ISAIA 16:2 - OTSAO BAIBEL (BSI)

² Hwome Arnon Shuanu kax ma tanle nui ilaxle, athax ile otswon kha angkya daple alaikya osa tuita ningle nong-tsax to khosam ma ahamle ngo.

ISAIA 16:2 ပူးပေါင်းရင်းမြစ်များ

WANWÜNKAX 27:8

Owawa hom füi atsaile ngokya a osa tuita ozop füi atsaile ngokya ningle changpu.

KAXFÜNPA-HWOM 11:18

Ifüima hwome sak-hax makhange Edom nok haxtok hia Moab nok haxtok tsiakle handün chito anguile lepu, ija a Arnon Shuanu zongma tachikao to. Hwome ikhato pom zaile athongpu, ikoxlechu hwome Arnon Shuanu chita chemthüikoxle ija a Moab nok longzi chang koxle.

JEREMIA 48:20

Hwome lanüi, ‘Moab a nguakdaoa, ija bama soplax; ija a zakkop changpu. Arnon Shuanu fole tsing ang laxkox Moab pi amadaoa, le a!’

ISAIA 13:14

“Babilon ma ngole tüikya mixnokbu, müihap mix thoto müikhi paole azonkya ningle tamchu nyetmix chitüile chunbu samkya ningle masamsam to paole samüi.

JIHUSUA 13:16

Hwom haxsüt a Aroar alople (Arnon haxsha otua ma) ilaxle haxsha osungwa ma tüikya tingnu ilaxle Medeba akhople tüikya haxsha pangwüi ima womle.

TSAITONG-KAXTONG 3:12

“Chemtue keme ija chaxwan laxle changpuix, kue Reuben hia Gad saxthom hwom ang Arnon shuanu zui ma tüikya Aroar tingnu zongma shuakuxchi haxtok ilaxle Gilid angkya haxhua nok süifi, hwom tingnubu füi tomle hwople kop ang tom.

TSAITONG-KAXTONG 3:8

“Ipongma ija Amor nok wanghom nyi angkya Jordan shuanu zongma handünchi haxtok lax, ija a Arnon shuanu makhange Harmon Haxnu alople changkya. (

TSAITONG-KAXTONG 2:36

Jowanpa kem Zang-e kem ang Arnon haxcha kax ma tüikya Aroar angkya tingnu hwople kop ang tompu; iboma Gilid to leüi lom ma haxcha osungwa ma tüikya tingnu tuita chuwüi amüt ang tompu.

HUAKE LAIPEX 21:29

Moab ma ngokya khünakbu, hünzom zongto ija a chemkuxma zadün changpuix! Hünzom Kemosh baozang to shwomkyabu olithu ang tom! Hünzom baozange lükabu a pünpao ang achang, Ilaxle shekobu a Amor nok wanghompa zanda ang achang.

2 WANGHOMBU 3:4

Athax Moab nok wanghompa Mesha, tuita chun tsomkya mix changkya; chixe Israel nok wanghom ang chun hosa 10000 ilaxle chun ola 10000, ibu füi tomle müimun chuwüi kox.

WANWÜNKAX 26:2

Othuak-ozome nang to, nang hato ija nguikoxle asule chichang thüiningle chem münthüi. Ibu a pile ahamkya zangzung chikoxkya osabu ningle changpu.

JEREMIA 48:9

Moab zukting longnu tuita küilax; ija a chwonle wüi ama angkya changle. Ija angkya tinglongbu a amale dantoxüi, ilaxle ikhato tamchatle owachu münngoüi.” (

JEREMIA 48:46

Moab nok to chingchahu a! Kemosh to shwom-töle ngokya khünaknu amütdaoa, ilaxle hwom sasün hia sacha hwom a zanda ang koplaxle paodaoa.