ISAIA 16:4 - OTSAO BAIBEL (BSI)

⁴ Kwom hünzom haxtok ma ngo ang tomhüi. Kwom amüt ang tungle ngokyabu chak tokya kwom azünhüi.” (Zothup hia thama ashukdaoüi, ilaxle haxtok thomjole ngokyabu paole samdaoüi.

ISAIA 16:4 ပူးပေါင်းရင်းမြစ်များ

ISAIA 14:4

Chemtue chixe ija moküihex, hwome Babilon nok wanghompa ajaole ile akax angkya changle: “Müishix-mixma wanghom nguakdaoa! Chixe athax owawa tochu zothuple münchangüi!

MALAKI 4:3

Kue ija mwot mokkya nyix, hünzome ochax to lütkya tüiüi, ilaxle hwom a hünzom chifa fang tokya haxbu ningle.

ISAIA 51:13

Hüzome hünzom zingpupa Jowanpa, owae zangding shale pünpuix ilaxle chaxwannu chifün zingle changlaxpuix, chix alakdaocha? Hünzom amüt ang achwonle ngokyabu opange hünzom to athak ang mongsile ngopuix, ibu hanpakma jento zadongle chemto ngopu? Hwom mongtsike hünzom to ojao münpo.

ISAIA 9:4

Chemthüikoxle hwom zothuple ngokya dang nange amadaoa ilaxle hwom suakpong ma fitle ngokya jantom nange awütdaoa. Zan-nokbu to nange lütle tsuakdaoa nang khünaknu to afangle zothup ngokya zan-nokbu a, ami pongma nange Midi nok süpahibu to lütkya lailaile.

MIKNGÜN-OHÜN 11:2

Ikoxlechu nya-o taxthüt ngohom, chemthüikoxle ibu a lyet punyi ali Otsao Tingnu to cha füi nak angkya Zang chitsingkya khunakbu ang koxdaokya changle.

KAXHO MÜIKYA LUK 21:24

Üntoxle hwom züizüi chang ma maxüi; hwom züizüi kop laxle pangnu chaxwan to paoüi. Üntoxle mixnok hanpak ma-ashuk ma-ashukle Jerusalem to mixnok cha füi naküi.

ZEKARIA 10:5

Hwom zanpabu to lomnutang angkya haxthom khato zutle akhünle anaokya süpahibu ningle Judah angkya khünaknu a zan to anaokyabu ang changüi. Jowanpa hwom füi tüikoxle hwom chizale azanüi, ilaxle hwome mankho makhange azankya zan pangnu to anao angkya changle.

JEREMIA 48:18

Hünzom Dibon ma ngokyabu, hünzom achuak-achenle tüikya ngwotnui tokya thailax ilaxle hax ma labu khato ngolax; Moab ama angkya mix ima tüile ilaxle ija angkya zanhunuibu amale toxdaoa.

JEREMIA 48:8

Ija thama thoto tinglong tuita chu paole azangüi münchang; haxcha hia haxsha pangwüi amale toxüi. Ku, Jowanpae akaxdaoa.

ISAIA 33:1

Kem zanpabu a maxdaoa! Hwom to opupuechu papalole chichangba khohangle chichang khato, hwome papalole chang tamchu khohangle changle. Ikoxlechu hwome papalole lax angkya hia khohang angkya hwom hanpak ashukdaoüi, ilaxle hwom mix alüile ija papalole laxkya hia khohang mütkop ma ngoüi.

ISAIA 25:10

Jowanpae Zaion Haxnukho awaüi, ikoxlechu Moab nokbu to a cha füi tingle akhünüi, chemle tsaxsa haxzao ang nakle akhixpuix ija ningle a.

ISAIA 15:6

Nimrim shuasa ma ti chitüi, ija shuakax angkya fum pangwüi zile zan, ikhato hingkya oli tuita chitox.

TSAITONG-KAXTONG 24:14

“Chitüi-chinang khünak hom ma mwot mok ang thomlaxle dyen-nganle taxchang; chix a tuita Israel khünak tomtom wüi changlax chichangba hünzom tingnu ma ngole tüikya mixnok wüi changlax.

ROM NOK HATO ZAKYA POL LAIZA 16:20

Zang, kem mongsom otonge, chwonle wüi bao chix chifa fangto nakdaoüi. Kem Jowanpa Jisu Khrista chingcha nang füi naxngo.

ZEKARIA 9:8

Kue ku haxtok nyele ngoüi ilaxle süpahibu ija akaile le ang müntomüi. Kue mixtsak-naomüibu ang ku khünakbu to afangle thom ang müntomüi. Kue ku khünakbue chemle sikngün apongle changpuix ngündaoa.”

ISAIA 49:26

Kue hünzom to zothuple ngokya lüile tata alangle chang ang tomüi; hwom a mix-lang mix-huakkya hia chichangchizangle tüikyae mwote tokle changüi. Ifüima khünaknüsa noke wüi ku a Jowanpa changpule awanüi, hünzom khosün üntoxle hünzom danle changkya mix lea. Hwome ku a tsak-zongle tüikya Israel nok Zang changpule awan ang kopüi.”

ISAIA 54:14

Sukya kaxfün hia süntswone nang tsak-zong ang tomüi. Hünzom a mixe adakya hia thama adünkya füi atsai ngo ang tomüi.

ISAIA 58:7

Nang süt a chitüi-chinang füi ahanle saxkox ilaxle homhax chitüikyabu ang nang hom daple laxkox. Nyiwun chitüikyabu ang nyiwun laxkox, ilaxle ma haxnu-homsa hwom to münfongpu le tax-angam.

JEREMIA 40:11

Ipongma, Moab, Amon, Edom ilaxle mama onokbu to ngole tüikya Israel khünakbue, Babilon nok wanghompa-e züizüi Israel khünakbu a Judah ma ngo ang koxkya ilaxle chixe hwom gowarnor ang Gedaliah zingle tüikya atat ang kop.

OBADIA 1:14

Lompongsox ma hünzom ajongle chibang koxle müihaxkux paole azang ang laikyabu kop angkya hanpakma a. Hwome thama apong pongkhae le hünzome hwom zan-nokbu chak to chikox koxle müihaxkux.