi awütüi.

ISAIA 27:9

Ikoxlechu chemtue songsari tö-tsapbu haxkhix-labu ang achangle ija ma ongan müikya so zokkya chitüi chichangba Asherah baozangchanu chapabu amütle changüihex Israel khünaknu ochax thailakkya tüiüi.

ISAIA 2:8

Hwom haxtok a chapabue awangle tüile, ilaxle hwom chakbu füi zingle alaikya mwot-katbu to hwome shwomle.

ZEKARIA 13:2

Hepongma kue chaxwan angkya chapabu mün jaojao apaoüi, ilaxle owaechu ibu texle atak ang müntom. Owawae aje changpule akaxkyabu kue amütüi ilaxle chapa to shwomse le tsukya mong kue apaoüi.

ZEFANIA 1:3

müi-hi-mix pangwüi, o hia nyax pangwüi. Kue chichangchizangle tüikya khünakbu hato düt angkya hanpak apüile faüi. Kue noknusa amütüi, ota tuita chu müntoxüi. Ija Jowanpa kue akaxdaoa.

HOSIA 14:8

Israel khünaknue chapabu füi chem mwot müntüiüi; Hwom zangjop to kue lanüi ilaxle hwom nua kue zingüi. Jento omua müile ngokya pünnu tuita ningle kue hwom ang ngwotnui koxüi; Hwom mohiman pangnu otong a ku tix changpu.”

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

ISAIA 44:15

Khünake ija züita ha ang taküi ilaxle mama a chapabu zingle alai ang twontsuak. Ilaxle mama müitombu a wüntak laxle chix tsangtsa alom ang lax tamchu ana atsanle zing angchu laxtsuak; ifüikya jongta kha a ija to shwom angkya hanpakma baozang zingle chang ang tsuak.

ISAIA 1:29

Pünzuabu hia küi-thwomle alaikya küili-wüili otsao tsawatbu mong ma tüikyabu to shwom-tole hüikya khoma nang ang mongmakya tüiüi.

2 PUKAX-PANGAO 34:4

Chix kaxtom ma Bal to shwomkya ngokya tö-tsapbu ama, ilaxle ija zui ma tüikya ongan müikya so zokle changkya tö-tsapbu atsunle ama. Asherah muabu hia mama chapabu hwome haxkhix labu ang achangle awüt ilaxle haxbu ibu a ibu to shwomle ngokya khünakbu zukting to chiak.

2 PUKAX-PANGAO 14:5

Chixe Judah haxtok angkya tingnubu ma tüikya songsari baozangbu to shwomkya onuibu hia ibu ang ongan müikya sobu zokle koxkyabu awütle changkya tokhange, chixe apün-awangle ngopongma wangting a tingmüi-nokmüile ngo.

LAIPAO 34:13

Itülüi, hwom tö-tsapbu pünle awütkox. Hwom saxkox thongbu amale awütkox ilaxle hwom baozang Asherah mua texle akhixkox.

TSAITONG-KAXTONG 7:5

Idaile ibu hwom baozangbu to shwomkya onuibu pünle awütdao, hwome otsao long le longthong küile thomkyabu thuple akhix dao, hwom baozang Asherah omua texle amadao, ilaxle ibu chapabu zokle ashundao.

2 SAMUEL 22:42

Hwome fong angkya khünak lomle hu, ikoxle owae hwom khosünle chichang; hwome Jowanpa to nyak, ikoxle hwome nyakkya to chix chitsa.

ISAIA 10:20

Ozün ma danle toxkya Israel khünakbue, hwom amüt-asam ang tungkya jat-libu to mongong chithomtsuak angkya hanpak tuita nguile ngole. Hwome hwom mongong komkaile Jowanpa, Israel nok Zang to thomüi.

ISAIA 17:9

Chemtue ija nyix nguile hüipuix, müile ziakople thomkya tingnubu khünak chingole awüt-toxüi ilaxle ibu a Hip nok hia Amor nokbue Israel nok zantho to paoüima hwom tingnubu danle awüt toxkya ningle changüi.

ISAIA 37:19

ilaxle hwom baozangbu zokle ashundaoa — ibu a baozang jao chichangkyabu, ikoxle khünake pün hia long, ibu makhange zingle alaikya changkya.

ISAIA 41:29

Baozang ibu a laxli müntüi; hwome chemchu mok ang müntho — chapa ibu a tsak-zong chemchu chitüikya changle.”

JEREMIA 17:2

Hünzom khünakbue baozangchanu Asherah hanpak ang pünnu tong hex athüithüi ma tamchu haxkho hex athüithüi ma

2 PUKAX-PANGAO 31:1

Ija pangpwon wünzuale changkya füima, Israel khünaknu Judah haxtok angkya tingnu pangkha towüi pao ilaxle longlobu thuple ama, baozangchanu Asherah muabu dakle atsun, ilaxle songsari baozangbu to shwomkya onui hia tö-tsapbu pangwüi ama. Ija lailaile hwome mama Judah haxtok pangkha towüi, anaolechu Benjamin, Efraim, ilaxle Manasseh, ibu haxsüt to chuwüi hwon, ilaxle hwom hom to chat.

HOSIA 14:9

Ikhama chem zale tüipuix, jetüi-hwonlangkyabue tsingle naxlaxkox, ilaxle hwome ija mong ma pongle naxkopkox. Jowanpa lomtang a otsing lomtang, ilaxle otsao khünakbu a ija lomtang ma ahamle ozün ma ngoüi, ikoxle hwome ija thajaole tüikya khoma ochax khünakbu a ija ma asuaüi ilaxle atiüi.