ISAIA 17:6 - OTSAO BAIBEL (BSI)

⁶ Khünak hidaole wüi ozün ma toxüi, ilaxle Israel a, okho to tomta hia anyi toxlaxle chichangba kangtong to tomta anyi toxlaxle oziak bakle khaile laxdaokya olip pün tuita ningle changüi. Jowanpa, Israel nok Zang kue akaxdaoa.”

ISAIA 17:6 ပူးပေါင်းရင်းမြစ်များ

ISAIA 24:13

Zangfang angkya pangnu haxtok towüi ija a ile chang angkya changle. Ija a olip tsang hongle tsuak tamchu grep ziak khaile tsuaklaxle puamün wünle tsuak füima changkya ningle changüi.

TSAITONG-KAXTONG 4:27

Hünzom a Jowanpae mix jat-libu khato chiakle sam ang tomüi, ikhato hünzom hidaole ozün ma ngoüi.

ROM NOK HATO ZAKYA POL LAIZA 9:27

Ilaxle Israel khünaknu hanpakma khuapu: “Israel khünaknu fa angkya saktsang büta tüibachu, hwom kha angkya hidaole wüi azangüi;

OBADIA 1:5

“Chemtue zangnak ma ahuxmix nguipuix, hwome laxsele atsutsu laxwüi. Chemtue khünake grep ziak tswonle asoxüihex, hwome ota-otua hidaopong jento toxle. Ikoxle hünzom zanpabue hünzom a oli chitoxle amüt.

KAXFÜNPA-HWOM 8:2

Ikoxle chixe thüi: “Kue chem mokle tsuak puix ija a hünzome mokle tsuakdaokya füi apyen fang jao münchang. Efraim nok muakya mixe mokle tsuakkya ngaxchu kwom homjen pangnusae tsuakkya thak to changle.

ROM NOK HATO ZAKYA POL LAIZA 11:26

Ile Israel khünak pangnu khosün angkya a ija changle. Otsao Lai ma akax ngokya ningle: “Khosünpa Zaion tokhange nguiüi, ilaxle Jakop sixli angkya, chichang-chizang mwot awütüi.

MIKA 7:1

Monghom angkya ojao müntüi! Ku a, fupsa pün ma pünziak tuita chiatak ilaxle grep zu ma grep ziak tuita chiatakle woknuak maxngokya mixsün tuita ningle. Grep hia ipong müikya fupsa ziakbu a komkaile khaibang daoa.

EZEKEL 39:29

Kue kue khünaknu Israel nok khangkho ma ku chasa thokle koxüi ilaxle hwom hato otuechu kue tok münaho. Jowanpa Khüthak Zang, kue ija akaxpu.”

ISAIA 27:12

Ija nyix, Eufrat makhange Ijip nok longzipong alople, Jowanpae tuita füima tuitale chix khünaknu süile asoxüi; ija a owawae otsa hia wonglai saxtsang süikya ningle changüi.

ISAIA 10:22

Athaxpongma Israel khünaknu a tinu khatokya fix büta tüile ngokoxchu, hwomkha angkya hidaole wüi chatüi. Khünakbu hanpakma thama a athünle thomle, ilaxle ija kop angkya asupu.

ISAIA 1:9

Jowanpa Khüthak Zang-e züizüi ozün ma chitox thüikoxle, Jerusalem a Sodom hia Gomorah tingnubu ningle komkaile amadaose.

1 WANGHOMBU 19:18

Ikoxlechu kue 7000 khünak Israel nok ma ozün ma toxüi, ibu a pangwüi Bal chichangba chixe chapabu tong to chipui ikoxle ku lwot-to le ngokyabu changüi.”

JEREMIA 4:27

Zangfang pangwüi awütkya haxtok ang achang angkya Jowanpae akaxdaoa, ikoxle ijae ija komkaile amütüile münchang.)